Eksodas 21:1 - Nobonob Baibel

¹ Yawe Nug anam anana amu, Nug nai tuɗitta aum. “Na ɗo imu Israel danab ah matte!

Eksodas 21:1 ပူးပေါင်းရင်းမြစ်များ

1 King 6:12

“Gemu na mettid lag dahil hettem amu, lag amunu da attem. Na dahil ɗo iɗu iɗu dim lamidna, dahil haknunab anak oh ele dabmettan dim lamidppe amu, am da anukka na mamen Dawit nug amegppa nai ain qakkami amu, da anam hekkul.

2 Stori 19:10

Ag lailkad, Juda danab ah, ag aab okkai anen anenppa daan, uug digdig ag epeɗiak danab, ag bappaidkkulagnu aon uɗiglag. Uug amuam ɗo digdig oolagppan laa tippalaktai, o haknunab anak tippalaktai, o ɗo mak nai laa tippalaktai, o layag qe mauhaktai, uug amu oh ag aon, ag bappaidkkulagnu uɗiglag. Ag nai amu aon uɗippeg, ag epeɗiak danab tituanak daatteb ele, ag danab amu ag Yawe, nuhigppa hipunin hemananu, ag nau aomnanu nai ag amelagppa mattieg! Ag amu ii hekkulag dayeb amu bu nau, Yawe eppegppanu, bu amu ag, amu ag lailkad ele ag tonadkku. Ag epeɗiak danab ag uɗat amu pehettak hekkulag amu, ag hipunin ii hemana.

Nehemaia 10:29

ig oh, anuqak danab ele ig oh laippu daat, ig genabnab genab Kayaknu ɗo, Nug nuhig uɗat danab Moses oɗeppa ɗo mekkom amu, ɗo amu ig dim lamidkkunignu nai qakkat attem. Ig Yawe, nuhig haknunab nai, ɗo iɗu iɗu oh ele dim lamidkkunig. Ig ihinig nai imu ig ɠagattag qeta atata, ig ii dim lamidkkunig dayeb amu, ig eheɗ laa awaknu anak waappa daagnignu oonig daatte attem.

Sam 147:19

Yawe Nug nuhig nai Jakop buɗub mattom. Ao, Nug nuhig ɗo iɗu iɗu Israel danab ah mattom.

Eksodas 19:7

Yawe Nug anam a, aria Moses qaukoppanu na ukka, Israel dilag ikki danab diia qagmaatta, amelagppa keeke oh, Yawe Nug ag amelagppa madikkununab amegppa aum amu, nug amelagppa mattiom.

Esekiel 20:11

Ag ukkaeg, da dahil ɗo iɗu iɗu matten ippunadmi. Da amu heminu diig am, danab nug amu dim lamidtte ele, nug amuppa bau daakku; padal ii mema.

Esekiel 20:25

Da ag paɗatti, ag ɗo nau iɗu iɗu, ɗo amuam ag bau daaglagnu ehanadkkulagnu elele iitta, ag ɗo amu dim lamidppig.

Lewitikas 18:26

Ag dahil ɗo iɗu iɗu dim lamidkkulagoitte. Ag kobol laala, da kobol amunu oolppa uuaknab doottem ele amu, ag amu ii hemananu daaglagoitte. Imuam, ag Israel danab, amu wan laihnu danab, ag uɗin, ag oolagppa daatteb ele, am ahilag ohnu aakku daatte.

Lewitikas 18:5

Ag dahil ɗo iɗu iɗu dim lamitteg! Aɗinu? Danab nug dahil ɗo anam dim lamidkku dayeb, amuppa nug bauklel daakku. Da am Yawe,” awa aum. ⌊Yawe Nug anam ana, Nug ɗo laala imu Moses mettom.⌋

Lewitikas 19:37

Ag dahil ɗo iɗu iɗu oh dabmettan dim lamitteg! Da am Yawe,” awa aum.

Lewitikas 20:22

Ag dahil ɗo iɗu iɗu oh dabmettan dim lamitteg! Ag anam ii hekkulag amu, da geha, wan ag omalatte gottem ele, da amuppan heppi, danab nug bahe ba gotte, amubia ag wan amu uun gokkulag.

Malakai 4:4

Amu Yawe Nukka Ɠagattag Oh Ele Nug atte. “⌊Ag nai dim lamidna hekkulagnu⌋ ag dahil maɗi nid Mosesnu nai aoppig amu, nai amu ag daulagppa doaɗ! Ao, ag ɗo iɗu iɗu, da Horep qaukoppa Israel oh dilagnu nug mettami amu, ɗo amu ag daulagppa doaɗ!

Namba 35:24

Nug am laa qeeb mauhkkunu dabma ii heum amunu, nuhikkud mudippan laippu ikki danab, ag nug keeke amunu hettoɗidtteb ele, ag ɗo amuppa nug hettoɗidna, ⌊nug ii mauhmanu⌋ ehanidkkulag.

Namba 36:13

Haknunab nai imu dim lamittaknu nai imu ele amu, Yawe Nug Moap uɗemppa, Jodan le ihippa, laih Jerikonu ukkakppa, appa Moses mette, nug Israel mattom.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Duteronomi 15:12

Am Israel danabte, o ahte laa, nug nukka nahip maɗi nid, o maɗi ah daakkunu heeb, na daden mekkut dayeb, nug maɗ eblaih laippu ele uɗat heeb ukkeb, maɗ eblaih aɗitppa na maɗi nidte, o maɗi ahte amu heppe, nug uhuqak awaɗ!

Duteronomi 4:14

Am haen amuppa Yawe Nug da ag ɗo iɗu iɗu, ag Jodan le mataɗna wana, wan ag aon daaglagnu hetteb, amuppa nona daanna, dim lamidkkulagnu da ag ippunadkkulnunab a, da anam hemi.

Duteronomi 4:45

Amu Israel danab ah ag Isip uun ukkaeg, Moses nug ɗo iɗu iɗu, haknunab anak ele mattom am imu.

Duteronomi 4:5

Antteg! Ɗo iɗu iɗu imu amu, wan ag nona aon daaglagnu hetteb ele, ag amuppa nona daanna, ag ɗo imu dim lamidkkulagnu, Yawe, dahil Kayak, Nug da nai amu meɗa, ippunadkkulnunab da amelppa aum, amu da amubia aakku hemi.

Duteronomi 4:8

Am wanppan wan laa, wan amuam ɠagattag, ag ɗo genab tutukku iɗu iɗu ele, da ag madattem imu bia elete? Iitta!

Duteronomi 5:1

Amu Moses Israel danab ah oh qagmaatta, nug ag amelagppa aum. Gemu da ag ɗo iɗu iɗu madattem imu amu, O Israel danab ah, ag nai amu daulag human doyeg! Ag aon oolagppa mena dim lamitteg!

Duteronomi 5:31

Amge haknunab anak dahil, ɗo iɗu iɗu dahil ele, na medakkulnu amu, na da ele ippa daagnih. Danab ah ag wan laa, wan amu ag aulag daakkunu madakkulnu hettem amu, ag wan amuppa haknunab anak dahil, ɗo iɗu iɗu dahil ele oh dim lamidkkulagnu amu, na danab ah ippunadkkut,” awa aum.

Duteronomi 6:1

Moses nug amu oh mattia mala, nug nai tuɗitta mattiom. Haknunab anak, ɗo iɗu iɗu ele da ag ippunadkkulnu hettem amu, Yawe, ahilag Kayak, Nug ag Jodan le mataɗna gona, wan appa daatte, ag aon daaglagnu hetteb ele, ag wan amu aon, appa daanna, ag ɗo imu oh dim lamidkkulagnu appi dooglagnu amelppa aum.

Duteronomi 6:20

Amu haen laa dimppa nid naunau ahilkad ag oɗ mattan akkulag. “Ɗo iɗu iɗu imu, Yawe, ihinig Kayak, Nug ⌊na madikkutnunab ana, na oɗenppa aakku⌋ ig mekkom ele imu diig am aɗi?” oɗ mattan akkulag.

1 Tesalonaika 4:1

Ao ig lainkad, ig kobol Kayak oo niitte bia, ag amuppa oiglagnu ippunadmut amu, ag amu dim lamidtteb. Gemu amu, ig Naɗi Jesus onigppa ag huana dim lamidkkulagnu ahilkad dabmak maɗedattem.