Eksodas 20:8 - Nobonob Baibel

⁸ Na Sabat deɗnu amu, na deɗ hamu iitta, am deɗ da, Yawe, dahilnu tituanak daatte, na amu dabmettanna, ɗo da deɗ amunu mattami dim lamidnana oiye!

Eksodas 20:8 ပူးပေါင်းရင်းမြစ်များ

Genesis 2:2

Deɗ ebqak eblaih laippu ele amu ohppa Kayak Nug nuhig uɗat oh ha mala, amu deɗ ebqak eblaih aɗitppa Nug uɗat heum ohppanu hik awom.

Genesis 2:3

Nug anam ha amu, deɗ amu Kayak Nug tituana, ititta, nuhig tituanak daakkunu meum. Aɗinu? Nug uɗat oh he ukke, malak dayeye, Nug hik awom.

Nehemaia 13:15

Amu haen amuppa ele amu, da danab laala ag Juda wanppa Sabat deɗppa grep meu, leppu aoglagnu tappaegeg anatte, laa ag ee aeg dad okkaippanu aon uɗin, ee aeg amu, wain doɗ gaɗappa inak, muɗi grepnu meu, ad fig meu, ad meu laala kuɗum ele donki attan mena, ag keeke amu oh aon uɗin, Jerusalem uɗippig ele anadmi. Ag anam heegeg anatten, da baula Sabat deɗppa danab ah ee daden mekkulagnu aon uɗin, dadennu memananu ag amelagppa ami.

Nehemaia 9:14

Na ig mamenkad aɗi ag nahip deɗ, nahipnu tituanak daatte, am Sabat, na ag nahip deɗ amu ippunatte doon, na nahip haknunab nai, ɗo iɗu iɗu ele, na nahip maɗi nid Moses amegppa ae, nug ag amelagppa a dooppig.

Eksodas 23:12

Ahilkad donki, ahilkad makau okkai ebehi ele, ahilkad begbeg maɗi nid, amu wan laihnu danab ele amu, ag oh hik aon, ɠagattag bau aoglagnu, mettid ohppa amu, ag deɗ eblaih laippu ele uɗat hekkulag, amge deɗ eblaih aɗitppa amu, ag uɗat aib heppig!

Eksodas 31:12

Yawe Nug Moses amegppa anam awowa, Nug nai tuɗitta aum.

Eksodas 35:1

Amu Moses nug qaukoppanu na, nug Israel danab ah oh onilagppa e uɗieg, nug inam amelagppa aum. “Yawe Nug ag haknunab nai imu dim lamidkkulagnu aum.

Aisaia 56:2

Danab nug dahil Sabatnu ɗonu am keeke hamu bia ii doyaya, nug ɗo amu ɠagattag aɗa dim lamidtte amu, nug itittak ena awom daatte. Ao, danab nug eheɗ laa ii hette amu, nug itittak ena awom daatte.” Yawe Nug anam atte.

Aisaia 58:13

Amu Yawe Nug atte. “Ag Sabatppa ɗo dahil dim lamidkkulag dayeb, ao, ag dahil deɗ, deɗ amuam dahilnu tituanak daatte, ag deɗ amuppa aɗi keeke ag amu hekkulagnu amelag qette, amge da ag amu hekkulagnu ii ami, ag amu hekkulagnu uuglag dayeb, ag Sabatnu, ‘Deɗ enanagnab, ehanigtte ele,’ dooglag dayeb, ao, ag da, Yawe, ag dahil deɗ, dahilnu tituanak daatte amu, ag deɗ amunu, ‘Deɗ imuam deɗ binag ele,’ dooglag dayeb, ag ahilag dabmak ii dim lamidna, amuppa ag dahil deɗ binag mekkulag dayeb, ao, ag dahil Sabatppa ele aɗi keeke hekkulagnu oolag hette, amge da ag amu hekkulagnu ii ami amu, ag amu ii hekkulag dayeb, ag deɗ amuppa nai hamu hamu ele ii mattiglag dayeb,

Jeremaia 17:21

Yawe Nug inam awa atte. “Ag Sabat deɗppa keeke maon, Jerusalem ooppa gokkulagnu uɗin, aɗnu od attenppa tena, aab ooppa gomananu dabmena autna aweg!

Jeremaia 17:22

Amu ele, ag keeke maon, ag laulagppanu dimittim uɗiglagnu, o uɗat laa Sabat deɗppa hekkulagnu aib heppig. Da ag mamelkad aɗi haknunab nai mattami, ag nai amu atte, amubia heppeg, Sabat deɗnu am dahilnu tituanak dayaɗ!

Jeremaia 17:24

Yawe Nug ag memetalkad dilagnu anam atte, amge Nug ahilagnu inam atte. “Ag memetalkad anam heppig, amge ag gemu daatteb, ag da oɗel tutukku dim lamidkkulagnu dabmena autna aon, dim lamidkkulag dayeb, ag Sabat deɗ am dahilnu tituanak daakkunu keeke maon, aab okkai imunu aɗnu od attenppa uɗin, aab ooppa ii gokkulag dayeb, ag uɗat laa ele ii hekkulag dayeb amu,

Esekiel 20:20

ag dahil Sabatnu am dahilnu tituanak daatte dabmenana, ɗo da deɗ amunu mattami ele dim lamitteg! Ag anam hekkulag dayeb amu, Sabat deɗ am ag Israel ag dahilad daattebnu dooglagnu at dayebeb, ag dooglag, da Yawe, da ahilag Kayak daattem.”

Lewitikas 19:3

Ag anen anen anilkad mamelkad dilagnu ena elele dooglagoitte. Amu dahil sabatnu ɗo da ag mattami amu, ag haen oh dabmettan, amu waappa daaglagoitte. Da am Yawe, ahilag Kayak.

Lewitikas 19:30

Ag sabat dahilnu ɗo, da ag mattami amu, ag ɗo amu dim lamidnana, dahil mettid haknu peh lagnu ebehilag oh bodoetta le maɗ! Da am Yawe.

Lewitikas 23:3

Deɗ eblaih laippu oh amu ag uɗat hekkulagnu daatte, amge deɗ eblaih aɗit ele amuam sabat deɗ, am hik awaknu deɗ. Deɗ amuppa ag Kayak noobppa qagmena dup nona Nug binag mekkulagnu deɗ. Deɗ amu, aben ag adeppa adeppa daatteb amu, deɗ amuam sabat; am Yawe binag awaknu deɗ.

Lewitikas 26:2

Ag sabat dahilnu ɗo, da ag mattami amu, ag ɗo amu dim lamidnana, dahil mettid haknu peh lagnu ebehilag oh bodoetta le maɗ! Da am Yawe.

Namba 15:32

Israel danab ah ag atu taɗakppa oinna amu, ag danab laa nug Sabat deɗppa aab awewe anidppig.

Duteronomi 5:12

Na Sabat deɗnu amu, na deɗ hamu iitta, am deɗ da, Yawe, dahilnu tituanak daatte dabmettanna, da Yawe, ahilag Kayak, da ag hekkulagnunab ami amu, na amubia oiye!