Eksodas 20:5 - Nobonob Baibel

⁵ Na dottog hattak laa, na amu noolagppa aib dup nona binag meme. Aɗinu? Da am Yawe, nahip Kayak; da dahilad dilagnu dahil doya laa aomanu doyak aɗe daattem. Da danab ag dahilnu nau ninig ele doon, hipunin hetteb ele amu, da ag bu aqai ukke, ag buɗulkad menuattak huu laippu bia ewam, o waɗele batak, bu qak amunu uug ag ele aqadtte,

Eksodas 20:5 ပူးပေါင်းရင်းမြစ်များ

2 Samuel 21:1

Amu Dawit king dayeye, haen amuppa Israel wanppa gu ii neene, maɗ ewam anam daye, danab ah ag eenu tutu maknab daappig. Ag anam daappig amunu, Dawit nug Yawe amunu oɗ metta unuqittom. Dawit unuqitte, Yawe Nug nug amegppa aum. “Saul nug baekkudppan ele ag eheɗ hena, ag Gibeon danab ii aqadlob am aqaeg mauheg, ag tiilag, Saul nug baekkudppan ele eppelagppa daatte amunu, uug imu wan imuppa beum,” awa aum.

2 Samuel 21:6

amunu, na Saul buɗubnu danab eblaih aɗit megappe, ig Gibea appa aqapput mauhppeg, ig ag gaɗalag Yawe noobppa uupput, ag anam boumattak iitta daaglag. Gibea am Saul appag diig, amu Yawe Nug Saul king daakkunu tituanom,” aon appig. Ag anam aeg amu, Dawit nug aum. “Da heppi, danab eblaih aɗit ele amu ag ag eppelagppa daaglag,” awa aum.

1 King 19:10

Yawe Nug anam oɗ mette, Elaiya nug nob ma aum. “O Yawe Kayak Nakka Ɠagattag Oh Ele, da na oɗen haen oh dim lamidkkulnu yag-nab-bak doyen hettem, amge Israel danab ah ag na hee, na ag ele ag nug tituanna nai qagappig amu, ag nai amu tippalna ii dim lamidtteb. Ag amu henana, ag qaɗab nahip ele loppaɗna, ag nahipad propet laa oh ele qep elabppa aqaeg mauhppig; da dakka iikku daattem, amu gemu ag da ele iuppeg mauhkkulnu mattiɗtteb,” awa aum.

1 King 21:29

“Na Ahap hette am anidmete? Nug nukka da noolppa onig qe nette. Nug anam hette amunu, da uug naunab nuhig haenppa heppi ii bema. Iitta. Da nug bekka king dayebeb, da haen amuppa Ahap baegppa, da amu dilagppa amu heppi, ahilagppa bekku,” awa aum.

2 King 17:35

Yawe Nug anukka he, Nug Israel ele nug tituanna nai qagappig amu, haen amuppa Nug ag amelagppa inam hekkulagnunab aum. “Ag kayak hambuppuak noolagppa aib dup nona binalag meppig; waalagppa daan oɗelag ele aib dim lamidppig. Ag doɗ manadna kayak hambuppuak amu ele aib madappig.

2 King 17:41

Wan laappanu danab ah amu, ag uɗippig, Israel wanppa daatteb amu, ag Yawe noobppa dup nona binag menana, kayak hambuppuak ahilag, amu ele noolagppa dup nona binalag metteb. Danab ah amu, ag bekkalkad, aɗelkad, alalkad ele amu, ag gemu ⌊nai imu yaak haenppa⌋ ele, ag kobol amuib dim lamidna henan daatteb.

2 King 23:26

Josaia nug kobol ena kuɗum heum, amge King Manase nug kobol nau kuɗumnab heum, amuppa nug he, Yawe Nug Juda dilagnu oppoɗi beum, amu nuhig oppoɗi bak amu ii iitta meum.

2 King 5:18

Amge da, nahip maɗi nid, da Yawe Nug dahil hipunin laippu imuib uhuqa meɗakkunu ool daatte. King dahil nug haen oh ukka, kayak hambuppuak Rimonnu mettid lag appa Rimon noobppa dup noa binag mette. Da nug ele daattep amunu, nug da ele haen oh lag amu ooppa noɗa, king nug da eppel aɗatte amunu, haen nug Rimon noobppa dup noa binag mekkunu noobppa gateg qaun otte amu, da ele gatel qaun ottem. Da amu hettem amu, hipunin dahil amu Yawe Nug uhuqa meɗakkunu da ool daatte,” awa aum.

2 King 5:27

Na Namannu men doɗo keeke laala ele aome amunu, Naman beɗuppa gaɗa oɗe nau ele dayom amu, gemu eɗua na beɗunppa ba, geha huu nahip dimppa bekkulag ag ele hanhan oɗe amu aoglag,” awa aum. Nug anam a, Gehasi nug Elisa uuitte, gaɗa oɗe nau amu nug beɗuppa ba, beɗu gaɗa amu hakkab eppa, sno bia dayom.

2 Stori 25:14

Amge Amasaia nuhikkud daup ele ag Edom danab kuɗum aqaeg mauheg, haen ag eɗun uɗina amu, Amasaia nug Edom dilag kayak hambuppuak dottolkad ele awa uɗia, dottolkad amu nuhig kayak daaglagnu maatta, nug ag noolagppa dup noa binalag maama, nug doɗ manatta, ag mattom.

2 Stori 7:19

Amge ag Israel, ag eɗun, ag dahil haknunab anak, amu ɗo dahil ele da ag mattami amu, ag ii dim lamidnana, aria ag kayak hambuppuak dim lamadnana, amu laa waalagppa maɗi nid daan, ahilag uɗat henana, ag ag noolagppa dup nona binalag mekkulag dayeb,

Job 21:19

Laa ag atteb. ‘Danab laa nug hipunin heehe, Kayak Nug bekkod bu madakkunu dabmette,’ aon atteb. Anam amge danab nug hipunin hette, nug amunu guittak doya, eheɗ heum dookkunu, Kayak Nug danab amu bu mettaɗ! Laa aib mettom.

Job 5:4

Danab amunu nid ag enaib daaglagnu ib laa iitta; hettoɗiak abenppa amu, nid amu ag laa ehanadkkulagnu laal iitta.

Sam 109:14

O Yawe, na nug mamekkud aɗi dilag hipuninnu dabmena, na nug anignu hipunin ii uhuqna medakkutnu oɗ medattem.

Sam 78:58

Ag kayak hambuppuak dilag mettid lag nakokppa ag kayak hambuppuak noolagppa dup nona binalag meppig amu, kobol amuppa ag heeg, Kayak oo nauhak doyom. Ao, ag kayak hambuppuak dottolkad noolagppa dup nona binalag meeg, Nug ahilagnu dahil doya laa aomanu doyak aɗa dayom.

Sam 79:8

⌊O Yawe,⌋ na ig mamenkad aɗi hipunin heppig amu, na amunu nob ig mekkamnanu oɗ medattem! Ao, na oot gai-iitta doon oot mekkan ehanigkkutnu unuqidttem. Aɗinu? Ig uug okkainabppa daattem.

Sam 81:15

Laa ag Yawe da, dahilnu nau ninig ele dootteb amu, ag baɗan, da noolppa dup nolob. Ao, ahilag bu am iitta ii melo.

Eksodas 23:24

Ag amu dilag kayak hambuppuak noolagppa aib dup nona binalag meppig. Ag kayak hambuppuaknu dabmak ele aib dim lamidppig. Ag kayak hambuppuak dottolkad aoɗna, maduduɗadna, heppeg nauhppeg, men gappi ele heppeg nauheg!

Eksodas 34:14

Aɗinu? Da Yawe, da onil laa am Dahil Doya Laa Aomanu Doyak Aɗeɗe Daattem; da am Kayak, da dahilad dilagnu dahil doya laa aomanu doyak aɗe daattem amunu, ag kayak hambuppuak laa noobppa dup nona binag aib meppig.

Prowerb 8:36

Amge laa nug da ii mattiɗa aniɗtte amu, nug aakku nukka nuhignu eheɗ hette. Ao, laa oh ag dahilnu nau ninig ele dootteb amu, ag aakku mauhkkulagnu ib oɗeppanab daatteb.” Doyak Dabmak Ena Ele nug anam aakku ette.

Aisaia 44:15

Danab nug kayak hambuppuak dottog hekkunu nug ad amu o qiie okkula awa, nug oppata, laih aab ilakkunu awa, aab ile ewewe, danab amu beɗu gakkaɗak ele aotte. Nug aab ila, amuppa nug ee nuhig hette, amge ad amunu laih, nug laih amu ii ilom amu, amuppa nug kayak hambuppuak dottog hoitte. Nug hoiya mala, nug dottog amu noobppa dup noa binag mette. Ao, nug hoiya mala, nug dottog amu noobppa dup noa binag mette.

Aisaia 44:19

Danab ag kayak hambuppuak dottolkad hetteb ele oolagppan laa nug tutukku dab-ii-mette. Laa nug doyak elele, o diignu doyak tutukku elele am iitta. Laa nug anam dabmak elelob, o laa nug diignu doyak tutukku elelob amu, nug inam alo. “Ad amunu laih amu da awen, aab ilen, da ee dahil amuppa hemi. Da teppu manen lami. Da amu hemi amunu, gemu da ad amunu laih awen, keeke naunab nau, Yawe Nug amunu ooppa uuaknab dootte amu, da amu hoikkul am enate? Ao, da ad maha awen, amu noobppa da dup noin binag mekkul am enatte?” ⌊Laa nug dabmak elelelob amu, nug anam helo, amge iitta.⌋

Jeremaia 2:9

Ag amu heegeg uɗie, gemu ele hetteb amunu, da, Yawe, da ag naippa yaaladttem. Da amu heinne, da ag bekkalkad, am ag bekkalkad ele naippa yaaladkkul.

Jeremaia 32:18

Na nahip oo mauhaknab kobol dim lamidnana, buɗub buɗub doobob tausen gane batak ehanadttem, amge na danab hipunin hetteb ele bu aqatte ukke, ag buɗulkad menuattak huu laippu bia ewam, o waɗele batak amu, bu qak amunu uug ag ele aqadtte. O Kayak, na onin okkai ele, na ɠagattag ele, na onin am Yawe Nakka Ɠagattag Oh Ele.

Esekiel 18:19

Anam, amge ag oɗmak hetteb. ‘Aɗinu danab amu bekka nug mameg hipunin heum, beɗuppa aab ele amu, aɗinu bekka nug beɗuppa aab ele iitta?’ aon atteb. Ag anam oɗmak hetteb, amge bekka nug nai doya mala hettoɗia epeɗia elele mettak kobol dim lamitta heum. Nug kobol genab tutukku ele dim lamittom. Nug dahil ɗo nai dim lamidkkunu dabmak awawa oiyom amunu, nug genab bau daakku; nug ii mauhma.

Esekiel 18:2

“Israel danab laa ag oiyak ehanittaknu nai tutu imu mattiegeg doottem. ‘Nid mamelkad ag grep meu ninig ele laegeg, ahilkad nid aelkad nette,’ aon atteb, amge ag amu aib appig.”

Esekiel 20:7

Da amu hein, da ag amelagppa ami. “Ag anen anen oh ag kayak hambuppuak dottolkad, amu oh am uɗig wak ele amu, ag amu binalag mekkulagnu oolag okkai daatte ele amu, ag oh dottolkad amu agappeg ukkeg! Ag Isip dilag kayak hambuppuak dottolkad binalag meppeg, dubuttid nau ag oolagppa aib teum! Da am Yawe, ahilag Kayak.” Da anam ami.

Esekiel 39:25

Anam amunu, Naɗi Yawe Nug inam atte. “Da hei, Jakop buɗub ag gona, wan laalappa diia ukka laih me dayak danab ah daatteb amu, da heppi, ag eɗun, ahilag wanppa daaglag. Da ahilagnu oo bodoetta le mak dookkul. Laa ag da onil oppiaawaknu, ‘Keeke hamu bia,’ doomnanu, da yag-nab-bak doye hekkul.

Esekiel 8:3

Laa amu nug eppeg dottog bia bahia, da ikkil uɗug aɗom. Aɗe amu Ouɗi Nug da humiɗe, da wan, hab ele gamalahppa daaiyi, tuleglegppa, tulegleg amuam Kayak he anidmi, tulegleg amuppa Ouɗi Nug omaiɗa Jerusalem ukka, Nug da omaiɗa, Kayaknu mettid lag, amuppan mana mettak danab dilag haɗapnu aɗnu od yawalti uɗitteppanu daatte, Nug da appa meiɗom. Appa kayak hambuppuak dottog laa qappak dayom. Israel ag dottog amu noobppa dup nona binag metteb ele amunu, dottog amu he, Yawe Nug Israel dilagnu dahil doya laa aomanu doyak aɗa daatte.

Daniel 1:2

Nebukatnesar, nuhikkud daup ele ag anam heeg, Naɗi Nug he, ag Juda dilag king Jehoiakim aoeg, nug Nebukatnesar eppegppa daye, Nebukatnesar nug Kayaknu mettid lagppan keeke laala ele diiom. Keeke amu nug awa ukka, nuhig kayaknu mettid lag Babilon wanppa daatte, amuppa, en maknu oo, nug appa meum. ⌊Nug keeke awa Babilon ukka, Nug Jehoiakim, Juda laala ele diia, ag Babilon wanppa diia ukka laih me dayak danab ah daaglagnu ukkom.⌋

Daniel 3:18

⌊Ihinig Kayak Nug amu hekkunu elele⌋ amge, O king, Nug amu ii hekku dayeb, amuam ihinig dabmak heeb, ii eɗuma. Ig na imu dookkutnu oonig daatte. Ig nahipad kayak noolagppa dup nota binalag ii memata; dottog golppa hak, na qappame amu, ig amu ele noobppa dup nota binag ii memata,” aon appig.

Lewitikas 20:5

da geha danab amu baekkudppa ele eheɗ hadakkulnu doyeye dayen, da heppi, geha nug, amu laa oh ag Molek dim lamidna binag metteb ele, ag Israel oolagppanu geɗittak daaglag.

Lewitikas 26:1

Ag aib kayak hambuppuak dottolkad hadappig. Ag aib ahilag wanppa kayak hambuppuak dottog laa, o men gappi laa qabappig. Ele amu, ag men hoyak ele laa, keeke amu noobppa dup nona binag mekkulagnu, ahilag wanppa aib meppig. Aɗinu? Da am Yawe, ahilag Kayak.

Lewitikas 26:29

⌊Ahilag ee aɗatte aoppi,⌋ ag bekkalkad, aɗelkad teppulkad lakkulag.

Nahum 1:2

Yawe Nug nuhikkudnu, dahil doya laa aomanu doyak aɗa daya, nuhikkud kekeɗ bu madatte. Ao, Kayak Nug laa eheɗ hetteb ele dilagnu oppoɗi bak doyaya, Nug bu tutukku madatte. Nug laa ag nuhignu, “Ihinig kekeɗ” dootteb ele amu, Nug ag nob tutukku madatte. Ao, Nug nuhig kekeɗ dilagnu oppoɗi bak okkai doyaya daatte.

Namba 14:18

‘Da, da Yawe, da paha oo nauhak ii doottem. Dahil oo mauhaknab kobol am amba, leta nette. Da ele hipunin, nai dahil tappe nak ele uhuqa mettak hettem. Amge da danab ah ag hipunin hetteb ele bu madattem; uuatti hamu ii gotteb. Ge, danab ag hipunin hetteb ele amu, da ag bu aqatti ukke, ag buɗulkad menuattak huu laippu bia ewam o waɗele batak amu, bu qak amunu uug ag ele aqadtte,’ aon ame.

Namba 14:33

Ag da, Yawe, ag da ippunadmi bia da dim lamiɗkkulagnu uun heppig amunu, diig amunu ag bekkalkad geha atu taɗakppa mauhnoak maɗ 40 oiglag. Ag geha anam oippeg ukkeb, ag laa oh mauhadkkulag.

Namba 25:11

“Mana mettak danab Aron bekka Eleasar, nug bekka Pinias amu, nug Israel danab, Midian ah ele aa kobol nau heeheh aqate mauhpiɗ amunu, da dahil oo nauhak bodoettom. Da danab ah ag da diil am nau doomnanu yag-nab-bak doyen hettem, amubia nug ele anam doya heum amunu, da dahil oo nauhak tuɗitten, ag oh ii hatti nauhppig.

Matyu 4:9

“Na da noolppa gaten qaun ona, dup nona da binal meppe amu, da keeke imu oh medakkul,” awa aum.

Jon 15:18

Wan imuppan danab ah wannu kobol dim lamadtteb ele, ag oolagppa ahilagnu nau ninig ele dooppeg amu ag doyeg! Danab ah amu ag tatam dahilnu anam dooppig.

Jon 7:7

Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.

Jon 9:2

Anam amu Jesusnu ippunittak awak danab ag amu anidna appig. “Ippunittak danab, aun nug hipunin he, anig nug danab amu ameg gaɗuak ele menuom. Nug hipunin heumte, o iitta anig mameg eletai hipunin hepiɗ?” aon appig.

Rom 1:30

layag baeg qak anak kobol, Kayaknu nau ninig ele doyak kobol, laa dilagnu eheɗ doya nai tappe nak kobol, beɗuppa tak kobol, ag akka onilag humana amunu nai mattiak kobol ele hetteb. Ag kobol nau bau digdignu dabmena hetteb, amu ag anilkad mamelkad oɗelag dim ii lamidtteb.

Rom 8:7

Anam daattenu diig am, danab nug oo alagnu keekenu dabmak anuqak aotte ele, nug aakku Kayaknu kekeɗ daatte. Aɗinu? Nug Kayaknu ɗo waappa ii daatte, amu nug anam hekkunu ele, elele iitta

1 Korint 10:22

Ig anam hepput, Naɗi Kristus Nug ihinignu, dahilppa anam daalon dabmak aɗa daakkunu dabmettemte? Ig nuhig ɠagattag eɗidkkunignu elelete?

Duteronomi 32:21

Ag kayak hambuppuak dottolkad noolagppa dup noa binag mak kobol heeg, da ahilagnu dahil doya laa aomanu doyak aɗe daami. Dottolkad amu ag kayak genab iitta. Ao, ag kayak hambuppuak dottolkad, keeke amuam ag ehanadkkunu elele iitta, ag amu noolagppa dup noa binag mak kobol heeg, da ool nauhom. Gemu amu, da danab ah ag dahilad iitta ehanadppi, Israel danab ah ag amu anidna, ag ehanittak amunu ittag aqeeb, ag ele aoglagnu dabmak aona, ag dahilppa eɗun uɗiglag. Ao, danab ah dahilad iitta, ag diignu doyak tutukku iitta, da ag ehanadppi, Israel danab ah ag amunu oolag nauhkku.

Duteronomi 32:41

Da qep elab dahil, qep amuam amemɗi laippun yaatte bia danab ah aqadtte amu, da qep amunu aeg hoikkul dayeb, amu da qep amuppa danab ah bu madakkul dayeb, da inam hekkul. Da dahil kekeɗ dilag eheɗ haknu nob tutukku qep amuppa madakkul. Ao, da laa ag dahilnu nau ninig ele dootteb amu, da ahilag eheɗ haknu nob elele madakkul.

Duteronomi 4:24

Ag amu hekkulagnu diig am, Yawe, ahilag Kayak, Nug am aab dittiak naɗi, keeke oh ewatte iitta metteb, Nug amubia daatte. Nug nuhikkud dilagnu dahil doya laa aomanu doyak aɗa daatte, ⌊Nug danab ah ag dup nona, kayak laa binalag mekkulag ele hatteb nauhkkulag.⌋

Duteronomi 5:10

amge danab ah ag oolag da meɗan, dahilnu oolag mauhtte, dahil ɗo ele dim lamidtteb amu, da ahilagnu oo mauhaknab doyeye, da, ag buɗulkad menuattak huu laippu bia 1,000 dimppa bekkulag amu, dahil oo mauhak amu ahilagppa ele daakku.

Duteronomi 5:9

Na dottog hattak laa, na amu noolagppa aib dup nona binag meme. Aɗinu? Da am Yawe, nahip Kayak; da dahilad dilagnu dahil doya laa aomanu doyak aɗe daattem. Da danab ag dahilnu nau ninig ele doon, hipunin hetteb ele amu, da ag bu aqai ukke, ag buɗulkad menuattak huu laippu bia ewam, o waɗele batak, bu qak amunu uug ag ele aqadtte,

Duteronomi 6:15

Ag kayak laa noolagppa dup noa binag mak kobol ii hemananu diig am, Yawe, ahilag Kayak, ag oolagppa daatte, amu Nug nuhikkud dilagnu dahil doya laa aomanu doyak aɗa daatte. Ag kayak laa dilagnu dup noa binag mak kobol hekkulag dayeb amu, Nug ahilagnu oo nauhak huana doya heeb, ag mauhna, iittanab mekkulag.

Duteronomi 7:10

Amge laa ag nau ninig ele nuhignu dootteb amu, Nug pahanab ag bu madatte. Ao, Nug laa ag nau ninig ele nuhignu dootteb amu, Nug paha heeb, ag nauhkkulag.

Jems 4:4

Ag danab ah naunab. Ag Kayak uuna, kobol laala dim lamadtteb ele. Ag danab nug wan kobolnu oo hette ele, nug aakku Kayaknu kekeɗ daatte iite dootteb? Ge, laa nug wan kobolnu layam daakkunu dabmak awa, dabmak amu dim lamidtte, nug Kayaknu kekeɗ daatte.

Josua 23:16

Ag nug tituana nai qakkak Yawe, ahilag Kayak, Nug ag mattom amu, ag nai amu tippalna, kayak laa dilagppa dup nona binalag mena, ag waalagppa daan, ag oɗelag dim lamidkkulag amu, Kayak Nug ahilagnu oo nauhak okkai doyeb, ag geha laippun wan ena, Nug ag mattom ele, ag amuppanu nauhna, iitta men malaglag,” awa aum.

Josua 23:7

Ag aib Kanan danab, wan imuppa daatteb ele layam daappig. Ahilkad kayak aib onilag diippig. Ag aib kayak amu onilagppa ahilag nai ɠagattag qedappig; ag aib ahilagnu dup nona binalag meppig, o ag waalagppa daan, ag oɗelag dim lamidppig.

Josua 24:19

Ag anam appig amu, Josua nug danab ah amelagppa aum. “Yawe Nug am oppiaawak daatte, Nug ahilagnu dahil doya laa aomanu doyak aɗa daatte amunu, ag Yawe, kayak laala ele waappa daan, ag oh oɗelag dim lamidkkulagnu elele iitta. Am ag tuɗid ele hipunin hekkulag dayeb, Nug ahilag nai tappe nak, ahilag hipunin elenu bu aqadkku; bu qak iittappa ii uhuqa mattama.

Ikki Danab 2:19

Amge epeɗiak danab anen anen ag mauheg amu, danab ah ag eɗun, hak naunu ibppa wana, ag kobol diig ena iitta uɗig wak ele mamelkad aɗi hedappig, amu eɗittak henana oippig. Ag kayak laala dim lamadna, ag waalagppa daan, ag oɗelag dim lamidna, ag noolagppa dup nona binalag ele meppig. Ag ahilag eheɗ hak ii uueg, ag Yawe oɗe dim lamidmananu, ahilag dabmak ɠagattag eppom.