Eksodas 20:23 - Nobonob Baibel

²³ Ag kayak hambuppuak dottolkad aib hoiyadna, ag da noolppa dup nona, da binal menana, kayak amu ele noolagppa dup nona, aib binalag meppig; ag daib noolppa dup nona, da binal mekkulag. Ag kayak hambuppuak noolagppa dup nona binalag mekkulagnu, ag dottolkad golppa, o silwappa ele aib heppig,’ ” awa aum.

Eksodas 20:23 ပူးပေါင်းရင်းမြစ်များ

2 King 17:41

Wan laappanu danab ah amu, ag uɗippig, Israel wanppa daatteb amu, ag Yawe noobppa dup nona binag menana, kayak hambuppuak ahilag, amu ele noolagppa dup nona binalag metteb. Danab ah amu, ag bekkalkad, aɗelkad, alalkad ele amu, ag gemu ⌊nai imu yaak haenppa⌋ ele, ag kobol amuib dim lamidna henan daatteb.

Eksodas 32:31

Moses nug anam awowa, nug eɗua, qauko attan ta, nug Yawe amegppa inam aum. “Oo doyaknab, oo doyaknab. Danab ah imu ag hipunin naɗinab heppig. Ag kayak hambuppuak laa golppa hena, ⌊ag nug noobppa dup nona binag meppig⌋,

Eksodas 34:17

Yawe Nug nai amu ana, Nug nai tuɗitta aum. “Ag kayak hambuppuak dottolkad golppa, silwappa, o brasppa keeke, aib heppig.

Esekiel 20:39

O ag Israel danab ah, ahilagnu amu Naɗi Yawe, Nug inam atte. “Ag anen anen ohnab, ag gemu gona, ahilag kayak hambuppuak noolagppa dup nona binalag mattaglag, amge qinob dimppa amu, ag genabnab dahil nai doon, ag baula ahilkad kayak hambuppuak noolagppa dup nona binalag ii memana, ahilag daakkunu keeke ele ii mattamna. Ag amu oh ii heppeg, amu haen amuppa da onil oppiaawak ele laa dilag neekkakppa hamu bia ii daama,” awa atte.

Esekiel 43:8

Israel dilag king ag lag enanagnab ahilag da laul guguittaknab heppig. Aɗ aakkuib da ag ele gamagppa dayom. Ag beɗulagppaib anam da ag ele guguittaknab daappig, amge ag kobol digdig, da kobol amunu oolppa uuaknab doottem amu, ag kobol amu heegeg, danab ah laa dilag neekkakppa da onil oppiaawak ele aakku nau dayom amunu, da oo nauhak okkai doyen, da hei, ag aakku padal mena nauhppig.

Daniel 5:23

Na amu helom, amge na ii heme, gemu ele ii hettem. Iitta. Na Naɗi, hab attan daatte, na Nug ele mehqak hekkulahnu hettem. Na he, laa ag nuhig mettid lagppan kap akkan uɗieg, na, nahipad okkai, na waatad, am na waatad amge waatadnab iitta ele ag amuppa wain lanana, ag kayak dottolkad golppa, silwappa, brasppa, aenppa, adppa, menppa hak ele binalag meppig. Kayak dottolkad amu ag keeke laa amelagppa anidkkulagnu iitta, ag daulagppa keeke laa dooglagnu iitta, ag dabmakppa keeke laanu diignu doyak tutukku aoglagnu elele iitta. Na amu heme, amge na Kayak, Nug nahip bau dayak, nahip oiyak ele Nug eppegppa aɗatte amu, na Nug binag ii meme.

Daniel 5:4

Ag wain lanana, ag ahilkad kayak gol, silwa, bras, aen, ad, menppa dottolkad hak ele, ag amu binalag meppig.

Lewitikas 19:4

Ag aib kayak hambuppuaknu oolagppa genab dooppig. Ele amu, ag aib kayak hambuppuak dottolag aenppa, keeke hattana, noolagppa dup nona binalag meppig. Da am Yawe, ahilag Kayak.

Sepanaia 1:5

Da heppi, laa ag laulkad koɗokko uɗem ukkakppa tena, appa ag aam, kalam, hoɗoppai ele dilagnu, ‘Umu ag am kayak laa,’ anana, ag amu noolagppa dup nona binalag metteb ele amu, ag oh nauhkkulag. Ao, da heppi, laa ag da, Yawe, ag da dim lamiɗtteb anan, ag da onilppa ele ahilag nai ɠagattag qettan atteb, amge ag kayak hambuppuak Molek onigppa ele ahilag nai ɠagattag qettan atteb amu, ag nauhkkulag.

Duteronomi 27:15

“Laa nug kayak hambuppuak dottog aɗi keekeppa ha, lokkumakppa qabatte amu, nug eheɗ laa awaknu anak waappa dayaɗ! Kayak hambuppuak dottolkad danab uɗat amu haknu doyak okkai ele amu, Yawe Nug dottog amunu ooppa uuaknab dootte,” aon akkulag. Ag anam aon appeg, danab ah oh ag, “Genab, anam dayaɗ!” akkulag.

Duteronomi 29:17

Danab amu oolagppa ag uuaknab doyaknu keeke, amuam kayak hambuppuak dottolkad adppa hattak, menppa, silwappa amu golppa ele hattak amu, ag amu anadppig.

Revelesen 22:15

Amge baɗ mak danab, gappai danab, qe mauhak danab, kayak hambuppuak binag mak danab ele, amu laa oh ag hambuppuak kobol oolag mettan hetteb ele, ag Kayaknu aab okkai dimittim qai bia daaglag.

Ikki Danab 17:3

Nug silwa amu eɗua, anig mette, nug aum. “Gemu amu, genabnab genab da silwa dahil imu da bekkal awa, kayak dottog laa adppa hoiyaknu, kayak dottog laa silwappaib hak ele hekkunu, da silwa imu Kayaknu daakkunu tituanen, Yawe medattem. O da bekkal, da na amu hekkutnu eɗuen, silwa imu na eppenppa mettem,” awa aum.