Eksodas 20:2 - Nobonob Baibel

² “Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Eksodas 20:2 ပူးပေါင်းရင်းမြစ်များ

1 King 18:39

Aria, haen danab ah oh ag amu anidna amu, ag oh laippun gatelag qaun o, gomelna, iɗulag wanppa mena, ag inam eppig. “Yawe Nugib am Kayak genab, Yawe Nugib am Kayak genab!” aon eppig.

2 King 17:12

Yawe Nug ag ii hemananu aum, amge ag kayak hambuppuak dottolkad noolagppa dup nona binalag meppig.

2 King 17:7

Uug amu oh Israel dilagppa beum. Aɗinu? Ag Yawe, ahilag Kayak, Nug ag alalkad anukka Paro, Isip dilag king eppegppa daappig, Nug appanu eɗua diia, omalatta uɗiom amu, ag nuhigppa hipunin heppig. Israel ag kayak hambuppuak noolagppa dup nona binalag menana,

2 Stori 28:5

Nug eheɗ anam heum amunu, Yawe, nuhig Kayak, Nug he, Aram dilag king uɗia, nug eɗittom. Aram dilag daup ag Juda eɗadna, ag danab ah kuɗum aɗualatteg daaeg, ag diin Damaskus goppig. Amu laa, Yawe Nug he, Israel dilag king nug nuhikkud daup ele ag uɗieg, Juda ele ban hena, ag Juda eɗadna, daup kuɗum aqaeg mauhppig.

Sam 50:7

Kayak Nug atte. “Dahilad danab ah, da appi, ag doyeg! Ao, Israel danab ah, da ahilag eheɗ haknu amu appi, ag dooglag. Da Kayak, Da ahilag Kayak.

Sam 81:10

Da, Yawe, ahilag Kayak, da aakkuib ag omalatti, ag Isip uun uɗippig. Ag oɗelag huana aaheppeg, da ag keeke ena ena oɗelagppa inadkkul.

Sam 81:11

Amge iitta, danab ah dahilad ag dahil nai dooglagnu ii heppig. Ao, Israel ag da waalppa daaglagnu uuppig.

Sam 81:7

Ag uug nauppa daanna, da unuqiɗeg, da ag ehanatti, ag qagaiettakppa ii daappig. Ao, da lombig hinqakppanu ag unuqiɗppignu nai nob mattami. Ge, Meriba appa amu, da ag ma anttak mattami. Sila.

Eksodas 13:14

Moses nug anam ana, Nug tuɗitta aum. “Dimppa ag bekkalkad ag, ‘Kobol imuam diig aɗi?’ aon oɗ mattaglag amunu, ag inam amelagppa akkulag! ‘Ig Isip wanppa begbeg maɗi nid daautut, Yawe Nug uɗat ɠagattagnab ha, ig Isipnu awikka, omaikka uɗiom.

Eksodas 13:3

Yawe Nug anam a amu, Moses nug Israel danab ah amelagppa inam aum. “Ag Isip daanna, appa begbeg maɗi nid daaegeg, haen amuppa Yawe Nug nuhig ɠagattag amuppa ag Isipnu diia, omalatte uɗippig amunu, haen oh Yawe Nug deɗ imuppa ahilagnu keeke okkainab amu heum, keeke amu ag daulagppa doaɗ! Ag amu daulagppa doobob, ag bret yis ele hak amu, ag aib lappig.

Eksodas 15:13

Na nahip oo mauhaknab kobol dim lamidnana, na ig Israel, ig Isip dilag begbeg maɗi nidnu qagaiettakppanu eɗua uhuqak hen mekkana, na ig eleleib omaigkkut. Ao, na nahip ɠagattag, na amuppa na ig omaigppe, ig aben nahip, aben amu nahipnu tituanak daatte, ig amuppa gokkunig.

Eksodas 15:16

Ao, baɗak eheɗ nau okkainab ag tonatta daakku. O Yawe, ag nahip ɠagattag anidna, ag toettan daaglag. Ge, ag keeke laa hekkulagnu elele iitta. Ag anam daappeg, nahipad danab ah ig, ig ag qe-eɗadta gokkunignu gottemppa gokkunig. Ao, ag anam daappeg, ig danab ah na Isipnu eɗun awigme amu, ag anam daabppeg, ig qe-eɗadta gokkunig.

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Eksodas 20:1

Amu Kayak Nug nai imu oh aum.

Eksodas 29:46

Da aben amuppa anam daappi, geha ag da am Yawe, ahilag Kayak, ag anam dooglag. Da dakkaib, da ag oolagppa daakkulnu, da aakku ag Isipnu diien, omalatti uɗippig. Daib am Yawe, ahilag Kayak,” awa aum.

Eksodas 6:6

Anam amunu, na da oɗel imu aon, Israel amelagppa inam appe doyeg! ‘Da am Yawe. Da geha heppi, ag Isip dilag begbeg maɗi nid maɗi ah ele baula ii daamna. Ao, ag Isip waalagppa baula ii daamna. Da dahil ɠagattag naɗippa, dahil bu mettak okkai eleppa ag Isip dilag begbeg maɗi nidnu qagaiettakppanu eɗua uhuqak hein madakkul.

Aisaia 43:3

Ag anam ii nauhmana. Aɗinu? Da Yawe, ahilag Kayak, da am ag Israel, ahilag Kayak Oppiaawak Ele; da am ahilag padal memananu ehanittak daattem. Da heppi, Isip danab ah ag, ag oulag daappeg, ag Israel, ag qagaiettak ii daamna. Ao, da heppi, Kus, Seba danab ah ele ag, ag Israel danab ah oulag daappeg, amuppa da ag Israel eɗuen, aben enappa maadkkul.

Jeremaia 16:14

Amu Yawe Nug atte. “Ag anam daaglag, amge haen laa uɗitte, haen amuppa danab ag baula, ‘Yawe Nug Israel danab ah Isipnu omalatte beppig, Nug genab bau daatte, genab amubia nai da attem imuam genab,’ ii amana.

Jeremaia 2:6

Ag inam bia dabmelob. ‘Yawe omaikke, ig Isip wan uut, Nug atu taɗakppa omaikke uɗimut. Atu taɗak amuam atu taɗaknab, am nau. Ee keeke appa ii daatte. Ao, atu amu, appa keeke laa ii daatte, ihiib ameg qagma, gokkaɗa nan daatte. Atu amuam qaɗaiettak, gu ii nette. Ao, danab appa mauhkkunu am miagnab daatte. Atu taɗak amuppa am, danab laa ii daatte. Ge, appa ele danab ah ag ii oitteb.’ Ag dahilnu anam dabmelob, amge iitta. Ag amuam ii dabmeppig.

Jeremaia 31:1

Amu Yawe Nug atte. “Dimppa, haen laappa amu, da Israel dilag aab ikki ohnu Kayak daappi, ag am dahilad danab ah daaglag,” awa atte.

Jeremaia 31:33

Amu Yawe Nug imu ele atte. “Anam amunu, nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Da ahilag Kayak daakkul, ag am dahilad danab ah daaglag.

Jeremaia 34:13

“Da, Yawe, da Israel dilag Kayak, da inam attem. ‘Anukka ag mamelkad aɗi ag Isip wanppa begbeg maɗi nid daan oiyegeg, da ag Isipnu diien, omalatti uɗippig, haen amuppa da hei, da ag ele ig nug tituanta nai qakkamut. Nug tituana nai qakkak amuppa da ami.

Esekiel 20:19

Da am Yawe, ahilag Kayak. Ag dahil ɗo iɗu iɗu dabmettan, pehettak dim lamidna,

Esekiel 20:5

Na ippunadna, na inam appe doyeg!” awa aum. Nug anam ana, Nug da ag amelagppa inam akkulnu tuɗitta aum. “Naɗi Yawe Nug inam atte. ‘Haen da Israel danab ah ag dahilad daaglagnu tituanadmi amu, haen amuppa da eppel humen, dahil nai ɠagattag qetten, da ag amelagppa, “Da am Yawe, da ahilag Kayak daattem,” ami. Ag Isip daaegeg, da amu ain, da diil ele ag ippunadmi.

Esekiel 20:7

Da amu hein, da ag amelagppa ami. “Ag anen anen oh ag kayak hambuppuak dottolkad, amu oh am uɗig wak ele amu, ag amu binalag mekkulagnu oolag okkai daatte ele amu, ag oh dottolkad amu agappeg ukkeg! Ag Isip dilag kayak hambuppuak dottolkad binalag meppeg, dubuttid nau ag oolagppa aib teum! Da am Yawe, ahilag Kayak.” Da anam ami.

Hosea 12:10

Da ⌊ag nau aomnanu, da⌋ dahil propet amelagppa nai mattimi. Da hei, ag tulegleg kuɗum anidppig. ⌊Da amu hein, da hei, propet ag uɗin, ag amelagppa mattiegeg, ag dooppig⌋. Ele amu, da propet keeke danab ag dootteb ii dootteb ele ouaqatta, ippunittak nai kuɗum ippuanatti, ag mattiegeg dooppig.” Yawe Nug anam aakku atte.

Hosea 13:4

Amu Yawe Nug atte. “Da Yawe, ahilag Kayak, da ag Isipnu diien, omalatti uɗippig. Ag laanu, ‘Nug Kayak,’ aib appig. Ao, ag laanu, ‘Nug danab ah ehanatte, padal ii metteb,’ aib appig. Iitta! Daib.

Lewitikas 11:45

Aɗinu? Da am Yawe. Da ag ahilag Kayak daakkulnu, da ag Isip wanppan diiyi, ippa uɗippig. Da am oppiaawak daattem amunu, ag dahilnu, oppiaawak ele daaglagoitte,’ awa aum.

Lewitikas 19:36

Ahilag skel, nuhig uug doyaknu keeke ele am tutukkunab daakkuoitte. Ahilag keeke inaknu teɗu, keeke qaɗaiettak, o leppu mettak melemel haknu, ag amu tutukkunab hekkulagoitte. Da am Yawe, ahilag Kayak. Da ag Isipnu diie, omalatti uɗippig.

Lewitikas 23:43

Amuam Israel menuak bau anen anen dokkulag, ag dooglag; da ag alalkad, ag Isip wanppanu, qagaiettakppa ii daamnanu ehanatten hei, ag alalkad ag peh waappa daaegeg, da ag Isipnu diien, omalatti uɗippig. Da am Yawe, ahilag Kayak,” awa aum.

Lewitikas 25:38

Da am Yawe, ahilag Kayak. Da ag Isipnu diie, omalatti, Kanan wan madakkulnu uɗippig. Da ag Isipnu, ahilag Kayak daakkulnu diimi.

Lewitikas 25:42

Aɗinu? Israel danab ah amu, ag dahil maɗi nid maɗi ah ele daatteb. Da ag Isipnu diie uɗimi. Ag ag laa dilag begbeg maɗi nid daaglagnu, ag maadppeg iinab daden maadkkulagoitte.

Lewitikas 25:55

Aɗinu? Israel danab ah ag dahil maɗi nid maɗi ah ele daatteb, da ag Isip wanppanu diie uɗimi. Da am Yawe ahilag Kayak.

Lewitikas 26:1

Ag aib kayak hambuppuak dottolkad hadappig. Ag aib ahilag wanppa kayak hambuppuak dottog laa, o men gappi laa qabappig. Ele amu, ag men hoyak ele laa, keeke amu noobppa dup nona binag mekkulagnu, ahilag wanppa aib meppig. Aɗinu? Da am Yawe, ahilag Kayak.

Lewitikas 26:13

Da am Yawe, ahilag Kayak. Am ag tuɗidna, Isip dilag begbeg maɗi nid daamnanu, da ag Isipnu diie, omalatti uɗippig. Da hei, ag Isip dilag maɗi nid maɗi ah ele baula ii daatteb; ag gemu hamu, danab laa waappa ii daan, uɗa nak iitta ele oitteb.

Amos 2:10

O Israel danab, da Yawe, da Amo dilag wan ag madakkulnu, da ag Isipnu diie bein, da atu taɗakppa maɗ 40 ag omalatte oimi.

Rom 10:12

Nai amuam ooppa genab doyaknu kobolnu Juda amu iitta aɗi ele ag Naɗinu neekkakppa huu piɗe piɗe daatteb ii ippunigtte. Iitta! Kayak laippuib, Nug am danab oh dilag Naɗi daatte, amunu danab aun aɗi ag Nug onigppa etteb ele, Nug ag itittak ena okkai madatte.

Rom 3:29

Amu attemu? Kayak Nug am Juda dilagib Kayakte? Nug iitta aɗi dilag Kayak ele iite daatte? Yo, Nug am iitta aɗi dilag Kayak ele daatte.

Duteronomi 13:10

Yawe, ahilag Kayak, Nug ag Israel, Isipnu diia, omalatte uɗippig. Ao, ag Israel, ag wan laappa begbeg maɗi nid maɗi ah ele daaegeg, Yawe Nug amuppanu diiom. Amu danab eheɗ amu hekku amu, nug ag Israel danab ah laa, nug ag Yawe, nuhigppanu matakkatta diikkunu hekku amunu, ag menppa makkuɗppeg mauhaɗ!

Duteronomi 15:15

Am ag anukka Isip wanppa begbeg maɗi nid daaegeg, Yawe, ahilag Kayak, Nug ag ehanatta, nuhig ɠagattag okkaippa amunu qagaiettakppanu eɗua uhuqak heum amu, ag appa baula begbeg maɗi nid ii daatteb, ag amu daulagppa doaɗ! Diig amunu gemu da ag haknunab anak imu madattem.

Duteronomi 20:1

Haen ag ahilkad kekeɗ banelag gona, kekeɗ ag hos, bannu karis ele anadnana, ag ban danab, ahilag ebqak am ag eɗattak ele anadnana, ag aib baɗappig. Aɗinu? Yawe, ahilag Kayak, Nug ag Isipnu diia uɗiom ele, Nug ag ele daaglag!

Duteronomi 5:15

Ag anukka Isip appa begbeg maɗi nid daaegeg, da Yawe, ahilag Kayak, da ag Isipnu diie, omalatti uɗippig, amu ag daulagppa dayaɗ! Da ag Isipnu diie uɗikkul hein, da dahil ɠagattag okkaippa, keeke okkai kuɗumnab hemi, diig amunu da Yawe, ahilag Kayak, da ag Sabat deɗ dabmettan autnanab aoglagnunab ami.

Duteronomi 5:6

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Duteronomi 7:8

Yawe Nug ahilagnu oo mauhtte, amu ahilagnu keeke hekkununab nuhig nai ɠagattag qetta, ag mamelkad aɗi amelagppa aum, diig aɗit amunu Nug ag uppa Isip dilag king Paro waappa begbeg maɗi nid daamnanu, Nug nuhig ɠagattagppa ag amunu qagaiettakppanu eɗua uhuqak haaha, Nug ag Isipnu diia, omalatte uɗippig. Yawe Nug amu hekkunu, nuhig ɠagattag okkaippa heum.

Ikki Danab 2:1

Amu Yawenu engel nug Gilgalnu aha, Bokim ta, nug Israel danab ah amelagppa aum. “Da ag Isipnu diie, wan imu, da ag mamelkad aɗi madakkulnu dahil nai ɠagattag qetten ami amu, da amuppa uɗimi. Da ami. ‘Da geha ag ele nug tituana nai qakkak hemi amu, da iinab tippalpa.

Ikki Danab 6:10

Da ag amelagppa ami. “Da am Yawe, ahilag Kayak. Ag Amo danab, gemu ag ahilag wanppa daatteb ele amu, ag amu dilag kayak noolagppa dup noa binag mak kobol ii hekkulagoitte,” ami, amge ag da ii dooiɗppig.’ ” Propet nug Kayak nai amu, danab ah amelagppa aum.