Eksodas 20:13 - Nobonob Baibel

¹³ Na danab aib qeppe mauhom.

Eksodas 20:13 ပူးပေါင်းရင်းမြစ်များ

2 King 21:16

Amu Manase nug Jerusalem appa danab ah eheɗ laa ii heppig kuɗum, huanak aqe mauhppig. Nug anam ha, amu nug ele he, Juda danab ah ag hipunin heppig. Ag hipunin amu henana, ag Yawenu neekkakppa eheɗ heppig.

2 Stori 24:22

King Joas nug Sekaraia mameg Jehoiada nug nuhignu ena heum ii dabmeum. Iitta. Nug danab nuhignu ena heumnu bekka aakku qe mauhom. Nug anam he, Sekaraia nug mauhaha, nug aum. “Yawe Nug nahip hak imu antta, Nug heeb, nahip hak nau imunu bu mettak nahip-ppa bekkunu ool daatte,” awa aum.

Eksodas 21:12

Amu Kayak Nug aum. “Danab laa nug danab laa doyaya makkuɗeb, danab amu mauheb amu, danab nug danab laa makkuɗe mauhom ele amu, ag nug genab qeppeg mauhaɗ!

Eksodas 21:14

Amuam danab nug layag ii doyaya qe mauhttenu ɗo, amge danab laa nug hekkunu lokkumakppa dabmaama, maittak eheɗ awa, danab laa qeeb mauhkku dayeb amu, ag danab amu qeppeg mauhaɗ! Genab! Nug ena daakkunu qaiqaɗ ukka, dahil qaɗabppa ta aɗakku dayeb am keeke hamu. Ag amu aib dabmeppig. Ag nug amuppanu aon gona, qeppeg mauhaɗ!

Eksodas 21:20

Am danab laa nug nuhig begbeg maɗi nid, o begbeg maɗi ah makkuɗeb, haen amuppa nid amu mauheb, aria, ag gumak danab eheɗ heumnu, ag nug qeppeg mauhaɗ!

Eksodas 21:29

Amge makau dawai amu nug danab ah hanhan yaaladkkunu haaha dayom ele amu, danab ag makau mameg amegppa amunu appig, amge nug aɗ ita, makau aɗppa ii meum dayeb, makau nug danab o ah laa qeqeɗippa yeeb mauhkku dayeb amu, ag makau amu menppa qeppeg mauheb, mameg ele qeppeg mauhaɗ!

Eksodas 23:7

Danab ag danab laa hettoɗiakppa mekkulagnu henana, ag nai hambuppuak nuhignu madippeg amu, aria ag laa amu, ag aib amu dim lamidna, nai amu ele madippig. Am danab tutukku nug eheɗ laa ii heum dayeb amu, aria ag nug hamu hettoɗiakppa mena, nug aib qeppeg mauhom. Aɗinu? Da ⌊Yawe, da⌋ danab nug beɗuppa aab ele amu, da nug hettoɗidppi, nug padal mekku.

Prowerb 1:11

Ag inam akkulagtai. “Na doppe, ig ele, ig laa meidta daatta, qepput mauhaɗ! Ao, ig danab nug beɗuppa aab iitta, ig nug hamu qepput mauhaɗ!” akkulag.

Prowerb 1:18

Hipunin danab ag aakku akka ahilkad pelem maadtteb. Ao, ag pelem maadtteb, ag amuppa nona mauhadkkulag.

Aisaia 26:21

Aɗinu? Antteg! Yawe, Nug wanppan danab ah ag nau heppignu nob naunu bu madakkunu, Nug nuhig aben hab aabppa daatte amu uua, Nug nette. Amu wan nug geha danab tiilag danab laa aqappig, tiilag amu tuɗitta, ii lokkumadma. Iitta. Wan nug geha kobol nau amu oh danab ag heppig, am amu oh heeb, miag atiglag.

Jeremaia 26:15

Amge ag imu tutukku doon oiyeg! Da keeke laa ag hak amunu iuppeg mauhkkulnu laa ii hemi amunu, ag da iuppeg ii mauhkkuloitte. Ag da iuppeg mauhkkul amu, ag aakku eheɗ heppeg, ag beɗulagppa aab daakku amunu, Yawe Nug ag, aab okkai imu, amu danab ah aab imuppa daatteb ele bu madakku. Amuam genabnab daattenu diig am, Yawe, laa iitta, Nugib keeke imu oh appi dooglagnu meiɗe uɗimi.” Jeremaia nug nai amu ag amelagppa mattiom.

Lewitikas 24:17

Aun laa nug danab o ah laa qeeb mauheb amu, ag laa amu heum qeppeg mauhaɗ!

Lewitikas 24:21

Aun laa nug doɗ laanu qeum dayeb, amu nug eɗua nob elele medakkuoitte, amge ag laa nug danab laa qe mauhom amu, ag nug qeppeg mauhkkuoitte.

Matyu 19:18

Anam a amu danab amu nug aum. “Aɗi ɗo dim lamidkkul?” awa aum. A amu Jesus Nug aum. “Na danab aib qeppe mauhom. Na ewau aib pakkuna gappai heme. Na yabhok aib heme. Na hettoɗiakppa, aben laa oh eleppa, na layapnu nai hambuppuak aib mattime.

Mak 10:19

Amge nahip oɗmaknu amu, na ɗo oh doottem. Na ewau aib pakkuna gappai heme. Na danab aib qeppe mauhom. Na yabhok aib heme. Na hettoɗiakppa, aben laa oh eleppa, na layapnu nai hambuppuak aib mattime. Na kobol hambuppuakppa keeke aib aome. Na mamen, anin ele binalah mate!” awa aum.

Luk 18:20

Amge nahip oɗmaknu amu, na ɗo oh doottem. Na ewau aib pakkuna gappai heme. Na danab aib qeppe mauhom. Na yabhok aib heme. Na hettoɗiakppa, aben laa oh eleppa, na layapnu nai hambuppuak aib mattime. Na mamen, anin ele binalah mate!” awa aum.

Aposel 16:28

amge Pol nug huana ewa aum. “Na nakka aib duut ome! Ig oh iikku daattem,” awa aum.

Aposel 28:4

Mat Pol eppegppa anam ha dayeye, nud amuppanu danab ah ag mat amu Pol eppeg emala, ilul ewa daye anidna, ag akka akka ahilag dabmakppanu madippig. “Danab umu nug amu danab laa qe mauhom bia doottem. Amuppa nug nob awa mauhkkunu dayom, amge nug yuppa ii mauhom. Yuppa ii mauhom, amge geha nug Kayaknu nob mettak qe-eɗidkkunu elele iitta,” aon appig.

Rom 13:9

Ɗo imu oh, “Na ewau aib pakkuna gappai heme; na danab aib qeppe mauhom; na yab aib heme; na layapnu keeke aib amen qeeb aolomnab dabmak eheɗ aome,” ele, ɗo amu, amu ɗo laala ele daatteb, amu oh dilag ikki tamaniak, ɗo okkai laippu daatte am inam. “Na nakka nahipnu oot mauhtte, amubia na laipad dilagnu oot mauhaɗ!”

Galesia 5:21

laanu ameg qe oo elele ii dayak kobol, le ɠagattag la kaaka qak kobol, goɗak qiɗ nau ele hak kobol, amu hak nau iɗu iɗu ele aakku daatte. Da anukka ag amelagppa ami, amu gemu baula ag amelagppa attem. Danab oh ag kobol amu hetteb amu, ag Kayaknu ɗo maɗoɗ ii aomna.

Duteronomi 5:17

Na danab aib qeppe mauhom.

1 Timoti 1:9

Ig ele doottem, ɗo nug genab tutukku hak danab dilagnu ii daatte. Iitta. Ɗo nug ɗo ii dim lamittak danab dilagnu, am nai tappe nak danab dilagnu, am Kayak dimettak danab dilagnu, am hipunin danab dilagnu, am laa Kayaknu oppiaawak ele ii daatteb dilagnu, am laa Kayak dab-ii-mena wannu kobol dim lamidtteb dilagnu, am laa ag mamelkad anilkad aqaeg mauhtteb dilagnu, am danab ag lailkad aqaeg mauhtteb dilagnu,

Jems 2:11

Ig doottem, Kayak Nug aum. “Na ewau aib pakkuna gappai heme,” amge Nug amuib ii aum. Iitta. Nug ele inam aum. “Na danab aib qeppe mauhom,” awa aum. Amunu na gappai kobol ii hekkut dayeb, amge na danab qeppe mauhkku dayeb amu, na aakku ɗo tippalak danab daattem.

Jems 2:13

Aɗinu? Danab laa nug layagnu oo gai-iitta doya oo metta ehanittak kobol ii dim lamidtte, nug layag eheɗ heumnu nob nau medatte, nug nob nau amu medakkunu ii uutte amu, Kayak Nug danab amu hettoɗiakppa nob nau medakku. Amge danab laa nug layagnu oo gai-iitta doya oo metta ehanidtte, nug hipuninnu nob nau ii medatte amu, nug geha hettoɗiakppa nob nau ii aoma. Oo gai-iitta doya oo metta ehanittak kobol am nob mettak kobol eɗidtte!