Eksodas 20:12 - Nobonob Baibel

¹² Na mamen, anin ele binalah mate! Ge! Na paha ii mauhmananu, na wan laappa, da Yawe, nahip Kayak, da na medakkulnu hettem amu, na appa haen elab daakkutnu, na anam hekkut.

Eksodas 20:12 ပူးပေါင်းရင်းမြစ်များ

Genesis 48:12

Nug anam a amu, Josep nug nid aɗit nug mameg baegppanu diiata, piɗe maata, nug mameg noobppa gateg qaun o, gomela, iɗu wanppa meum.

Genesis 50:12

Ag anam hena gona amu, Jakop bekkod ag Jakop hekkulagnunab aum amu, ag amubia heppig.

1 King 2:19

Aria, Batseba nug anam awowa, nug ukka, King Solomon antta, oɗ metteb, nug Abisak awa, Adonaiya medakkunu ukkom. Ukke, King Solomon nug Batseba uɗieye antta, nug aha, ukka uɗa ta, nug noobppa dup noa, gomelom. Nug anam hewowa, nug eɗua sia kingppa dayaya, nug maɗi nid he gona, sia king laa aon dona, Solomonnu sia king gukkuittak, nug eppeg naɗiap-ppa meeg, amu Batseba nug sia amuppa dayom.

2 King 2:12

Elisa nug ulah kilibob amu Elaiya awa ukke antta, inam baag okkaippa eum. “Mama dahil, mama dahil. Na Israel dilag ehanittak danab ɠagattag. Na Israel dilag daup ag bannu karis attan daan, ban hetteb, daup ag hos attan daan, ban hetteb ele, na amubia daattem,” awa eum. Elaiya nug ukke, Elisa nug baula Elaiya ii anttom amunu, Elisa nug ooppa uugnab doyom. Nug anam doyom amunu, nug nuhig lamen elab dimittimnu amu aɗa, gamagppa pattiɗom. Pattiɗe, aɗit daapiɗ.

Eksodas 21:15

Am danab laa nug mameg, o anig makkuɗeb, anig o mameg nug mauhkku, o iitai mauhkku, aria ag danab nug anam heum amu, ag qeppeg mauhaɗ!

Eksodas 21:17

Am danab ⌊nug mamegnu, o anignu oo nauheb,⌋ nug anig, o mameg eheɗ laa aokkunu anak waappa daakkunu akku dayeb amu, aria ag nug qeppeg mauhaɗ!

Prowerb 15:5

Laa nug Kayak dab-ii-maama ii dim lamidtte ele, nug mamegnu tolitta bu mettak tappe nette; amge laa nug tolitta bu mettak awa, dabmaama dim lamidtte amu, nug aakku eheɗ bemanu dabmak awa dabmak amu dim lamittak kobol dim lamidtte.

Prowerb 17:6

Alalkad nid daatteb, ag am alalkad kaino dilag king haɗ bia daatteb; amu nid ag anilkad mamelkad dilagnu, “Ag binalag ele,” dootteb.

Prowerb 20:20

Danab nug anig, o mameg ele nug eheɗ laa awaknu anak waappa daakkunu akku dayeb amu; nuhig bau dayak am laa lam gatatuppa qauhom bia iitta mekku.

Prowerb 28:24

Aun laa nug mameg o anignu keeke yab awa, “Imu eheɗ iitta,” akku; nug am laa keeke he nauhtte layag daatte.

Prowerb 3:16

Doyak dabmak ena ele am ah laa nug keeke laa paniattaknu eppegppa aɗatte bia. Nug eppeg naɗiap-ppa amu, nug maɗ kuɗumnu bau dayak aɗatte; Ao, nug eppeg nanehppa amu, nug enub, binag ele aɗatte.

Prowerb 30:11

Laa ag mamelkad eheɗ laa awaknu anak waappa daaglagnu anana; ag anilkad ele ii itadtteb.

Prowerb 30:17

Laa nug mameg awa awa qedatte; anig oɗe dim lamidkkunu, ‘Am keeke hamunab,’ dootte amu, alɗal nug ameg oolnu noakppa ya lakku. Ao, kaub ag nug beɗu lakkulag.

Jeremaia 35:18

Yawe Nug Jeremaia amegppa anam a, Jeremaia nug Rekap buɗub amelagppa inam aum. “Yawe Nukka Ɠagattag Oh Ele, Israel dilag Kayak, Nug atte. ‘Ag mamelag anukkanu Jonadap, ag nuhig haknunab anak dim lamidna, ag aɗi aɗi hekkulagnu aum amu, ag amu oh dabmenan, anamib hetteb,’

Jeremaia 35:7

Keeke laa amu, ag lag ii buuadmana, ee ii eppamna, grep ele ii eppamna. Ag keeke amu aɗan ii oimna. Iitta. Ag hanhan peh lagppaib daanna oiglag. Ag oiyeb oiyeb danab anam daanna, ag haen elab wan ag daattebppa daaglag,’ awa aum.

Esekiel 22:7

Jerusalem danab ah, ag oolagppan laa ag mamelkad anilkad dilagnu, “Keeke hamunab,” dootteb. Ag oolagppan laa ag wan laihnu danab eheɗ hadatteb, amu laa ag ag nid mamelkad iitta ele eheɗ hattana, ag ah qab ele eheɗ hadatteb.

Lewitikas 19:3

Ag anen anen anilkad mamelkad dilagnu ena elele dooglagoitte. Amu dahil sabatnu ɗo da ag mattami amu, ag haen oh dabmettan, amu waappa daaglagoitte. Da am Yawe, ahilag Kayak.

Lewitikas 19:32

Kaino laa gumitta dob amu, na hibaitte! Aun nug tatamnu daatte, na nuhignu ena elele doye! Ag ahilag Kayaknu ag ebehilag oh bodoetta le maɗ! Da am Yawe.

Malakai 1:6

Yawe Nukka Ɠagattag Oh Ele Nug mana mettak danab amelagppa atte. “Nid danab nug mameg binag mette; maɗi nid laa nug okkai nuhig noobppa bodoettak daatte. Da am ag mamelag, amge ag da binal ii metteb. Ao, da am ahilag okkai, amge ag dahilnu ena elele ii dootteb. Ag mana mettak danab ag da onilnu, keeke hamununab, dootteb. Ag anam dootteb, amge ag da amelppa atteb. ‘Ig ib adekkuppa na oninnu, keeke hamunab doottem?’ aon atteb.

Matyu 19:19

Na mamen, anin ele binalah mate! Na nakka nahipnu oot mauhtte, amubia na laipad dilagnu ele oot mauhaɗ!” awa aum.

Mak 10:19

Amge nahip oɗmaknu amu, na ɗo oh doottem. Na ewau aib pakkuna gappai heme. Na danab aib qeppe mauhom. Na yabhok aib heme. Na hettoɗiakppa, aben laa oh eleppa, na layapnu nai hambuppuak aib mattime. Na kobol hambuppuakppa keeke aib aome. Na mamen, anin ele binalah mate!” awa aum.

Mak 7:10

Imu antte! Moses nug aum. ‘Na mamen, anin ele binalah mate!’ Amu nug inam ele aum. ‘Danab nug anig, o mameg eheɗ laa aokkunu anak waappa daakkunu akku dayeb amu, ag qeppeg mauhaɗ!’

Luk 18:20

Amge nahip oɗmaknu amu, na ɗo oh doottem. Na ewau aib pakkuna gappai heme. Na danab aib qeppe mauhom. Na yabhok aib heme. Na hettoɗiakppa, aben laa oh eleppa, na layapnu nai hambuppuak aib mattime. Na mamen, anin ele binalah mate!” awa aum.

Epesus 5:21

Ag Kristusnu ebehilkad oh bodoetta le meeb, ag akka akka ag nug waappa dayeg!

Duteronomi 11:8

Ag keeke oh Yawe Nug heewo anidppig amunu, ag haknunab anak nai gemu da ag madattem imu, ag tutukkunab dim lamitteg! Ag amu hekkulagnu diig am, wan ag Jodan le mataɗana, nona aoppeg, ahilag daakkunu daatteb amu, ag nai amu oh dim lamidkkulag dayeb, ag amu hekkulagnu ɠagattag elele.

Duteronomi 11:9

Diig laa am, ag oɗe dim lamidkkulag dayeb amu, ag wan, Yawe Nug ag mamelkad aɗi, amu ag buɗulkad madakkununab nuhig nai ɠagattag qetta aum amu, ag wan amuppa haen elab daaglag. Wan amuam wan enanag, wan ittag ele, amuppa ee meu huan otte!

Duteronomi 21:18

Am danab laa nug bekka nug oɗe dim lamidmanu dabmak nuhig ɠagattag eppe ii dim lamidtte, nug nai tappe nak danab daya, nug mameg, o anig tolidya, bu metteheh, aa oɗelah ii dim lamidtte dayeb amu,

Duteronomi 25:15

Ag wan laa, Yawe, ahilag Kayak, Nug wan amu ag madakkunu hette, ag wan amuppa haen elab ena daaglagnu amu, ag uug doyaknu keeke, ag keeke okkai dooglagnu, ag skel tutukku, melemel tutukku ele aakkuib aɗan hekkulagoitte.

Duteronomi 27:16

Appeg, Lewi buɗub ag inam akkulag. “Aun laa nug mameg, o anig onig he nauhtte, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.

Duteronomi 32:47

Aɗinu? Dim lamitta haknu nai imuam hamu iitta. Laa amu, nai amu ag bauklel madakku. Ag dim lamidkkulag dayeb amu, ag wan Jodan le mataɗna nona aon daaglagnu hetteb ele, ag haen elab wan amuppa daaglag,” awa aum.

Duteronomi 4:26

amunu, gemu da hab, wan ele aa dopeɗ, da nai imu Israel, ag amelagppa madippi, aa dooyya, dimppa aa da genab ag Israel danab ah, da ag amelagppa ami akkulahnu elele daaglah. Ag Israel, ag Jodan mataɗna wana, wan aon daaglagnu daatte, amuppa daaglagnu hetteb, amge diig amunuib ag haen elab appa, wan amuppa ii daamna. Iitta! Aɗinu? ⌊Ag digmen, kayak hambuppuak dim lamidkkulag dayeb,⌋ Yawe Nug genab heeb, ag padal mena autna aoglag.

Duteronomi 4:40

Ahilagppa, ahilkad nid naunau, amu ag dimulkadppanu ele, ahilagppa ena, elele ba daakkunu, ag wan amu, Yawe, ahilag Kayak, Nug ag wan ahilag haen oh daakkunu madakkunu hette amu, ag amuppa haen elab daaglagnu, ag ɗo nai, amu aɗi haknunab anak imu ele, gemu da ag madattem imu, ag dim lamitteg! Amuam nai laa Moses mattiom aakku.

Duteronomi 5:16

Na da Yawe, da haknunab nai mattami bia, na mamen, anin ele binalah mate! Ge! Na wan laappa, da Yawe, nahip Kayak, da na medakkulnu hettem amu, na appa haen elab daakkutnu, nahip-ppa ena elele ba daakkunu amu, na anam hekkut.

Duteronomi 5:33

Ag wan ag nona aon daaglagnu hetteb amu, ag amuppa nona bau daaglagnu, ahilagppa ena, elele ba daakkunu, ag haen elab wan amuppa daaglagnu, ag Yawe, ahilag Kayak, Nug ag ib adekkuppa daaglagnu haknunab aum amu dim lamitteg!

Duteronomi 6:2

Ag, nid ahilkad, amu ag alalkad ele, ag oh ag Yawe, ahilag Kayak, ag nuhignu ebehilag oh bodoetta le mekkunu, ag bau daanna, ag nuhig haknunab anak, nuhig ɗo oh ele, ag amu oh dim lamitteg! Ag anam dim lamidna oinna, ag haen elab wanppa daaglag.

Kolosi 3:20

Amu nid naunau ag keeke ohppa ag anilkad mamelkad oɗelag dim lamitteg! Aɗinu? Naɗi Nug kobol anamnu ooppa ena dootte.

Rut 3:6

Aria, Rut nug Naomi aum bia babaitta aha, Boas uɗat hedeppa ukkom. Ukka, appa nug ahipa aɗi aɗi hekkunu aum amu, nug aakku heum.

1 Samuel 22:3

Danab ag ukkaeg, Dawit ele daanna, Dawit nug aha, mameg, anig ele diiate, ag Mispa goppig. Aab amuam Moap wanppa dayom. Nug omalate gona, Moap wanppa tena, amu Dawit nug Moap dilag king amegppa inam aum. “Mama, anai ele, aa ena na ele daappeg ukkeb, haen Kayak Nug dabmak nuhig dahilnu heeb, miag bekku batakku am elelete, o iittate?” awa aum.