Eksodas 20:11 - Nobonob Baibel

¹¹ Aɗinu? Da Yawe, da deɗ eblaih laippu ele uɗat hei ukke, hab, wan, yu ele, amu keeke oh amuppa daatteb ele hattami, amge da deɗ ebqak eblaih aɗitppa, da hik aomi. Da keeke amu oh deɗ amuppa hein maloya, da deɗ eblaih aɗitppa hik aomi amunu, da deɗ ebqak eblaih aɗit ele, amuam Sabat aakku, da deɗ amu itittak ena mettoya, dahil daakkunu tituanmi.

Eksodas 20:11 ပူးပေါင်းရင်းမြစ်များ

Genesis 1:28

Haatowa amu, Kayak Nug itatata aum. “Aa appatpeɗ, aa buɗulti atu oh tonan malan, daan oiyeg! Oinna, ag keeke oh, doɗ dakkuɗ, aabppanu doɗ, doɗ naunau, kakai, ai oh ele, ag amu oh gumatteg!” awa aum.

Genesis 1:31

Kayak Nug keeke oh Nug hattom ele, Nug keeke amu ohnu am enaib anattom. Buttua ukka uudo, ukka wagkkaɗom, am deɗ ebqak eblaih laippu ele.

Eksodas 31:17

Ao, Sabat deɗ amu, da hei, da ag Israel ele nug tituanta nai qakkamut amu, Sabat deɗ am tituanak amunu at hanhannu daakku. Aɗinu? Da, Yawe, da deɗ eblaih laippu ele uɗat hei ukke, hab, wan ele hewoya, am deɗ eblaih aɗitppa uɗat oh malak daye, da hik aomi,’ ” awa aum.

Eksodas 8:22

Amge na danab ah dahilad ii paɗadppe, qid ameg naɗi bekkulag amu, deɗ amuppa, na geha da Yawe, da wan imuppa daattem dookkutnu, da aben onig Gosen, dahilad danab ah appa daatteb amu, wan amu da gumakkul amunu, wan amuppa qid ag gona ii daamna.

Eksodas 9:29

Paro nug anam a amu, Moses nug oɗeppa awa aum. “Da aab okkai ooppanu eɗue, dimittim goppi, haen amuppa na wan oh am Yawe, nuhigib daatte dookkutnu, da eppel attan hume, Yawe unuqidppi, geha hakkaɗ qak uueb, ais doɗo nette amu, amu ele iitta mekku.

Aisaia 42:10

Ag wan atu ohppan danab ah ag Yawenu ahi bau etteg! Ao, ag wan batakppanu ag ahi ettanna, ag Yawe binag meig! Ag danab ag uubppa yu qaɗeppa oitteb, yuppanu keeke oh ele, ag anam heig! Ag danab ah wan miagnu, wan umanu ele, ag oh Yawe binag maknu ahi bau laa etteg!

Aisaia 48:13

Da eppelppa wan hemi. Da eppelppa hab ele hemi. Gemu amu, keeke amu oh dahil ɠagattagppa tutukku ena daatteb.

Aposel 14:15

“Ag ippan danab, ag aɗinu anam hetteb? I ele am danab, ag biaib. I Nai Ena ag amelagppa mehuqta, amu i ele ag keeke nau hamu meu iitta amu uuadna, ag Kayak bau daatte amu Nug dim lamidkkulagnu amelagppa mehuqttep. Nug am hab, wan, yu ele, amu keeke oh amuppa daatteb ele, amu oh Nug hattom.

Aposel 20:7

Amu mettidnu deɗ anuqak, deɗ amuppa ig, appan Kristen danab ele oh ee laippu aognignu qagmemut. Am Pol nug wagɗeb deɗ amuppa gokkunu dayom amunu, nug nai elab danab amu amelagppa mattieye ukka, tu meum.

Aposel 4:24

Amu haen ag oh amu doona amu, ag baalag laippu mena, Kayak unuqidna inam appig. “Naɗi Yawe, na hab, wan, yu ele, amu keeke oh amuppa daatteb ele, keeke amu oh na hattame.

Duteronomi 5:15

Ag anukka Isip appa begbeg maɗi nid daaegeg, da Yawe, ahilag Kayak, da ag Isipnu diie, omalatti uɗippig, amu ag daulagppa dayaɗ! Da ag Isipnu diie uɗikkul hein, da dahil ɠagattag okkaippa, keeke okkai kuɗumnab hemi, diig amunu da Yawe, ahilag Kayak, da ag Sabat deɗ dabmettan autnanab aoglagnunab ami.

Hibru 4:4

Amu Kayak naippa aben laappa Kayak Nug deɗ eblaih aɗitnu inam atte. “Kayak Nug uɗat nuhig oh ha mala, amu deɗ ebqak eblaih aɗitppa Nug uɗat heum ohppanu hik awom.”

Revelesen 10:6

nug laa bauklel hanhan daatte, Nug hab heum amu habnu keeke oh ele hattom, Nug wan heum amu wanppanu keeke oh ele hattom, Nug yu heum amu yuppanu keeke oh hattom niitteb ele amu, Nug onigppa nuhig nai ɠagattag qetta aum. “Haen baula ii tuɗidma.