Eksodas 2:6 - Nobonob Baibel

⁶ Awa do, Paro aɗeg nug kaleg awa, ameg matula, nug nid yuɗ, nug am nid danab amu, nug nid amu kaleg ooppa niieye anttom. Nug kaleg ameg matule, nid amu gayeye antta, Paro aɗeg nug oo doye, nug aum. “O gadon! Imuam Hibrunu nid laa,” awa aum.

Eksodas 2:6 ပူးပေါင်းရင်းမြစ်များ

1 King 8:50

amu na ig nahipad danab ah, na ig ihinig hipunin digdig oh, ig nahip-ppa hemut amu, na amu oh uhuqna mekkan, na heppe, kekeɗ ig eɗigppig ele, ag ihinignu oo gai-iitta doya oo metta ehanittak kobol dim lamidna ig amu mekkaglagnu ool daatte.

Nehemaia 1:11

O Naɗi, da am nahip maɗi nid daattem, laa ele ag na oninnu ebehilag oh bodoetta le mekkunu enanagnab doon, ag nahipad maɗi nid daatteb, ag amu, da gemu, na ig oh, ihinig unuqittak imu dookkutnu oɗ medattem. Gemu da king noobppa daakkul amu, haen amuppa na heppe, king nug dahilnu ena dookkunu oɗ medattem.” Da anam unuqidmi, amu haen amuppa da kingnu wain mettak danab daami.

Sam 106:46

Nug he, laa ag ag aɗualatteg, ag eppelagppa daappig amu, ag ahilagnu oolag gai-iitta doon, oolag mattan, ehanadppig.

Eksodas 1:22

Aria dimppa, Paro nug Isip danab ah amelagppa inam aum. “Hibru ah ag nid danab bau menuadppeg anidna, ag aɗadna, Nil leppa agappeg noig; amge nid ah menuadppeg amu, ag uuadppeg dayeg!” awa aum.

Eksodas 2:5

Nid amu appinag nug anam hibaitta dayeye amu, Paro aɗeg le laakkunu, nug nuhig maɗi ah ele, ag leppa noppig. Aria, maɗi ah ag le ihippa oiyegeg, Paro aɗeg ⌊nug le layom. Le layaya amu⌋ nug qao ooppa kaleg antta, nug he, begbeg maɗi ah laa ukka, awa doum.

Eksodas 2:7

Paro aɗeg nug anam awa a, amu nid yuɗ apag amu doa, Paro aɗeg inam oɗ mettom. “Da ukke, Hibru ah laa amegppa appi uɗia, nid huh medatta gumakkunu oɗ medakkulte?” awa aum.

Prowerb 21:1

King nug Yawe eppegppa daatte, amuam lenag bia. Ao, Nug le ippu adeppa gokkunu he, le gotte bia, Nug kingnu dabmak attem bekkunu he bette.

Jeremaia 34:9

Nug tituana nai qakkak Jerusalem danab ah, Sedekaia ele heppig amu, nai amuppa ag ohnab anen anen ag ahilkad Hibru begbeg maɗi nid, danabtai o ahtai, ag amu oh uhuqadppeg, hamu daappeg, ag oolagppa laippu laa nug Hibru nug begbeg maɗi nid daakkunu ii hema. Ag nai amu qagappig.

Aposel 7:21

Anam lokkumeh daye, dimppa nug nakok okkai me, anig nug ⌊uub nakok ita ooppa ina, awa leppa⌋ me dimittim dayeye, Paro aɗeg nug antta awa, nuhig nid bia gumom.

1 Pita 3:8

Aria, nai imunu gogppa tekkulnu amu, ag oh oolag laippu ele, dabmak laippu ele dayeg! Amu ag oo doyak doonna, eamag aa nug oo mauhak doottep ele amu, amubia ag laa Kayaknu oolagppa genab dootteb ele, ag oh nug oo mauhak doyeg! Ag oo bodoetta le mak kobol henana, ag akka anen anen ag onilag qeppeg neeb oiyeg!