Eksodas 2:3 - Nobonob Baibel

³ Amge kalam ewam uue, haen nug nid amu lokkumeb daakkunu am elele iitta antta amu, nug kaleg laa papairusppa akkak, nug amu laa awa, nug gau hinqak ɠagattag diig aɗit awa, laittom. Laittowa, nug nid awa, kaleg ooppa ina, nug awa noa, Nil le daugppa qao ooppa me dayom.

Eksodas 2:3 ပူးပေါင်းရင်းမြစ်များ

Genesis 11:3

Anam daanna, ag akka akka inam madippig. “Ahappeg, ig wan aota, lekkoh kabolita, maipput eweb, keeke laa onig brik hetu!” Ag anam ana, ag amuppa brik hattana, ahilag simen am kol tar.

Genesis 14:10

Oolnu noak okkai onig Sidim, appa amu moɗ kolta ɗu bia kuɗum daappig. Aria Kedolaomer, nug laikkud king ewam ele ag banppa king tanig ele eɗadppig amunu, Sodomnu king, Gomoranu king ele aa oolya goya, ɗu amuppa neya qeya qettoɗpiɗ. Laa oh amu oolna, qaukoppa goppig.

Genesis 6:14

Da anam hekkul amunu, na ad saiprus aona, ad amuppa na uub nahip itakkut. Uub ooppa dayak aben aben hattona, ooppa, dimittim ele na kol tar laitte!

Eksodas 1:22

Aria dimppa, Paro nug Isip danab ah amelagppa inam aum. “Hibru ah ag nid danab bau menuadppeg anidna, ag aɗadna, Nil leppa agappeg noig; amge nid ah menuadppeg amu, ag uuadppeg dayeg!” awa aum.

Aisaia 19:6

Haen Nil le qaɗaiettebeb, le ippu naunau eppelagppa heppig ele qaɗaiedappeg, leppanu keeke oh mauhadppeg, uɗig okku. Isipnu le nag laa ele qaɗaiedappeppeg ukkeb, qaɗaiettaglag. Qaɗaiedappeg, gikkiɗah, qao ele le daugppa daatteb am ele bunaɗkkulag.

Aisaia 35:7

Anam amunu, geha atu taɗakppa ihi huana gakkaɗtteppa ele, amuppa le ameg daakku. Ao, wan qaɗaiettaknabppa, le okkai qeppuɗia bekku. Amu aben qaɗaiettak, doɗ jakal ag daanna oippigppa amu, geha gikkiɗah, qao, papairus ele bekkulag.

Matyu 2:13

Ag ukkaeg, Naɗinu engel tulppa Josep amegppa aum. “Na ahan, nid nakok anig ele diiatna, oolna Isip wanppa gona, appa daappe, da na eɗun uɗikkutnu appi doona uɗikkut. Aɗinu? Haen nakokib ukkeb, Herot nug nid nakok mattia antta qekkunu hekku,” awa aum.

Matyu 2:16

Anam aakku, amge Herot nug ii mauhom haenppa, magau danab ag eɗun goppig, haen amuppa nug ag buppuidna autna aoppig doyom amunu, nug oppoɗi huanak be ameg kokoɗ eppe, nuhikkud daup ag gona, Betlehemnu nid naunau, Betlehem talilittak eleppanu nid naunau oh ele, ahilag maɗ aɗit, laa ag maɗ aɗit ii aoppig ele, magau danab ag hoɗoppai digmena anitteg, Herot amegppa aeg doyom bia amu, daup ag amu oh aqaglagnu haknunab a, ⌊ag gona human aqappig⌋.

Aposel 7:19

Nug amu ii doya, nug ihinkad danab anukkanu ag nug, amu Isip ele uɗat nauppa ehanadkkulagnu he heppig. Ele amu, nug laa guittak mettaknu uug laa ii doyak kobol dim lamitta, kobol nau digdig ahilagppa haaha, nug kobol naunab laa ha, nug Israel ag ahilkad nid yuɗ mauhkkulagnu buɗiadppeg gona, dimittim daan mauhkkulagnu ɗo meum.