Eksodas 2:23 - Nobonob Baibel

²³ Aria, maɗ laala ukke, dimppa Isip dilag king ⌊Moses qeeb mauhkkunu dabmeum amu,⌋ nug mauhom, ⌊amge laa nug king abenab awom, nug Israel ii ehanatta, nug king laa heum bia tuɗitte,⌋ Isip ag Israel danab uɗat ɠagattag, uug elenab mattaegeg, Israel ag Isip dilag begbeg maɗi nid maɗi ah daanna, uɗat amu heppig. Amuppa amu, Israel ag uug nau doon gaanna, Kayak ehanadkkunu unuqittegeg, Kayak Nug ag uug nau doon gaappig amu, Nug ahilag gayak amu doyom.

Eksodas 2:23 ပူးပေါင်းရင်းမြစ်များ

Genesis 16:11

Yawenu engel nug baula ele aum. “Na gemu oot ele daattem. Dimppa na nid danab menukkut. Menuna amu, na nug onig Ismael ataɗkkut. Aɗinu? Yawe Nug nahip gayak doyom.

Genesis 4:10

Nug anam awa a amu, Yawe Nug aum. “Na kobol aɗi heme? Doye! Na amap Abel nug tiig wanppa ne, amu baag da daulppa danab baag bia doottem

Nehemaia 9:9

Anukka ig mamenkad aɗi ag Isip wanppa daan, guittak okkai dooppig amu, na amu anidme. Ag gonana, Le Kokoɗ appa qagaiettak daan, ehanittak aoglagnu unuqidppig amu, na unuqittak amu doome.

Job 35:9

Danab okkai ag laa eheɗ hattegeg, danab ag eheɗ aotteb amu, ag Kayak ehanadkkunu gaatteb. Ao, ag Kayak ehanatteb, ag danab ɠagattag amu eppelkadppa daamnanu oo doyakppa Kayak unuqidtteb.

Sam 102:1

O Yawe, na dahil unuqittak dookkutnu oɗ medattem! Da nahipnu ebippi dookkutnu unuqidttem!

Sam 102:2

Yo, da uug nauppa daattem haenppa amu, na da dimeɗamnanu oɗ medattem. Ao, haen da nahipnu eppi doon amu, na paha oɗelppa aokkutnu unuqidttem.

Sam 12:5

Amu Yawe Nug atte. “Danab ah ag laa gai-iitta daaegeg, ag ag eheɗ hadatteb amu, da anadttem. Ao, daɗek ele ag aeqagatteb amu, da doottem. Anam daatte amunu, gemu amu, da ehanadppi qagaiettakppa ii daamnanu ahakkul. Ao, laa ag gai-iitta daatteb, daɗek daatteb ele amu, laa ag ahilagnu nai nau mattin, nau hattaglagnu dabmetteb ele amu, da gai-iitta daatteb, daɗek daatteb ele ehanadppi, ag uug amuppa ii daamna,” awa atte.

Sam 18:6

Amge da uug nau amuppa dayeye, da Yawe onigppa emi. Ao, da Kayak dahil ehaniɗkkunu unuqidmi. Da nug unuqitti, Nug nuhig mettid lagppa dayaya doya, da ehaniɗom. Ge, Nug dahil unuqittak doya ehaniɗom.

Eksodas 1:14

dayak ahilag aakku nauhom. Isip danab ag heeg, Israel danab ag ⌊doɗ gumattak uɗatab ag tiilagppa daatte amu, ag amu ii heppig. Iitta, ag⌋ lag haknu brik wanppa hak, ag amu hena, Isip dilag lag henana, Isip dilag dad uɗat ele heppig. Isip danab ag Israel danab dilagnu oo doyak ii doon nau hena, uɗat amu hekkulagnu heppig.

Eksodas 4:19

Jetro nug anam a, Moses nug ⌊gokkunu⌋ Midian wanppa dayeye, Yawe Nug amegppa aum. “Danab na nittaglagnu heppig ele amu, ag ii daatteb; ag mauhppig amunu, na eɗun Isip ⌊gokkutnu aib baɗame! Na⌋ ukke!” awa aum.

Eksodas 6:5

⌊Anam, amge⌋ gemu Israel ag Isip wanppa daaegeg, Isip ag heeg, ag maɗi nid maɗi ah ele daan gaaegeg, da Israel, ahilag gayak doomi, gemu ele doottem. Ag gaaegeg doyeye amu, da dahil nug tituana nai qakkak, da ag memetalkad anukkanu ele hemut amu, tituanak amu da daulppa doum daatte.

Eksodas 6:9

Moses nug nai amu Israel amelagppa aum, amge ag nai nuhig amu, ag amunu nai genab ii dooppig. Aɗinu? Ag uɗat eheɗ nau, ɠagattag heppig, ahilag dabmak ele am qe nak dayom.

Eksodas 7:7

Aa anam hepiɗ amu, haen amuppa Moses, nug nuhig maɗ am 80, amu Aron, nuhig maɗ am 83. Aa maɗ anam anam ele daayya, aa Paro noobppa nai madipiɗ.

Aisaia 19:20

Qaɗab amu, men biidod ele aa Isip wanppa anttaknu at daaglah. Daapeɗ, danab ah anatna, ag Yawe Nukka Ɠagattag Oh Ele, ⌊Nug Isip wanppa daatte⌋ dooglag amunu, kekeɗ ag uɗin, eheɗ hadappeppeg, Yawe unuqidkkulag amu, Yawe Nug haen amuppa ehanatteb, padal memananu danab laa meeb uɗia ehanatteb, ag kekeɗ eppelagppa qagaiettak ii daamna.

Aisaia 5:7

Aɗinu? Israel buɗub ag am Yawe Nukka Ɠagattag Oh Ele, ag nuhig muɗi grep dad bia. Ao, Juda buɗub ag am muɗi grep, Yawe eppa, muɗi grep amunu enanagnab doyom bia. ⌊Yawe Nug ag ena atognoattatta,⌋ Nug danab ah amu ag nai doya mala hettoɗia epeɗia elele mettak kobol dim lamidkkulagnu dabmeum, amge iitta! Ag danab aqaeg mauhtteb! Ao, Nug ag anen anen, ag genab tutukku hak kobol danab ah laa dilagppa hekkulagnu dabmeum, amge iitta! Ag danab ah laa dilagppa kobol nau heegeg, danab ah ag uug nau doon gaatteb!

Namba 20:16

Heikkegeg, ig amunu Yawe ehanigkkunu unuqittut, Nug doya, engel laa ig ehanikka, wan amuppanu awikka omaigkkunu me ne, nug awikka, omaikka uɗiom. Gemu amu, ig nahip wan tomppa, Kades aab okkai guguittak, haen tutu dayaknu aab kalakppa daattem.

Aposel 7:30

Appa dayeye, maɗ 40 ukke, atu taɗakppa qauko Sainai guguittak engel nug tula, Moses toppa beum, amge Nug miag ii beum. Iitta. Nug aab ewak bia, ad nakok laa eppeg ooppa dayaya, tula beum.

Duteronomi 24:15

Nug am daɗek, amunu nug ee, amu keeke laala ele daden mekkunu, nug men doɗonu oo daatte. Anam amunu na uɗat hak nob nuhig deɗ ohppa uu-ii-doobob medakkut. Na anam ii hekkut dayeb amu, danab amu nug hak amunu Yawenu gayeb, hipuninnu aab na beɗunppa daakku.

Jems 5:4

Antteg! Uɗat nid ag ahilag uɗat heppig, me ag enub danab ag uɗat nid amu buppualadnana, uɗat heppignu daden nob ii madappig amu, men doɗo amu eɗua danab baag bia, “Ag eheɗ heppig,” awa maditte. Uɗat nid amu dilag ewak, nai amuam Naɗi Ɠagattag Oh Ele, Nug daugppa noum daatte.

Ikki Danab 4:3

Am Jabin nug bannu karis 900 aenppa hak ele, amu nug maɗ 20 Israel danab ah eheɗ hadatta, guittak mattom amunu, Israel ag Yawe ehanadkkunu gaappig.

1 Samuel 12:8

Am inam. Ag mamelkad aɗi, Jakop, nug baekkudppa ele ag ahan, Isip ukkaeg, haen ukke, dimppa Isip danab ag eheɗ hattegeg, Israel ag amunu Yawe amegppa gaaeg, Nug ehanatta, Moses, Aron ele maate, aa ag Isip uun, wan imuppa daaglagnu anuqya omalatteh, ag uɗin, wan imuppa daappig.

1 Samuel 9:16

“Dahilad danab ah ag Pilistia waalagppa daan gaaegeg doottem amunu, butti, haen inamppa amu, da heppi, danab laa nug na gumitta uɗikku; nug am Benyamin ted, nug appanu uɗikku. Nug uɗieb amu, nug Israel danab ah dilag king daakkunu na nug goɗen gokkaɗakppa tituane! Nug dahilad danab ah Pilistia waalagppa daamnanu, ag ehanadkku,” awa aum.