Eksodas 2:22 - Nobonob Baibel

²² Aa ewau matulak aoya oiya, dimppa Sipora nug oo ele daye, nug nid danab laa menuom. Nug nid amu menue, Moses nug nai anana, nug, “Da wan laihnu danab; da dahil wanppa ii daattem,” awa aum amunu, nug nid amu onig Gersom ataɗom.

Eksodas 2:22 ပူးပေါင်းရင်းမြစ်များ

Genesis 23:4

“Da am aab diig danab iitta, da uɗien, ag oolagppa daattem; da wan laihnu danab amunu, da wan nakok laa imuppa ah dahil boumkkulnu daden mekkulnu ool daatte,” awa aum.

1 Stori 16:20

Ag qati qati, mauhnoak wan anen anenppa oippig. Ge, ag wanppan ɗo maɗoɗ digdigppa anam oippig.

1 Stori 29:15

Laa amu, ig nahip neekkakppa wan laihnu danab ah; wan imunu aab diig danab ah iitta daattem. Ig mamenkad aɗi ele anamib. Ig wanppa oittem amu, ig haen elabnab ii oittem. Haen tutuib oit, ig mauhta gottem.

Sam 119:19

Da wanppa daattem amu, da aab diig danab iitta daattem. Na heppe, da nahip ɗo dookkulnu ool daatte!

Sam 39:12

“O Yawe, na dahil unuqittak dookkutnu oɗ medattem. Na dahil gayak imu dookkutnu unuqidttem. Na dahil gayak imu ii dokkutnu ool ii daatte. Aɗinu? Wan imuppa da wan laihnu danab; aab diig danab iitta daattem. Da mamelad aɗi, ag ele anam aakku daappig.

Eksodas 2:10

Huh metta atognoono, nid amu nakok ena me, anig huh aɗitta, nug awa ukka, Paro aɗeg mettom. Mette amu, Paro aɗeg nug nid danab amu awe, nuhig nid dayom. Nuhig nid daakkunu awa, nug inam aum. “Da nid leppanu awe bemi amunu, da nid onig Moses ataɗttem,” awa aum.

Eksodas 22:21

Amu ag laa nug wan laihnu danab, ag nug uug aib medappig. Aɗinu? Anukka ag Israel, ag ele anam aakku nug daatte bia, ag Isip appa wan laihnu danab daappig.

Eksodas 4:20

Yawe anam a amu, Moses nug wau, bekoɗ aɗit ele diia, donki laa attan maatta, nug dudqak hokkat nuhig, Kayak nug awa gokkunu aum amu, nug amu awa aɗe, ag Isip gokkulagnu goppig.

Lewitikas 25:23

⌊Am aib daulag atiom,⌋ wan amu dahilnab daatte amunu, ag wan amu aib hanhannu daden maknu meppig. Aɗinu? Wan am dahil; ag am wan laihnu danab ah daan, dahil wanppa daan, dahil uɗat hetteb.

Aposel 7:29

Nug nai amu a amu, Moses aakku oola ukka, Midian dilag wanppa, nug appa wan laihnu danab dayaya, dimppa ah awa, nid danab aɗit menuatom.

Ikki Danab 18:30

Dan danab ag anam hena, ag kayak hambuppuak dottolkad amu qappattona, ag Gersom bekka Jonatan, nug am Moses buɗubppan, nug ahilag mana mettak danab daakkunu otippig. Gersom bekka Jonatan, nug buɗub ele ag Israel dilag huu okkai Dan dilag mana mettak danab haen amuppa digmena henan daaegeg uɗie uɗie, Asiria ag uɗin, diin ukkaeg, wan laappa diia ukka laih me dayak danab daappig batak.