Eksodas 2:21 - Nobonob Baibel

²¹ Ag anam heeg ⌊ukke, dimppa amu Jetro nug Moses nug ele oh daaglahnu oo dayom amu,⌋ Moses nug ele appa daaglahnu oo daye, “Ena,” awa a, aakku Jetro nug aɗeg laa Sipora awa, Moses mette, aa ewau matulak aopiɗ.

Eksodas 2:21 ပူးပေါင်းရင်းမြစ်များ

Eksodas 2:10

Huh metta atognoono, nid amu nakok ena me, anig huh aɗitta, nug awa ukka, Paro aɗeg mettom. Mette amu, Paro aɗeg nug nid danab amu awe, nuhig nid dayom. Nuhig nid daakkunu awa, nug inam aum. “Da nid leppanu awe bemi amunu, da nid onig Moses ataɗttem,” awa aum.

Eksodas 2:20

Aeg amu danab amu nug aɗekkud inam awa oɗ mattom. “Nug adeppa daatte? Aɗinu ag nug appa uuidppig? Ag gona, nug appeg uɗieb, nug ig ele ee latu!” awa aum. ⌊Aria ag gona, Moses omalna uɗippig.⌋

Eksodas 3:1

Haen amu Moses nug tana Jetro, Midian dilag mana mettak danab amu, nug nuhig sipsip, meeme ele gumadttom. Am haen laa Moses nug sipsip, meeme ele amu diia, atu taɗak obata ⌊qinonob oiya oiya⌋ ukka ukka, nug qauko Horep teum. Qauko amuam Kayaknu.

Eksodas 4:18

Yawe Nug Moses amegppa nai amu mattia male, Moses nug eɗua, tana Jetro gumitta ukka, amegppa aum. “Na uuiɗppe, da eɗue Isip ukken, da lailad anadkkulnu ool daatte. Ag ana daattebtai, o ag mauhppigtai amu, da dookkul,” awa aum. Jetro nug amunu ena doya, nug Moses amegppa aum. “Amu elele, na maɗoɗ ele ukke!” awa aum.

Namba 10:29

Amu haen Israel ag ahan, Sinai uuglagnu heppig amu, danab laa onig Hobap, nug ag ele oh daanna, oidppig. Hobap nug amu Reuel bekka. Reuel nug am Midian danab, nug amu Moses tana. Amu Moses nug oeb Hobap amegppa aum. “Ig am wan laa Yawe Nug megakkunu, nuhig nai anan qakkom amu, ig ahat, amuppa gokkunig hettem. Yawe Nug ig wan amuppa enanag daagnignu nai ana qakkom amunu, na ig ele oh gotu! Ig geha nahipnu enaib hekkunig,” awa aum.

Namba 12:1

Miriam, Aron ele aa digmeya Mosesnu nai nau madipiɗ. Aɗinu? Moses nug ah laa Kus buɗubppanu, nug wau daakkunu awom.

Aposel 7:29

Nug nai amu a amu, Moses aakku oola ukka, Midian dilag wanppa, nug appa wan laihnu danab dayaya, dimppa ah awa, nid danab aɗit menuatom.

1 Timoti 6:6

Amge danab nug Kayaknu kobol tutukku dim lamittatta, nuhig keekeppa, “Aakku elele,” dabmette amu, nug enaib daatte, keeke oh awom bia.

Hibru 11:25

Iitta. Nug amu uua, amu Kayaknu danab ah ele ag oh uug laippu maoglagnu oo dayom. Nug hipunin kobol dim lamitta oiyaya, oo gamag ahak haen tutunuib aokkunu amu, nug oo ii niiom.

Hibru 13:5

Ag oolag men doɗonu aib mauhom. Keeke ag aɗatteb ele, ag amunu elele doyeg! Aɗinu? Kayak Nug aum aakku daatte. Amuam, “Da na ii uuidpa, da na ii paɗaidpa,” awa aum.

Jems 1:10

Amge ig Kristen lainig laa nug enub ele amu, nug anukka, “Da am enul okkai ele amunu da am danab okkai ɠagattag ele daattem,” anam dabmak awom, gemu ⌊nug Jesusnu ooppa genab dootte, nuhigppaib ehanittak hanhannu aotte amunu,⌋ dabmak alag, amuam iitta meum, diig amunu nug ele maɗoɗppan gamag ahak dookku am ena. Aɗinu? Bala haɗag paha qaɗaiedatteb, amubia enubnu keeke am anam aakku iitta mekku.