Eksodas 19:6 - Nobonob Baibel

⁶ Ag anam hekkulag dayeb amu, ag geha dahilnu danab ah tituanak oppiaawak ele daanna, dahil mana mettak danab ele daan, ag dahilnu daaglag.’ Na Israel danab ah amelagppa anam appe dooglag.” Yawe Nug nai amu Moses amegppa aum.

Eksodas 19:6 ပူးပေါင်းရင်းမြစ်များ

1 King 3:8

Da, nahip maɗi nid, da gemu danab ah ameg imu oolagppa iikku daattem. Ag am nahipad, na ag nahipad tituanadme daatteb. Ag am huanaknab, ebaqaknu elele iitta.

1 King 8:53

Aɗinu? Na nakka ig Israel danab ah, danab ah buɗub ohnu oolagppanu awigna he, ig am nahipadnab danab ah daattem. O Naɗi Yawe, anukka, haen na ig mamenkad aɗi Isipnu diin, omaladna uɗime, haen amuppa na anam nahip maɗi nid Moses amegppa, na nai amu ae doya, amunu aum.” Solomon nug anam unuqittom.

1 Stori 17:22

Na hee, Israel danab ah ag nahipadnab danab ah aakku daatteb; hanhan anam daaglag. Na, O Yawe, na ahilag Kayak bena daattem.

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Eksodas 22:31

Ag danab ah dahilad ag, ag dahilnu, oppiaawak ele daaglagnu daatteb. Ag huu laa bia iitta amunu, ag doɗ laa, doɗ dakkuɗ laa aha qe mauhom, ag doɗ amu aib lappig. Ag aon, qai madappeg laig!

Eksodas 28:36

Laa amu, ag gol ena dubuttid iitta ele, ag gol amu maha laa aon, ag tappiɗ otala nag bia hena, amuppa ag ‘Yawe Nug imunu, nuhignu tituanak daatte anidtte,’ otaɗeg!

Aisaia 43:4

Da ag Israel, ahilagnu da ool madattem, ag dahil neekkakppa ag binalag ele; da ahilagnu ool mauhtte. Anam amunu, da heppi, danab laa ag oulag daappeppeg, ⌊da amuppa eɗuen, ag aben enappa maadkkul⌋. Ao, ag Israel, ag mauhmananu da heppi, danab ah ag oulag daappeppeg, ⌊amuppa da ag ehanadppi, ag ena daaglag⌋.

Aisaia 61:6

Ag geha anam henana, ag ag, dahilad danab ah, ag ahilagnu akkulag. ‘Imu, ag am Yawenu ɗo maɗoɗnu maɗi nid daatteb,’ akkulag. Ao, ag geha ag dahilad danab ah ag ahilagnu, ‘Ag am ahilag Kayak, nuhig maɗi nid,’ akkulag. ⌊Danab ah laihnu ag geha ag Israel, ahilagnu anam doona,⌋ ag keeke ena ena ahilkad amu akkan uɗina, ag madappeg, ag amu diina, ag geha ena daaglag. Ao, wanppan wan laala, appan danab ag geha ahilag en okkai ag madappeg, ag gamag ahak okkai dooglag.

Aisaia 62:12

Amu laa ag nuhikkud danab ah dilagnu, “Danab ah Yawenu oppiaawak ele,” akkulag. Ag, “Danab ah umu amu, Yawe Nug ag hipuninnu qagaiettakppanu eɗua uhuqak ha mattom,” akkulag. Ag Jerusalemnu, “Danab ah ag aab okkai amunu oolag hette,” anana, ag, “Aab okkai amu hamu dayom, amge gemu anam ii daatte. Danab ah ag eɗun, appa daatteb,” akkulag.

Aisaia 66:21

Ag diin uɗippeg, da amunu laa ag Lewi buɗubppan mana mettak danab daappeg, amu laa ag Lewi buɗubppan mana mettak danab iitta, ag anam daaglagnu otiadkkul,” Yawe Nug anam awa atte.

Jeremaia 13:11

Danab nug matagiɗ awa, imuagppa taietta qagatte, amubia da Israel danab ah oh, Juda danab ah oh ele dahilad daaglagnu, ag da gukkuiɗak dahilppa daaglagnu qakkaladmi. Da amu heminu diig am, ag da dim lamiɗppeppeg, wanppan wan laala ohppan danab ah ag anadna, ag da dooiɗna, ag da onil, da binal ele humaglag, amge Israel danab ah, Juda danab ah ele ag nai dahil amu doon, dim lamidkkulagnu uuppig. Ag amu hak uuppig.’ ” Yawe Nug anam aum.

Jeremaia 2:3

Ag Israel ag dahilnu tituanak daappig. Ag ee tatam oɗutte dahilnab daatte, ag amubia daappig. Laa mana mettak danab iitta, nug baekkudppa ele iitta, nug ee bau dahilnab amu latte dayeb, nug beɗuppa aab ele daatte, amubia aun nug Israel eheɗ hattom, nug beɗuppa aab ele dayeye, uug naunab nuhigppa te, padal meum.’ Da Yawe, da anam aakku attem,” awa aum.

Jeremaia 7:23

Iitta. Da haknunab nai imu ele ag matten, ag amelagppa ami. ‘Ag dahil nai amu doon dim lamidppeg, da ahilag Kayak daappi, ag dahilad danab ah daaglag. Ag ena daaglagnu, ag dahil hak oh dim lamitteg!’

Lewitikas 19:2

“Na Israel danab ah oh amelagppa nai imu appe doyeg!” awa aum. ⌊Nug anam a amu, Moses nug Yawe oɗe awa, Israel danab ah amelagppa inam aum.⌋ “Da Yawe, ahilag Kayak, da oppiaawak daattem amunu, ag ele oppiaawak dayeg!

Lewitikas 20:24

Amge, wan ahilag, wan amuam enanag, wan ittag ele, amuppa ee meu huana otte amu, da wan amu madappi, ag aoglagnu nai ain qakkami, wan amuam ag aulag daakku. Da am Yawe, ahilag Kayak. Da aakku, ag danab laa oh oolagppanu ag danab ah laa daaglagnu tituanadmi.

Lewitikas 20:26

Da, Yawe, da oppiaawak daattem amunu, ag dahilnu oppiaawak ele daaglagoitte. Da ag danab ah diilag laa ele daan, dahiladnab daaglagnu, danab ah laa oh oolagppanu tituanadmi.

Lewitikas 21:23

Nug beɗuppa uug ele daatte amunu, nug Yawe laugppa Oo Gun ele, Oo Gunnab Ele makkulaknu lamen, o nug qaɗab guguittak ii goma. Nug amu helo am nug heeb, dubuttid tak am dahil mettid haknu peh lagppa daalo, amunu nug ii hekkuoitte. Da am Yawe, da hei, aben aɗit amu aa dahilnu tituanak daattep,” awa aum.

Amos 3:2

Yawe atte. “Danab huu digdig kuɗum wanppa daatteb, amge da ag Israel aakkuib da ag tituanadmi. Da anam hei, ⌊ag dahilad danabnab daatteb,⌋ amge ag hipunin huanaknab hetteb amunu, da ag bu aqakkul,” awa atte.

Hagai 2:5

Amu Yawe Nukka Ɠagattag Oh Ele Nug inam ele atte. “Ag Isip wan uun ahappig, haen amuppa da amu hekkulnu nug tituana nai qakkak hemi amunu, da aakku hettem. Da ag ele daattem. Ag aib baɗappig,” awa atte.

Namba 16:3

Danab amu ag qagmena, Moses, Aron ele aa ahilag dabmakppa eheɗ hepiɗ amu appeg dooglahnu gumatna tena, ag amelahppa appig. “Aa ena haknu tom tippalya, eheɗ hepiɗ! Aɗinu? Tamaniak danab ah imu oh ag Yawenu tituanak daatteb; Yawe Nug ag oolagppa aakku daatte. Aa aɗinu, Yawenu danab ah imu tippalattak attannab daattep doottep?” aon appig.

Rom 12:1

Amunu O lailad, Kayak Nug ahilagnu keeke okkainab heum amunu, da ag akka ag danab nug doɗ mana Kayak medatte, amubia ag bau daanna, meulkad oh Nug mettaglagnu unuqadttem. Ag meulkad oh ag Kayaknu oppiaawak ele daanna, Kayak oo niitte bia ele daanna, ag Nug metteg! Ib amuppa ag genab Nug noobppa dup nona binag mettaglag.

1 Korint 3:17

Danab laa nug Kayaknu mettid lag heeb nauhkku amu, Kayak Nug ele danab amu heeb nauhkku. Aɗinu? Kayaknu mettid lag am nuhignu tituanak daatte, amu ag aakku Kayaknu mettid lag daatteb.

Duteronomi 14:21

Doɗ ag akka mauhtteb amu, ag aib lappig. Ag doɗ amu wan laihnu danab, ag uɗin, ahilkad aab adekkuppa, ag oolagppa daatteb madappeg lakkulag, o ag heppeg, wan laihnu danab ag daden mekkulagnu elele. Ag akka amu aib lappignu diig am, Yawe, ahilag Kayak, Nug ahilagnu, nuhignu tituanak daatteb anadtteb. Ag meeme nag, anignu huhppa aib badippig.

Duteronomi 26:19

Ag anam hekkulag dayeb amu, Nug heeb, ag wan laa oh eɗattak daan, ag binag okkai, amu onig okkai ele aoglag. Ag geha Yawenu oppiaawak ele daaglag. Ag am Yawe, ahilag Kayak, ag nuhignu daaglag. Nug heeb, ag anam daaglagnu nai anan qakkom amu, Nug amubianab hekku. Moses nug anam mattiom.

Duteronomi 28:9

Ag Yawe, ahilag Kayak, ag nuhig nai haknunab anak dim lamidna, ag nuhig kobolppa oiglag dayeb amu, Yawe Nug heeb, ag nuhignu, oppiaawak ele daan, ag danab ah nuhignab daaglag. Nug amu hekkunu nuhig nai ɠagattag qetta aum amu, Nug anam hekku.

Duteronomi 7:6

Aɗinu? Ag Israel, ag am danab ah, Yawe, ahilag Kayak, Nug ahilagnu, nuhignu tituanak daatteb anadtte. Wanppan danab ah oh oolagppa, Yawe, ahilag Kayak, Nug ag danab ah nuhignab daaglagnu tituanattom. Ag am keeke enanagnab laa bia nuhignu daatteb.

1 Tesalonaika 5:27

Ig lainkad laa oh nai imu dooglagnu, da Naɗi onigppa ag ag amelagppa ebqekkulagnunab iikku attem.

1 Pita 2:5

Nug he, ag ele men bau daatte bia beegeg, Kayak Nug nuhig tamaniak, lag bia, ahilagppa hette. Amuppa ag mana mettak danab oppiaawak ele daanna, ag keeke Kayak oo niitte ele, Jesus Kristus onigppa mana mettak bia Kayak keeke amu mettaglag.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

Revelesen 1:6

Nug ig Nug Mameg, nuhig Kayak ele, ig nuhig ɗo maɗoɗppan mana mettak danab meikkom amu, binag amahlak oppiaawak ele, ɠagattag oh ele nuhigppa hanhan alet ele dayaɗ! Genab.

Revelesen 20:6

Aun nug eɗua hibaittak ebqak 1, nug amuppa eɗua hippaidtte amu, nug Kayaknu itittak ena awom daatte; nug am oppiaawak ele. Amu ele mauhak ebqak 2 nug danab amu heeb, nau aoglagnu ɠagattag iitta. Ag maɗ 1,000 amu ooppa ag Kayak, Kristus ele dilah mana mettak danab daanna, ag Kristus ele king daaglag.

Revelesen 5:10

Na he, ag ihinig Kayak waappa daan nuhig uɗat hekkulagnu ag king, amu mana mettak danab ele daatteb. Amu ag wan ele gumaglag.” Ag anam anana, ahi edappig.