Eksodas 19:18 - Nobonob Baibel

¹⁸ Amu Yawe Nug aab ewak ooppa na, Sinai qaukoppa dayom amunu, aab kahug naɗi qauko amu oh tonom. Aab kahug attan teum, amuam aab okkainab ewa kahug tette, amubia teum. Kahug anam teete, qauko nug eheɗ hahaɗeɗe,

Eksodas 19:18 ပူးပေါင်းရင်းမြစ်များ

Genesis 11:5

Danab ag anam heegeg amu, Yawe Nug ahilag aab okkai, amu lag attan ta ukkak ahilag ele anidkkunu neum.

Genesis 15:17

Yawe Nug anam a amu, aam no, gatatu ne, keeke waa bia, aab kahug amuppa teete, ooppa aab aɗu, hul dittiak bia dittieye, amu newowa, doɗ teppu amu gamagppa oiyom.

Genesis 19:28

Ukka, nug neekke, Sodom, Gomora, amu atu uɗem amu ele ohppa ukke, nug aab kah huanak teete anttom.

Nehemaia 9:13

Qauko Sinai appa amu, na hab attannu neme; na hab attan daan, ag amelagppa nai mattime. Appa na ɗo tutukku, elele elele ele mattame. Ao, na ɗo ena, haknunab anak ena ele mattame.

Sam 104:32

Yawe Nug wan neekkitte, wan uɗaltte. Yo, Nug eppeg bahia, qauko lauɗatte, appanu kahug attan tette.

Sam 114:4

Qauko sipsip dawai oola tette, oola nette bia uɗalppig. Ao, qauko nakok ag sipsip nalkad oolna tetteb, oolna netteb bia uɗalppig.

Sam 114:7

Yawe noobppa amu, wan uɗalaɗ! Ao, Jakopnu Kayak noobppa amu, wan uɗalaɗ!

Sam 144:5

O Yawe, ⌊ig haen tutuib bau daattem. Anam amu,⌋ na hab matulna, nekkutnu oɗ medattem. Ge! Na aab kah qaukoppanu bekkunu nena, na qauko aɗualadkkutnu unuqidttem.

Sam 18:9

Nug he, hab obate, Nug neum. Ao, lombig gatatunab ele Nug baeg waappa dayom.

Sam 68:9

O Kayak, na gu huan hee neum. Ao, na hee, nahip wan, na aut, am eɗua, ena dayom.

Sam 77:18

⌊Genab,⌋ hakkaɗ am habppa huana qaaqa ukkom. Amemɗi awa, wan oh amahlom. Wannu amu, wan hahaɗaɗa, uɗalom.

Sam 77:19

Nahip ib am yu gamagppa ukkom. Ao, na ippun am le naɗi gamagppa ukkom. Nahip ib am anam, amge auntai laa na baen abenab anidkkunu elele iitta dayom!

Eksodas 19:13

Amuam ag danab laa tom letakku dayeb, ag qeppeg mauhkkunu amu, ag eppelagppa nug aɗan, ii qemana. Ag nug menppa qeppeg mauhkku, o latppa qeppeg mauhkku. Danab laate, o doɗ laate tom leta, qauko nakoknab tappeb amu, aria ag keeke anamppa nug genab qeppeg mauhkku.’ Ag qauko diigppa tom guguittak wakkulagnu amu, ag trampet gayebeb doonna, haen amuppaib ag tom guguittak gokkulag,” awa aum.

Eksodas 19:17

Anam daye amu, Moses nug danab ah oh ag Kayak ele qagmekkulagnu omalatte, aab dimittim gona, ag qauko diigppa hippaidna daappig.

Eksodas 20:18

Amu haen danab ah ag hakkaɗ qeeqe, trampet ele heehe doonna, ag amemɗi awa ukka uɗieye, qaukoppa kahug naɗi ahe dayom ele anidna amu, ag eheɗ baɗan, beɗulag hahaɗeɗe, ag eɗun bittumttum gona, nakok uma daanna,

Eksodas 3:2

Amu Moses nug appa oiyeye, Yawenu engel nug tula, Moses toppa beum, amge Nug miag ii beum. Iitta. Nug aab ewak bia, ad nakok laa eppeg ooppa dayeye, Moses nug ad amuppa aab ewewe anttom, amge nug aab dittia, ad ewa ii malele ele anttom.

Eksodas 34:2

Na men maha aɗit amu bappaidna, butti buttua na qaukoppa bekkutnu bappaidna, qauko Sinai be! Amu na qauko amu igippa da gumiɗna uɗie!

Aisaia 6:4

Haen engel ag anam eegeg, mettid lag amuppa kahug ambeebe, men okkai okkai, ag amuppa lag heppig ele amu, men amu uɗalppig.

Aisaia 64:1

O Yawe, qauko ag na noomppa uɗalkkulagnu, nahip kekeɗ ag na onin dooglagnu, wanppan huu anen anen laih laih daatteb ag na noomppa daan hahaɗkkulagnu, na hab matulna nelom am ena.

Jeremaia 4:24

Da neekki ukke, qauko ele anadmi, amu qauko okkai ag uɗalegeg, qauko nakok ag danab ameg uuette, pehettak ii daatte, ag amubia heppig anidmi.

Habakuk 3:6

Yawe Nug hibaitta daya, Nug he, wan uɗalom; Nug neekke, wanppan wan ohnu danab ah ag hahaɗppig. Nug he, qauko haen elab daappig, ag nena qeppig. Ao, qauko nakok, haen elab daappig amu, ag hiɗan nona daappig. Yawenu hak am hanhannu.

Sekaraia 14:5

Oolnu noak amuam ukka, Asal batakku amunu, ag Juda danab ah ⌊diia ii ukkak ele,⌋ ag oolnu noak amuppa oolna gokkulag; anukka ag Juda dilag king Usianu haenppa mim ne oolppig, amubia ag oolna gokkulag. Amu dimppa amu Yawe, dahil Kayak, Nug uɗikku; Nug nuhikkud, ag nuhignu tituanak daatteb amu, Nug ag oh ele uɗiglag.

Matyu 24:7

Wan laa ag wan laa ele nug qekkulag. Ɗo maɗoɗ laa ag ɗo maɗoɗ laa ele nug qekkulag. Aben laalappa amu enug haen okkai nebeppeg, mim ele nekkulag.

Duteronomi 33:2

Nug aum. “Yawe Nug Sinai qaukoppanu neum. Nug danab ah nuhikkud ehanadkkunu Seir appa amahlak mattom. Yawe binag amahlak oppiaawak ele am Paran qaukoppan amahala dayom. Ban danab nuhikkud tausen tausen gane ag anam nug ele daaegeg, aab dittiak amu heqo naɗiap-ppa dayom.

Duteronomi 4:36

Nug ag toliadkkunu, Nug he, ag Nug baag hab aabppanu dooppig. Nug ag nai madakkunu, Nug wanppa aab dittiak naɗippa dayaya, nai mattieye, nuhig ɠagattag okkai ag anidppig.

Duteronomi 5:22

Yawe Nug baag okkaippa nai amu ag amelagppa mattiom. Aab dittiak, lombig, amu gatatunab ele qaukoppa dayeye, Nug amuppa dayaya mattiom. Nug nai amu aakkuib haen amuppa mattiom. Nug nai nuhig men maha otalappa ele ya, ag mattom.

Duteronomi 5:4

Yawe Nug qaukoppa aab dittiak ooppa mattieye, ig amenigppanab anidta doomut.

2 Tesalonaika 1:7

Nug ag uug dootteb ele amu, haen ena matta, Nug ig ele haen ena megakku. Naɗi Jesus eɗua, aab aɗu amu engel ɠagattag nuhikkud ele ag hab attannu miag atiak nekkulag, haen amuppa Kayak Nug kobol amu hekku.

2 Tesalonaika 1:8

Naɗi Nug danab ag Kayak ii dootteb, amu ag ihinig Naɗi Jesusnu Nai Ena ele dim ii lamidtteb amu, Nug ag nob nau tutukku madakku.

Hibru 12:18

Israel ag anukka Sinai qaukoppa wappig. Ag qauko amu aɗan dooglagnu elele, appa aab naɗi ewa dittiak ele dayom. Appa gatatu teppu ele dayeye, ulah naɗinab ele dayom, amge ag gemu daatteb, ag qauko amubiappa ii wappig.

Hibru 12:26

Anukka Kayak Nug oɗeppa nai aawo, wan uɗalom, amge geha Nug nai qakka inam aum daatte. “Da geha baula wan heppi uɗalkku, amge wanib iitta, hab ele oh uɗalkkulah,” awa aum.

2 Pita 3:10

Naɗinu deɗ am yabhok danab nug danab ii dabmetteb haenppa oitte, amubia uɗikku. Deɗ amu geha oqotti naɗinab oobob, hab iitta meeb, habppan keeke, amuam aam, kalam, keeke, keeke amu oh eon iitta mebeppeg, wan, amu keeke oh wanppa daatteb ele, amuam Kayak epeɗiadkkunu miag atiak daaglag.

Revelesen 15:8

Matte, Kayak binag amahlak oppiaawak ele, amu Nug ebehi ele aa heeh, aab kah Kayaknu mettid lakka ambeum. Laippu laa nug lag ooppa nokkunu elele iitta. Ag engel eblaih aɗit amu amelag mebeppeg, ag heppeg, keeke nau eblaih aɗit ele amu malappeg, laa nokkulnu elele.

Revelesen 9:2

Nug moɗ amu matule amu moɗppanu kahug okkainab, aab kahug okkai okkainab bette, amubia beum. Kahug amu ba, aam ameg hab ele tonate, gatatu manom.

Ikki Danab 5:5

Qauko ag Yawe, Nug Sinai qaukoppa dayom amu, ag Nug noobppa uɗalppig. Ge, qauko ag Yawe, Nug am Israel dilag Kayak, ag Nug noobppa uɗalppig.