Eksodas 19:16 - Nobonob Baibel

¹⁶ Moses nug anam mattie ukke, deɗ ebqak ewam amuppa, buttua hakkaɗ qeeqe, amemɗi awewe, buttuɗai teppu ele qauko igippa daye, trampet iwalak huanak ele dayom. Anam daye, danab ah oh aabppa daappig amu, ag eheɗnab baɗana, beɗulag hahaɗom.

Eksodas 19:16 ပူးပေါင်းရင်းမြစ်များ

2 Samuel 22:10

Nug he, hab obate, Nug neum. Ao, lombig gatatunab ele Nug baeg waappa dayom.

2 Stori 5:14

Lombig Yawenu mettid lagppa ambeum amunu, mana mettak danab ag ahilag uɗat hekkulagnu elele iitta. Aɗinu? Yawenu binag amahlak oppiaawak ele am Kayaknu mettid lag, amuppa ambak dayom.

Job 38:25

Laa amu, atu taɗakppa, danab ii daattebppa, ge, atu taɗakppa, auntai laa appa ii oittebppa, appa aun nug gu huana nekkunu ib bappaidtte? Ao, appa aun nug lombig hinqak gokkunu ib bappaidtte? Genab, aun nug atu hele-ettakppa, wan meu waknu nakokib elele, nug appa he, wan leppu ele aotte? Yo, appa aun nug he, gikkiɗah appa bette?

Sam 50:3

Ihinig Kayak Nug uɗitte. Nug ii toettama; oɗe ii qamutma. Nug uɗieye, aab ewak naɗinab Nug noobppa dayeye, ulah naɗi Nug talilitta daatte.

Sam 77:18

⌊Genab,⌋ hakkaɗ am habppa huana qaaqa ukkom. Amemɗi awa, wan oh amahlom. Wannu amu, wan hahaɗaɗa, uɗalom.

Sam 81:8

O dahilad danab ah, da ag nau aomnanu nai attem imu doyeg! Ao, Israel danab ah, ag dahil nai doolob!

Sam 97:4

Nuhig amemɗiag awa, wan amahalitte. Wanppan danab ah ag amu anidna, ag hahaɗtteb.

Eksodas 19:11

ag laatu buttua, ag da noolppa elele daaglagnu babaittak dayeg! Aɗinu? Deɗ amuppa da Yawe, da geha nein, Sinai qaukoppa daappi, danab ah ag da aniɗkkulag.

Eksodas 19:15

Moses nug inam amelagppa aum. “Ag laatu babaittaknab daaglagnu, ag amu henan dayeg! Ag beɗuppa wanak ele aib heppig,” awa aum.

Eksodas 19:17

Anam daye amu, Moses nug danab ah oh ag Kayak ele qagmekkulagnu omalatte, aab dimittim gona, ag qauko diigppa hippaidna daappig.

Eksodas 19:9

⌊Nug ta, ahilag nai amu ii mattie,⌋ amu Yawe Nug Moses amegppa inam aum. “Danab ah ag nai da na amenppa attem dooglagnu, ag hanhan na nai akkut amu, ag oolagppa genab dooglagnu, da geha lombig teppu okkai eleppa nein dayeye, na gumitte neppi, da na ele nai mattignih,” awa aum. ⌊Amu haen⌋ Yawe Nug anam a, Moses nug danab ah nai appig amu, nug nai amu Yawe amegppa mattiom.

Eksodas 20:18

Amu haen danab ah ag hakkaɗ qeeqe, trampet ele heehe doonna, ag amemɗi awa ukka uɗieye, qaukoppa kahug naɗi ahe dayom ele anidna amu, ag eheɗ baɗan, beɗulag hahaɗeɗe, ag eɗun bittumttum gona, nakok uma daanna,

Eksodas 20:21

Moses nug anam a, danab ah ag anamib piɗe hippaidna daaegeg, Moses nukka bud hinqak ele, Kayak aguppa dayom amu, Moses nug nukka amuppa gukkuitta teum.

Eksodas 40:34

Moses nug mettid haknu peh lag amu anam ha male amu, lombig na, mettid haknu peh lag tone, Yawenu binag amahlak oppiaawak ele mettid haknu peh lag amu ohppa amba dayom.

Eksodas 9:23

Aakku Moses nug dudqak hokkat nuhig awa aɗa, hab eppone, amu Yawe Nug he, hakkaɗ qe, amemɗi awa, wanppa ne, ais doɗo ele neum. Yawe Nug he, ais doɗo Isip laih ohppa aakku neum.

Jeremaia 5:22

Amu Yawe Nug inam ele atte. “Ag Juda, ag dahilnu ebehilag oh bodoetta iite le mekku? Ao ag da noolppa daanna, ag iite baɗamna? Da yu ihippa, yu tom amu eɗidmanu ihi memi. Ao, yu nug tom amu ii eɗidma, gemu, butti aɗi ele tom anamib aakku daakku. Yu duban nug okkai qekku, amge tom amu loppaɗa, tom laappa ii tema. Ge, yu duban am wagainab meebeb, oqotti huanak okku, amge tom amu ii loppaɗma. Iitta.

Nahum 1:3

Yawe Nug paha oo ii nauhtte, amge nuhig ɠagattag am okkainab daatte. Nug anam daya hette amunu, Nug danab eheɗ hetteb ele bu madakku. Nug ag uuatteb, bu ii awak ele iinab oimna. Ao, Yawe Nug oiyeye, ulah kilibob, ulah okkai laa ele oh ahatteb. Danab wan gappudppa oiyeye, baegppa gappud ahatte, lombig am anambia nug baegppa daatteb.

Matyu 24:31

Uɗien, trampet gayebeb, da dahilad engel heppi, ag gona, danab ah dahilad da tituanadmi amu aben oh wanppanu, habppanu ele qagmaadna, diin uɗiglag.

Duteronomi 5:5

Ag aab dittiaknu baɗan, qauko ii teppig, amunu da ag, Yawe ele gamalagppa daami. Nug da amelppa mattie, amu da nuhig nai awe, ag amelagppa mattiyi dooppig. Nug inam aum.

Hibru 12:21

Yo, Israel danab ag keeke amu anidna, oolag huana baɗom. Amu Moses nug ele aum. “Da baɗen hahaɗttem,” awa aum. Israel ag keeke amu oh gumidna wappig.

Revelesen 1:10

Mettidppa amu Kayak Ouɗinu ɠagattag dahilppa ambe, da baag okkai laa trampet oqotti bia da dimulppa mattieye doomi.

Revelesen 11:19

Ag anam aeg amu, Kayaknu mettid lag, hab aabppa daatte ele, laa nug od matule, tituanak nainu kunup amu miag atiom. Miag atie amu, amemɗi awewe, hakkaɗ diigppa qeeqe, hakkaɗ qa aɗeɗe ne, mim ne, ais doɗo okkainab ele neum.

Revelesen 4:1

Keeke amu oh dimppa da neekke, hab aabppa od matulak dayeye anidmi. Da baag tatam trampet oqotti bia doomi amu, da baula dooiyi amu aum. “Na inam beppe, da keeke dimppa bekkuoitte ele ippunidppi antte!” awa aum.

Revelesen 4:5

Daaegeg amu sia king ⌊anuqak⌋, amuppanu amemɗi digma amahala ugekke, hakkaɗ diigppa qeeqe, hakkaɗ qa aɗeɗe ele neum. Lam eblaih aɗit ele ag sia king ⌊anuqak⌋ noobppa eonna daappig. Lam amu ag am Kayak Ouɗi, kobol ena oh nuhigppa ambak daatte ele, am Nug ippunigtte.

Revelesen 8:5

Te amu, engel nug tappiɗ awa, qaɗabppa aab aɗu ite, ambe, buɗie ukka, wanppa noum. Anam he amu hakkaɗ qa aɗeɗe ne, hakkaɗ diigppa qeeqe, amemɗi awewe, wanppa ele mim neum.