Eksodas 19:10 - Nobonob Baibel

¹⁰ Mattia male, Yawe Nug Moses amegppa inam aum. “Na gona heppe, gemu butti ele danab ah imu ag hena, ag dahilnu tituana mettak dayeg! Amu na appe, ag lamen ahilag ihadna,

Eksodas 19:10 ပူးပေါင်းရင်းမြစ်များ

Genesis 35:2

Kayak Nug anam a amu, Jakop nug nuhikkud daup amelagppa aum. “Ag laa dilag kayak hambuppuak ahilag oh ig ele daamnanu hena, ag oppiak daaglagnu hena, ag lamen ihak ele takkeg!

2 Samuel 19:24

Amu Saul alag Mepiboset, nug ele king uɗa tekkunu ukkom. Dawit nug Jerusalemnu aha ukkom, haen amuppa Mepiboset nug digma, ⌊Dawit mahittatta,⌋ nug baeg ii iha, id ii awa, lamen ele ii ihom ukke, King Dawit maɗoɗ ele eɗua uɗiom batak.

2 Stori 29:34

Mana mettak danab laa nakok kuɗum ag Yawenu neekkakppa elele daaglagnu ag oolag, meulag ele oh bappaidna ii malappig amunu, kuɗum ag Yawenu uɗat hekkulagnu babaittak ele ii daappig. Ag anam daaeg, danab ah ag doɗ kuɗumnab manaknu ofa daaglagnu akkan uɗippig, mana mettak danab ag Yawenu neekkakppa elele daaglagnu oolag, meulag ele oh babaittak daappig amu, ag kuɗumnab iitta amunu, ag doɗ gaɗalkad oh tuqadna aoglagnu elele iitta. Ag elele iitta amunu, Lewi buɗubppan mana mettak danab iitta, ag ehanattegeg ukke ukke, uɗat amu malaeg ukke, mana mettak danab laala ag Yawenu tituana mettak daaglagnu hena malaeg, haen amuppa Lewi buɗubppan mana mettak danab iitta, ag haen amuppa uɗat amu haknu hena batappig. Aɗinu Lewi buɗubppan mana mettak danab iitta, ag amu hekkulagnu elele daappig? Ag Yawenu neekkakppa elele daaglagnu anuqak doon, ag nuhignu tituana mettak daaglagnu hena malappig. Ag amunu anuqak doon heppig. Mana mettak danab laala ag anambia ii dooppig.

2 Stori 29:5

Ag appa qagmeeg, nug ag amelagppa aum. “O Lewi buɗub, ag dahil nai doyeg! Ag Yawenu tituana mettak daaglagnu hena daan, ag Yawe, ag mamelkad aɗi dilag Kayak, ag nuhig mana mettak lag imu ele nuhignu tituana mettak daakkunu heppeg dayaɗ! Ag keeke oh Yawenu mettid lag, amuppa dayaya, Kayaknu neekkakppa lag amu dubuttid medatte ele, ag keeke amu oh maon ukkeg!

Job 1:5

Amu nug bekkod ag anam heegeg ukke ukke, eblaih aɗit ele amu oh ag ag laulkad anen anenppa hobul hena malaeg, Job nug ag Kayak ele ouqa dayaknu elele daaglagnu ag beɗulag oolag ele bappaidkkulagnu nai ahilagppa me ukkom. Job anam he, deɗ amu uue, wagɗe buttua Job nug aha, ahilag anen anennu manaknu ofa hattom. Nug, “Nid dahilad ag Kayak uuidna, hipunin heppigtai,” ana dabmeum amunu, nug anam hettom. Job nug hanhan anamib hettom.

Lewitikas 11:25

Laa nug doɗ amunu laa mauhom, gaɗa aɗa maweb gokku dayeb amu, nug nuhig lamen ihadkkuoitte. Nug Kayak ele ouqa dayaknu elele iitta dayeb ukkeb, tueb batakku.

Lewitikas 15:5

Aun laa nug laa amunu niiak aben aɗatte amu, nug lamen nuhig mihalatta, nug le ele laakkuoitte. Anam ha, nug Kayak ele ouqa dayaknu elele iitta dayeb ukkeb, tueb batakku.

Namba 11:18

Amu Yawe Nug anam awowa, Nug tuɗitta Moses amegppa aum. “Na danab ah inam appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Ag buttinu, ag Yawenu tituana mettak daaglagnu hena dayeg! Ag amu hena, ag butti doɗ teppu lakkulag. Aɗinu? Ag Yawe noobppa gaanna, ‘Ig doɗ teppu latu! Ig Isip wanppa ena daamut; gemu ig nauhmut daattem,’ appig amunu, gemu amu, Yawe Nug heeb, ag genab doɗ teppu lakkulag.

Namba 19:19

Am danab nug da ele ouqa dayaknu elele daatte amu, nug deɗ ewamppa, amu deɗ eblaih aɗitppa ele, nug danab nug da ele ouqa dayaknu elele iitta, nug nug le amu tauɗ qedakku. Nug anam heeb ukkeb, deɗ eblaih aɗitppa nug nug tauɗ qetteb, nug da ele ouqak dayaknu elele daakku. Danab nug da ele ouqa dayaknu elele bette amu, nug lamen iha, nug le layowa, tueb amu nug da ele ouqa dayaknu elele daakku.

Namba 31:24

Deɗ eblaih aɗitppa amu ag lamen ahilkad ihaladna, ag Kayak ele ouqa dayaknu elele bekkulag. Ag anam hena, haen tutu dayaknu aab kalakppa nokkulag.” Elieser nug nai amu Israel dilag ban daup amelagppa mattiom.

Namba 8:21

Amu Lewi buɗubppan mana mettak danab iitta ag oolag ihan oppiak daan, ag lamen ahilag ihalatteg, amu Aron nug ag diiatta, danab nug ee keeke, amuppa nug huma epponitta mettaknu ofa hette, amubia Aron, nug ag diiatta, Yawe gumitta wana, Nug mettom. Anam ha, ag oolag oppiak ele daaglagnu, nug he, ahilag eheɗ haknu nob nau makau dawai aɗit tiiltippa iitta mekkunu elele mettom.

Namba 8:7

Ag oppiak ele daaglagnu amu, na inam iikkude he! Na le, amuam le heeb danab nug da Yawe, da ele ouqa dayaknu elelenu le amu, na le amu tauɗ qadakkut. Na amu hewona, na heppe, ag beɗulagppan uɗig oh aagppeg ukkeb, ag lamen ahilkad ele ihaladkkulag. Ib amuppa ag oppiak ele daaglag.

1 Korint 6:11

Anukka ag oolagppa laala amubia oittappig, amge Kayak Nug he, hipunin ahilag iitta meum. Nug he, ag oppiaawak daatteb. Kayak Nug he, ag genab tutukku hak danab ah daatteb. Ihinig Kayak Nug amu oh Naɗi Jesus Kristus onigppa, amu nuhig Ouɗippa ele heum.

Hibru 10:22

amunu, ig oonigppa hambuppuak laa iitta ele daatta, ig Jesusnu oonigppa genab doot autta aota, Nug he ig ihinkad hipunin uhuqa mekkak daatteb dootta, ig beɗunig le oppiaawakppa babaitta malak oitta, Kayak gumidta gotu!

Josua 3:5

Ikki danab ag danab ah anam amelagppa ana malaeg amu, Josua nug danab ah amelagppa aum. “Yawe Nug butti uɗat ɠagattagnab ele ag oolagppa hekku amunu, ag Yawenu tituana mettak daaglagnu hena dayeg!” awa aum.

Josua 7:13

Ahan gona heppe, Israel danab ah ag dahilnu tituana meɗak dayeg! Na ag amelagppa inam appe doyeg! ‘Ag buttinu elele daaglagnu, ag Yawenu tituana mettak daaglagnu hena dayeg! Aɗinu? Yawe, Israel dilag Kayak, Nug inam atte. “Keeke dahilnuib pelemppa daatte amu, keeke amu ag oolagppa aakku daatte. Keeke amu ag oolagppa daatte haenppa amu, ag kekeɗ ahilkad eɗadkkulagnu elele iitta daaglag. Ag heppeg, iitta meeb amu, ag eɗun, kekeɗ eɗadkkulag.

Revelesen 22:14

Danab nug nuhig lamen iha oppiaawak daatte bia, aun aɗi ag Jesus tiigppa oppiaawak daatteb, amu diig amunu ag aab okkainu od oɗeppa wana, aabppa nona, ad bauklelnu meu lakkulagnu elele daatteb amu, ag itittak ena aoppig daatteb.

Revelesen 7:14

Oɗ meɗe, da nuhig oɗmak nob mein ami. “Naɗi, na doottem,” awe ami. Da ai amu, nug da amelppa aum. “Danab imu amu, ag eheɗ hattak okkainab, amuppa daappig, amge ag Kayak di-ii-medappig. Ag lamen elab ahilkad Sipsip Nag tiigppa ihalatteg hakkab ebappig

1 Samuel 16:5

Betlehem ikki danab ag Samuel anam oɗ mettaeg, Samuel amelagppa aum. “Ao, da ool maɗoɗ ele uɗimi. Da doɗ laa mane, Yawe medakkulnu uɗimi amunu, ag Yawenu tituana mettak daaglagnu hena daan, ag da ele mana mettak amuppa gota daagnig,” awa aum. Samuel nug nai amu mattia mala, nug Jesi, bekkod ele ag Kayaknu tituana mettak daaglagnu ha, Samuel nug ag ele mana mettak amuppa daaglagnu oɗ mattom.