Eksodas 18:7 - Nobonob Baibel

⁷ Nug nai anam me ukke, Moses nug ag uɗittebnu nai doya, nug aha ukka, ibppa Jetro uɗa tekkunu ukkom. Nug ukka, Jetro aɗi uɗalag ta, Moses nug tana noobppa gomela, dimppa nug ootuqitte, aa oh attem daapiɗnu mattioya, dimppa amu, aa oh Moses he, sel lag ooppa nopiɗ.

Eksodas 18:7 ပူးပေါင်းရင်းမြစ်များ

Genesis 14:17

Amu Abram nug Kedolaomer, nug laikkud king ewam ele, nug ag eɗatta mala, nug eɗua uɗieye, Sodom dilag king, nug oolnu noak onig Sawe, nug amuppa Abram uɗa tekkunu uɗiom. Aben onig Sawe, onig laa am King laanu Oolnu Noak.

Genesis 18:2

nug neekke ukke, danab ewam ag nakok piɗe bia hippaidna daaegeg anattom. Anatta amu, nug uɗalag tekkunu nug aha, qaiqaɗ gukkuatta ukka, ag noolagppa gateg qaun o, gomela auta awa, iɗu wanppa meum.

Genesis 19:1

Haen amu tueb Lot nug Sodom aabnu aɗ od guguittak dayeye, engel aɗit nopiɗ. Noeheh, Lot nug anata aha, uɗalah tekkunu gumata ukka, gateg qaun o, gomela, iɗu wanppa meum.

Genesis 29:13

Laban nug Rahel Jakopnu mattie doya, nug aha, le moɗppa qaiqaɗ gumitta ukka, Jakop aɗa, ootuqitta, omala nug laugppa ukkom. Aa goya lakka daayya, Jakop nug keeke amu ohnu awig Laban amegppa mattia male amu,

Genesis 31:28

Na aɗinu da haen nakok ii meɗae, da nid ahin aɗit, amu alai aɗi ele ootuqatte, ‘Enade ukkeg,’ akkulnu ii ai diin uɗime? Na dabmak tutukku iittappa anam heme.

Genesis 43:26

Daaegeg, Josep uɗie amu, ag keeke ena ena aon uɗippig amu, ag Josep, nuhig daakkunu hamu mettan, ag nug noobppa gatelag qaun ona, gomelna, iɗulag wanppa meppig.

Genesis 45:15

Gayoya amu, Josep nug awakkud oh ootuqattatta gayom. Anam hena malona, ag nai ena nug ele madippig.

Genesis 46:29

Josep nug he, nuhikkud maɗi nid ag oiyaknu karis nuhig babaitteg, nug awa, wan atu onig Gosen appa, nug mameg Israel uɗa tekkunu ukkom. Ukka, nug mameg gumitta wana, nug oɗakkia, haen elab gayom.

2 Samuel 11:7

Uraia nug uɗia te, Dawit nug Joap attem dayomnu oɗ metta, daup ag ele attem daappignu oɗ metta, ban amu attem ukkomnu ele oɗ mettom

1 King 2:19

Aria, Batseba nug anam awowa, nug ukka, King Solomon antta, oɗ metteb, nug Abisak awa, Adonaiya medakkunu ukkom. Ukke, King Solomon nug Batseba uɗieye antta, nug aha, ukka uɗa ta, nug noobppa dup noa, gomelom. Nug anam hewowa, nug eɗua sia kingppa dayaya, nug maɗi nid he gona, sia king laa aon dona, Solomonnu sia king gukkuittak, nug eppeg naɗiap-ppa meeg, amu Batseba nug sia amuppa dayom.

Sam 2:12

Yawe Nug ahilagnu oo nauheb, ag nauhmananu amu, ag Yawe bekka waappa daan, Nug oɗe dim lamitteg! Aɗinu? Yawe, nuhig oppoɗi bak kobol nau haknu am paha ahatte. Amge danab ah ag Nug waappa padal mak eɗitteb ena dayaknu ehanittak aon daatteb amu, ag itittak ena aoppig daatteb.

Eksodas 18:6

Amu ag gona tenana, nug nai me, Moses dookkunu ukkom. Nug aum. “Da na tanap Jetro, da na anidkkulnu uɗittem. Da ah nahip, amu nid danab aɗit nahipaɗ ele omalatti, ig oh uɗimut,” awa aum.

Eksodas 33:7

Amu Moses nug peh lag laa awa, haen tutu dayaknu aab kalak dimittim nakok piɗe bia buuttom. Nug peh lag amunu, “Yawe ele qagmaknu peh lag,” aum. Nug anam heehe, am aun laa nug Yawe keeke laanu oɗ medakkunu heum ele amu, nug peh lag amuppa gottom.

Eksodas 4:27

⌊Amge keeke amu oh ii nak haenppa amu,⌋ Yawe Nug Aron amegppa inam aum. “Na Moses uɗa tekkutnu amu, na atu taɗakppa ukke!” awa aum. Nug anam aum amunu, Aron nug aha ukka, Kayaknu qaukoppa, Moses uɗa ta, nug ootuqittom.

Namba 22:36

Amu haen Balak nug Balam uɗitte doya, nug aha, aab laa onig Ar, nug appa Balam uɗa tekkunu ukkom. Ar am le Arnon daugppa, Moap wannu tomppa dayom.

Luk 7:45

Na da ii ootuqilme, amge da lag ooppa nei, haen amuppa ah imu nug digma, da bael ootuqittatta daatte.

Aposel 20:37

Unuqitte amu, ikki danab ag oh huana gaanna, ag Pol oɗokkidna ootuqidppig.

Aposel 28:15

Ig Rom gokkunignu teutut, Romnu Kristen ag ig ukkautut doona, laala ag ig uɗanig tekkulagnu ahan, ee daden maknu aben onig Apius appa gona, laala ag aben laa onig Hik Awak Lag Okkai Ewam appa ele gona, aben aɗit amuppa ag ig anigppig. Pol nug anatta, nug Kayak amegppa “Ena heme,” ana, ooppa ɠagattag awom.

Ikki Danab 11:34

Jepta aɗi ag Amon anam eɗadna, Jepta nug appag diig Mispa eɗua ukke amu, antte! Nug aɗeg nug anidkkunu, tambarin qaaqa, gamag ahakppa goɗaɗa anuqa, nug uɗa teum. Nug aakkuib am nuhig nid. Nug nid danab, o nid ah laa iitta.

1 Samuel 17:18

Keeke laa ele, na sis maha eblaih laih ele imu ele aon gona, na awanad dilag ban daup ikki mette! Na gona, na awanad ewam amu anadna, ag attem daatteb anttona, na keeke laa ag ena daatteb ippuniɗkkunu ele aon uɗie!

1 Samuel 17:22

Aria, Dawit nug haen amuppa ukka, bannu abenppa ta, nug ee mameg me awa ukkom amu, nug ee amu ban danab dilag ee gumak ikki eppegppa mewowa, nug qaiqaɗ ban danab daappigppa ukka, awakkud anatta humattom.