Eksodas 18:23 - Nobonob Baibel

²³ Am keeke oh da na hekkutnu amenppa ami amu, Kayak Nug na anam hekkutnunab oo dayeb, na amenppa ab, na da nai ami amu dim lamidkkut amu, aria geha uɗat amuppa na beɗun bahi iinab yaama. Amu na amu doyak danab laala ele, ag danab ah ele dilag eheɗ hak, amu nai ele anam elele bappaidppeg, danab ah ag oolag maɗoɗ ele daanna, ag eɗun lakka ukkadkkulag.” Jetro nug Moses amegppa anam awa aum.

Eksodas 18:23 ပူးပေါင်းရင်းမြစ်များ

Genesis 18:33

Yawe anam ana mala amu, Nug ukkom. Abraham nug ele nug laugppa ukkom.

Genesis 30:25

Rahel nug Josep menue, Jakop nug Laban amegppa aum. “Da ah diiatkkulnu nahip uɗat elele hemi amunu, na appe, da ah, nid ele diiatte, na uuitte, da appalppa gokkul. Na da nahip uɗat okkainab hemi doottem,” awa aum.

2 Samuel 18:3

Nug amelagppa anam aum, amge ag eɗun appig. “Iitta! Na ig ele aib gomut. Aɗinu? Apsalom aɗi ag ig eɗigna heppeg, ig oolkkunig dayeb amu, ag ihinignu dab-ii-memana. Ag iqappeg, ig kuɗumnab mauhkkunig dayeb amu, ag amunu keeke okkai ii doomna. Ag ig oonigppa danab 10,000 aqappeg, na bau daakkut dayeb amu, ag oolag gamag ii ahama, amge ag naib nidappeg mauhkkut amu, ag oolag huana gamag ahakku. Anam daamanu, na aab okkaippa ippa daanna, ippa na ehanikkak megakkut am ena. Na banppa gokkut am ena iitta,” aon appig.

2 Samuel 19:39

Aa anam mattiya malaeh, danab oh, King Dawit ele Jodan mataɗppig. King nug mataɗa, nug Barsilai ootuqitta, itittak ena mette, Barsilai nug eɗua, lakka ukkom.

2 Samuel 21:17

Isbi Benob nug anam a, nug Dawit ele ban heyaya, Dawit beɗu lemelem qe, gai-iitta me, Pilistia danab amu nug Dawit qeeb mauhkkunu heehe, Seruia bekka Abisai nug uɗia, Dawit ehanitta, Pilistia danab amu qe mauhom. Nug anam he, Dawitnu daup ag uug amu bekkunu miag dayom anidna, ag Dawit amegppa ɠagattag appig. “Na ig Israel, na ihinig amahlak hanhan eotte bia daattem amunu, amahlak amu iitta memanu, na baula ig oonigppa daappe, ban ii hemata. Ig, nahipad ban danab amu, igib banppa daagnig,” aon appig.

Eksodas 16:29

Yawe Nug anam a amu, Moses nug danab ah amelagppa aum. “Ag imu doon autna aweg! Aɗinu? Yawe Nug ag deɗ imu, am Sabat, Nug ag mattom amunu, deɗ ebqak eblaih laippuppa amu, geha Nug ag ee deɗ aɗitnu elele madatte. Aria, deɗ ebqak eblaih aɗitppa amu, danab ah oh ag daattebppaib daaglag. Danab o ah laa nug ee wanppanu awaknu dimittim ii goma,” awa aum.

Eksodas 18:18

Uɗat amuam uɗat okkainab, na eɗidtte amunu, na nakka hekkutnu am elele iitta. Na nakka anam hettem amu, geha na bahin yeeb, danab oh ele ag bahilag yaakku.

Eksodas 18:22

Am geha danab anam amu ag danab dilag epeɗiak danab daanna, danab ah dilag uug nakok digdig ag haen oh bappaidkkulag. Ag akka uug nakok amu hettoɗiakppa bappaidppeg, elele daakku, amge uug okkainu amu, ag na gumidna uɗippeg, na amu bappaidkkut. Ag anam hena amu, geha ag na ehanidppeg, uɗat amunu uug amu, ag oh maonna, geha na nakka, na uug okkainab ii doomna.

Eksodas 18:24

Aria Jetro, Moses tana, nug anam Moses amegppa a, Moses nug Jetro nai aum amu doya, nug Jetro aum amubia heum.

Aposel 15:2

Ag anam aon aeg, Pol, Barnabas ele nai amu dooya, amunu ena ii dooya ahaeh, Juda ele huanak aeg ona aeg doum amunu, Kristen ag Pol, Barnabas amu danab laala oolagppa genab dooppig ele ag ahan, Jerusalem goppeg, totol danab amu ikki danab ele ag nai amu bappaidkkulagnu otiadppig.

Galesia 2:2

Kayak Nug da ippuniɗe, da aakku gomi. Da inam dabmemi. “Da ⌊Jerusalem tamaniak⌋ anuqak danab amelagppa, da iitta aɗi oolagppa Nai Ena mehuqttem amu da amunu ii akkul amu, uɗat da gemu hettem imu, uɗat tatam hemi ele amu, uɗat amu oh hamu ukka qettoɗkkutai.” Da anam dabmemi amunu, da ukkai, anuqak danab amu appa daappig ele, da ag akka aakkuib ele daatta, da amu ippunadmi.

1 Samuel 8:22

Samuel nug mattie, Yawe doya, Nug aum. “Na ahilag nai dim lamidna, king laa matte!” awa aum. Nug anam a, Samuel nug Israel danab ah oh amelagppa, ag eɗun lakka gokkulagnu aum.