Eksodas 18:21 - Nobonob Baibel

²¹ Na anam hekkut, amge na inam ele hekkut. Na danab ah oolagppanu danab ag keeke haknu elelenab daatteb laala, ag Kayaknu ebehilag oh bodoetta le mette, laa ag danab amunu genab elele dooglagnu elele, danab amu ag men doɗo awaknu nai hambuppuak ii mattimna ele amu, na danab amubia otiadna heppe, ag laala danab ah 1,000 gumadna, ahilag okkai daappeppeg, laala 100, laala 50, am laala 10 anam gumadnana, ahilkad ehanittak anuqak danab daaglag.

Eksodas 18:21 ပူးပေါင်းရင်းမြစ်များ

Genesis 22:12

Abraham anam a amu, engel nug amegppa aum. “Na nid aib yaappe mauhom. Na keeke eheɗ laa ele nuhigppa aib heme. Aɗinu? Na nid nahip laippunab genab meɗame amunu, da geha iikku na da, Kayak, na dahilnu ebehin oh bodoetta le mette amu, da doottem,” awa aum.

Genesis 42:18

Amu deɗ ewamppa Josep amelagppa aum. “Da Kayaknu ebehil oh bodoetta le mette amunu, ag inam hena, ag bau, ena daaglag.

Genesis 47:6

Antte! Isip wan aakku daatte. Isip wan laih adekku am enanagnab amu, na appe, ag appa daaglag. Ag wan atu onig Gosen appa ena daaglag dayeb amu, ag appa dayeg! Amu laa ele, laa ag oolagppanu doɗ gumattak uɗat tutukku dootteb ele amu, na appe, ag doɗ dahil gumadkkulag,” awa aum.

2 Samuel 18:1

Aria, Apsalom aɗi ag Jodan le mataɗna, Gileat wanppa daaegeg, Dawit nug nuhikkud daup oh qagmeeg, nug otiatte, huu anen anen daappig. Huu laala am daup 1,000 ele, laa am 100 ele. Ag anam daaegeg, Dawit nug huu anen anen dilag ikki otiattom.

2 Samuel 23:3

Israel dilag Kayak Nug da dookkulnu nai mattiom. Ao, Israel dilag kekeɗ nikkamanu ehanittak, Nug da amelppa nai laa imu aum. ‘Danab nug king dayaya, kobol genab tutukkuib dim lamittatta; nug dahilnu ebehi oh bodoetta le meeme, nuhikkud danab ah atognoadtte amu,

1 King 18:12

Amge da na uuitte goppi, Yawenu Ouɗi Nug na awitta, aben laih da ii doottemppatai meitteb daappe, da ukken, Ahap amegppa appi, nug na maditta, ii anitta amu, geha da iweb mauhkkul. Amge da nid nakokppanu uɗie, gemu batak, haen amu oh da Yawenu ebehil oh bodoetta le meum.

1 King 18:3

King Ahap nug Obadaia gumitta uɗikkunu onigppa eum. Obadaia nug kingnu lag enanagnab gumak danab. Nug Yawenu ebehi oh bodoetta le meum.

Esra 7:25

Amu Esra, nahipnu amu, Kayak nahip Nug doyak dabmak ena okkai ele mettom amunu, na doyak dabmak ena ele amu dabmena, na epeɗiak danab okkai, epeɗiak danab okkai iitta ele otiadna, ag nai doya mala hettoɗia epeɗia elele mettak kobol dim lamidnana, danab ah le Yupretis heqo laih appa daatteb, ag nahip Kayaknu ɗo nai aɗi aɗi ippunigtte dootteb amu, ag danab ah amu oh epeɗiatteg! Amu laa nug ɗo amu ii dootte ele amu, na nug ippunitte!

Nehemaia 5:9

Ag anam oɗelag qamutna, nai iitta daaegeg, da tuɗitten ami. “Ag hetteb ele amu, ag amuppa kobol genab tutukku ii hetteb. Ag ihinig kekeɗ, ag am iitta aɗi amu, ag anigna, aon aon iqaglagnu ib laa ii anidmananu, ag Kayaknu ebehilag oh bodoetta le meeb, oɗe dim lamidlob am ena.

Nehemaia 7:2

da, da amal Hanani, amu danab laa Hanania ele, aa Jerusalem gumaglahnu otiatmi. Hanania nug aben aɗ ɠagattagnab ele, nug appanu daup dilag okkai dayom. Nug danab nug dabmak oiyak nuhig ele am tutukkuib. Nug Kayaknu ebehi oh bodoetta le mette. Danab kuɗum ag anam dootteb, amge nug okkainab dootte. Nug anam dayom amunu, da nug otimi.

Job 1:1

Anukkanab danab laa onig Job nug Us wanppa dayom. Danab amu nug Kayaknu neekkakppa ooppa kaliak laa iitta ele. Nug genab tutukku hak danab. Nug Kayaknu ebehi oh bodoetta le me, nug eheɗ laa hekkunu uua autanab awom.

Job 29:16

Laa keekenu tutu mak daappig ele, da ag mamelag bia daami. Ao, aab diig danab iitta amu, da hettoɗiak abenppa amu dilag nai doyen, ehanadmi.

Job 31:13

Amu dahilad maɗi nid laa, o dahilad maɗi ah laa nug dahilnu nai ele, amge da haen amuppa nai doya mala hettoɗia epeɗia elele mettak kobol ii dim lamidlomlob amu,

Sam 15:1

O Yawe, aun nug nahip mettid lagppa na noomppa dup noa binan mekkunu elele? Ao, aun nug qauko nahip, qauko amuam nahipnu tituanak daatte, aun nug amuppa na gumitta wakkunu elele?

Sam 15:5

ag men doɗo lon hetteb, amge ag eɗua awaknu tuɗidna okkai awak kobol uutteb, ag hettoɗiakppa, o adekkuppa laa beɗulagppa aab iitta ele eheɗ aoglagnu, ag lokkumakppa eheɗ hekkulagnu ehanittak ii aotteb. ⌊Danab ah ag amu hetteb ele amu, ag na lautppa, nahip qaukoppa wakkulagnu elele.⌋ Am danab ah ag kobol ena amu hetteb, ag kobol nau amu ii hetteb ele amu, ag hanhan ɠagattag daaglag.

Eksodas 17:9

amu Moses nug danab laa onig Josua amegppa aum. “Na ihinig danab laala otiadppe, ag oh gona, Amalek aqeg! Butti ag anam hebeppeg, da am geha qauko nakok umu igippa hibaittette, da dudqak hokkat, Kayak Nug da maokkulnu aum amu, da amu aɗen daakkul,” awa aum.

Eksodas 18:25

Nug Israel oolagppa danab keeke haknu elelenab daaeg epeɗiatta, danab ah ameg laala 1,000, ameg laala 100, ameg laala 50, am ameg laala 10 dilag ehanittak anuqak danab daaglagnu otiattom.

Prowerb 28:2

Wan laappan danab ah ag nai tappe nak danab ah daatteb dayeb amu, wan amuppa gumak danab laa ba, na qe, laa ahatte; amge wan laappan danab okkai nug doyak dabmak ena ele, diignu doyak tutukku ele amu, wan amu ɠagattag daatte.

Eklisiastis 12:13

Keeke oh amu, ig aakku doomut; amu keeke amu ohnu gogppa tak am inam. Na Kayaknu ebehin oh bodoetta le maɗ! Ao, na nuhig haknunab anak dim lamitte! Aɗinu? Amuam keeke anuqak, Kayak Nug danab hekkulagnu mattom. Keeke laa iitta.

Aisaia 16:5

Danab amu nug geha iitta meeb, dimppa Kayak heeb, danab laa nug danab ah laa dilagnu oo mauhaknab kobol tutukku dim lamittatta, nug oo metta ii uuak kobol ele dim lamitta haaha, nug king daakku. Nug am Dawit buɗub laa. Nug hettoɗiakppa nai doya mala hettoɗia epeɗia elele mettak kobol dim lamittatta, nuhig oiyakppa ele hanhan kobol genab tutukku ele, amuppaib oikku.

Aisaia 33:15

Hipunin hak danab ag anam baɗan, uug doon oitteb, amge danab laa nug aben enanag, uug iittappa daakku, danab nug ɠagattag, enaib daakkunu padal mak eɗitteb ena dayaknu aben nuhigppa daakku amu, nug nuhig kobol am inam. Nug danab genab tutukku hak kobol dim lamitta oiyaya, nug nai tutukku, hambuppuak iitta maditte. Nug keeke lokkumakppa awaknu duttuna hak kobolppa men doɗo keeke ii aotte. Nug hettodiakppa lokkumakppa eheɗ haknu ehanittak aokkunu nai hambuppuak madikkunu, “Yo,” ii atte. Danab laa ag lailag laa qeppeg mauhkunu maditteb amu, nug nai amu doya, nug ehanittak madakkunu ii dabmette. Nug nau hekkunu dabmak nakok laa ii aotte. Danab nug anam hette ele, nug hanhan ee ele daakku. Nug le oug nuhig am iitta ii mema. Iitta.

Aisaia 59:4

Hettoɗiakppa ag oolagppan laa nug nai tutukku ii maditte. Ge, hettoɗiakppa ag oolagppan laa nug nai genabib ii maditte. Juda danab ah ag oh nai meu iitta, nai hamu, ag nai amu hambuppuna mattinna, ag nai amu ehanadkkunu dabmetteb. Danab wau ele aa oiyya, ah nug nid ele daya, nid menutte, amubia ag uug bekkulagnu heeg beeg, kobol eheɗ ele betteb.

Jeremaia 5:1

Amu Yawe Nug aum. “Ag Jerusalem ooppa ib ohppa oinna, aab amunu qagmak abenppa ele oinna, tutukku neekkeg! Ag anam hena, ag ⌊danab ah aab okkai amuppa wan imunu hakib henan daatteb, ag oolagppanu⌋ danab, o ah laippu laa nug genabib hak kobol hette, nug doyak diig genabib anidkkunu mattiak hette ele, na amu laippu laa anidkkut dayeb amu, da aab okkai amu heppi ii nauhma.

Esekiel 18:8

Genab tutukku hak danab amu, nug danab laanu lonnu intres ii aotte. Ge, nug gane mettom, amu eɗittak laa ii aotte. Nug eheɗ hekkunu ib anidtte ele amu, nug ib amu uua, eheɗ ii hette. Danab aɗit laa aa nug qeeheh, bappaidkkunu nug nai doya mala hettoɗia epeɗia elele mettak kobolnu oo metta ii uuak doyaya, kobol amu dim lamitta bappaidtte.

Esekiel 22:12

Ag Jerusalem danab ah, ag oolagppan laa ag laa men doɗo mattaeg, ag laa aqaeg mauhtteb. Ag Jerusalem danab ah, ag lailkad lon mattan, ag lonnu intres digdig aotteb. Ge, ag gane medappig, amu eɗittak laa eɗun aotteb. Ag Jerusalem danab ah, ag mudippan laippu ele keeke lokkumakppa awaknu duttuna hak kobolppa ag eppelagppanu men doɗo keeke aotteb; amuppa ag keeke ii aolob aotteb. Ge, ag Jerusalem danab ah, ag dahilnu daulag atiom oitteb.’ ” Naɗi Yawe Nug anam atte.

Sekaraia 7:9

“Yawe Nukka Ɠagattag Oh Ele Nug inam atte. Ag nai doya mala hettoɗia epeɗia elele mettak kobolnu oo metta ii uuak doon hena, ag oo gai-iitta doya oo metta ehanittak kobol, ag oo bodoetta le mak kobol ele dim lamidna, anamib akka akka ahilagppa heig!

Sekaraia 8:16

Amu Nug ele atte. “Amge ag Israel danab ah, ag imu hekkulagoitte. Ag akka ag ihuhun mattin, ag nai genabib akka akka ahilagppa mattieg! Ag aib nug buppuidppig. Hettoɗiakppa amu, ag nai doya mala hettoɗia epeɗia elele mettak kobol dim lamitteg!

Namba 1:16

Danab amu ag Israel oolagppa onilag ele tituanak daappig. Danab amu ag Israel dilag huu okkai anen anen, huu amu ag tatam beppig daatteb amu, ag amu dilag ikki danab daappig. Ag am Israel oolagppa aab ikki ahilkad anen anen dilag okkai daappig.

Namba 1:4

Amu danab laippu laippu, Israel dilag huu okkai anen anen amuppanu, ag, ag baelkadppan ikki daatteb, ag geha aa ehanatkkulag.

Namba 10:4

Amge danab nug trampet laippuib iwaleb amu, Israel dilag huu okkai anen anen dilag okkai danab, ag aakkuib uɗippeg, na ele qagmekkulag.

Luk 18:2

Amu Nug inam aum. “Amu aab laappa epeɗiak danab laa nug Kayaknu ebehi oh bodoetta le ii me, danab dilagnu ele dab-ii-madatta dayom.

Luk 18:4

Ah amu nug anam heehe, epeɗiak danab nug laa ehanidkkunu amu, kobol amu nug beɗuppa ii daattom, amge dimppa nug ooppa aum. ‘Da Kayaknu ebehil oh bodoetta le ii me, danab dilagnu ele am da dab-ii-mettem,

Aposel 20:33

Amu da danab laanu silwa, gol, lamen keeke, da amunu amel qe aolomnab dabmak eheɗ ii aomi.

Aposel 6:3

amunu, O lainkad, ig inam hekkunig. Ag oh oolagppanu ag danab eblaih aɗit laa, danab ah ag danab amunu ena elele dootteb, ag Kayak Ouɗi aoppig, ag doyak dabmak ena ele amu, ag danab eblaih aɗit amubia anatteg! Danab amu ig uɗat amu madapput, ag hekkulag.

Duteronomi 22:18

Aakku ikki danab ag danab amu aɗan, bu mettaglagoitte.

1 Timoti 3:3

Nug le ɠagattag lanak danab, o laa guittak nau mauhnoak mettaknu tiigppa dayak danab ele ii daama. Iitta. Nug am oo bodoettak danab dayaya, nug mehqak ii hema. Nug ele oo men doɗonu aib mauhom.

1 Samuel 8:12

King nug heeb, ag bekkalkad laa ag ban daup laa 1,000 dilag ikki daaglag; laa ag ban daup 50 dilag ikki daaglag. Amu king nug ele ag bekkalkad laa diia heeb, ag nuhig wan buun, nuhig ee aon, ma lakka menana, nuhig ban haknu keeke, am bannu karisnu keeke ele hena mettaglag.

1 Samuel 8:3

Aa anam hepiɗ, amge aa mamelah ippu ippuanatom ele amu, aa ib amu ii dim lamidpiɗ. Iitta. Aa men doɗo ib ena iittappa aoglahnu hepiɗ. Aa danab ag epeɗiak uɗat hekkulahnu uɗippig, haen amuppa aa lokkumakppa eheɗ haknu ehanittak aopiɗ. Aa nai doya mala hettoɗia epeɗia elele mettak kobol amu, aa amu dab-ii-mepiɗ; aa men doɗonu aakkuib dabmepiɗ. Diig amuppa amu, aa epeɗiak tutukku iinab hepiɗ.