Eksodas 18:13 - Nobonob Baibel

¹³ Aria, ag ee anam lawona, wagɗe deɗ amuppa amu, Moses nug dayaya, Israel danab ah ag uɗin, ahilag uug nug amegppa appeg, nug ahilag nai epeɗikkunu dayom. Danab ah kuɗum buttuanu digmena, Moses gumidna uɗiegeg ukka, tueb meum.

Eksodas 18:13 ပူးပေါင်းရင်းမြစ်များ

Job 29:7

Haen amuppa amu, da ikki danab dilag qagmak aben aab odppa daatteppa wami; da wain, appa aabnu haɗap-ppa da heɗep nein daami.

Eksodas 18:12

Am Jetro nug manaknu ofa, Kayak medakkunu awa uɗia, doɗ laala ele mana, Kayak medakkunu awa uɗiom. Nug awa uɗia mana, Kayak mette, Aron nug, amu Israel dilag ikki danab oh ele ag uɗieg, ag Moses tana ele, Kayak noobppa ee lappig.

Eksodas 18:14

Moses nug danab ah ehanadkkunu uɗat anam he, Jetro antta, amunu elele ii doya, Moses amegppa aum. “Ehe, na danab ah imu dilagnu uɗat huan hettem. Na nakka uɗat anam hettem am aɗinu? Antte! Danab ah oh ag na ele nai mattiglagnu buttua uɗin daaegeg ukke, uudoum. Na anam aɗinu hettem?” awa aum.

Aisaia 16:5

Danab amu nug geha iitta meeb, dimppa Kayak heeb, danab laa nug danab ah laa dilagnu oo mauhaknab kobol tutukku dim lamittatta, nug oo metta ii uuak kobol ele dim lamitta haaha, nug king daakku. Nug am Dawit buɗub laa. Nug hettoɗiakppa nai doya mala hettoɗia epeɗia elele mettak kobol dim lamittatta, nuhig oiyakppa ele hanhan kobol genab tutukku ele, amuppaib oikku.

Joel 3:12

Amu Yawe Nug atte. “Wanppan wan ohppan danab ag ahan, ag oolnu noak onig Jehosapat appa ukkeg! Aɗinu? Da appa dayeye, da danab ah wanppan wan ohppanu epeɗiadkkul.

Matyu 23:2

“Ɗo gumak danab-Parasia amu ɗo mehuqak danab ele ag Mosesnu ɗo ag ippunadtteb, Moses nug nuhig haenppa dayaya heum bia

Rom 12:8

Danab laa nug nuhig ehah am laikkud oolag ɠagattag qettaknu daatte dayeb, nug amu tutukku haɗ! Amu danab laa nug nuhig ehah am nug laikkud keeke mattaknu daatte dayeb, nug keeke happiak mettaɗ! Danab laa nug nuhig ehah am gumak uɗat haknu daatte dayeb, nug gumak uɗat amu pehettak haɗ! Aria, danab laa nug nuhig ehah am layagnu oo gai-iitta doya oo metta ehanittak haknu daatte dayeb, nug oo gamag ahak enappa ehanittaɗ!

Rom 13:6

Laa ele amu, danab ag gumaknu ehah ele, ag ele Kayaknu maɗi nid daatteb, ag uɗat amu ena gokkunu dabmedatteb, amu diig amunu ag ag takis madatteb.

Ikki Danab 5:10

Ag laa, ag donki enanag gomelkadppa oitteb, ag laa ag lamen kobol ele duqan, amuppa daatteb, amu ag laa ag ib man baelagppaib oitteb ele amu, ag oh ag laa le moɗppa daan ahi edatteb ele, ag ahilag ahi nai doon dabmetteg! Ag Yawe Nug kobol genab tutukku ha, kekeɗ eɗattomnu edatteb. Ao, ag Israel dilag daup Yawenu daatteb amu, ag daup amu kobol genab tutukku ele dim lamidna, kekeɗ eɗadppignu edatteb. Gemu, Israel danab ah, ag Yawenu danab ah amu, ag eɗun, aab ahilkadppa maɗoɗ ele daatteb.