Eksodas 18:12 - Nobonob Baibel

¹² Am Jetro nug manaknu ofa, Kayak medakkunu awa uɗia, doɗ laala ele mana, Kayak medakkunu awa uɗiom. Nug awa uɗia mana, Kayak mette, Aron nug, amu Israel dilag ikki danab oh ele ag uɗieg, ag Moses tana ele, Kayak noobppa ee lappig.

Eksodas 18:12 ပူးပေါင်းရင်းမြစ်များ

Genesis 12:7

Anam daye amu, Yawe Nug Abram gumitta na, amegppa aum. “Da wan imu oh na buɗun madakkul,” awa aum. Anam a amu, aben amuppa Yawe Nug Abram gumitta ukkom amunu, Abram nug Yawe noobppa dup noa binag mekkunu qaɗab qeum.

Genesis 26:25

Yawe Nug anam a amu, Aisak nug qaɗab nuhig qa, Yawe unuqittowa, peh lag nuhig qappe, maɗi nid nuhikkud ag le moɗ laa buuppig.

Genesis 26:30

Ag anam aeg, Aisak nug ee okkai he, ag ee, le ele lawona,

Genesis 31:54

Jakop anam ha malowa, laih qauko qauko ele amuppa nug doɗ laa mana, Kayak mettowa, nug baekkudppa, amu Laban aɗi ele ee lakkulagnu onilagppa e uɗieg, ee lawona, ag aben amuppa niippig.

Genesis 4:4

amge Abel nug nuhig doɗ sipsip, meeme ele nalkad ⌊dawai⌋ tatamnu laala ittalkad awa uɗia mana, Yawe mettom. Aa anam heeh amu, Yawe nug Abelnu, nuhig mana mettak elenu ena anttom,

Genesis 43:25

Matte amu, Josep awakkud, amag ele ag keeke ena ena Josep, nuhig daakkunu hamu mettaglagnu aon goppig amu, ag keeke amu bappaidppig. Aɗinu? Ag Josep ele amun ee lanak haenppa ee lakkulagnu amu tatam dooppig.

Genesis 8:20

Ag nona malaeg, Noa nug qaɗab qa, nug doɗ, ai ele iɗu iɗu oh mana mettaknu elele, nug amu laippu laippu diiatta, manaknu ofa daaglagnu manatta, Yawe mettom.

2 Samuel 9:7

Mepiboset nug Dawit amegppa anam a, Dawit nug aum. “Da na mamen Jonatannu dabmak anuqak awen, nahipnu oo mauhaknab kobol doye dim lamidkkulnu hettem amunu, na aib baɗame! Na alan Saulnu wan oh amu, da eɗue, na eppenppa mekkul. Laa amu, na hanhan dahil balalppa ee lakkut,” awa aum.

2 Stori 30:22

Lewi buɗub ag Yawenu maɗi ahilag hekkulagnu diignu doyak tutukku ele oinna heppig amunu, Hesekaia nug ag ɠagattag aqom. Lewi buɗub amu ag deɗ eblaih aɗit ele aɗi ee mana mettakppanu aoglagnu daappig amu, ag ee amu aon lappig. Amu ag ele laippu dayaknu ofa Kayak mettan, ag Yawe, ag mamelkad aɗi dilag Kayak, ag Nug binag meppig.

Job 1:5

Amu nug bekkod ag anam heegeg ukke ukke, eblaih aɗit ele amu oh ag ag laulkad anen anenppa hobul hena malaeg, Job nug ag Kayak ele ouqa dayaknu elele daaglagnu ag beɗulag oolag ele bappaidkkulagnu nai ahilagppa me ukkom. Job anam he, deɗ amu uue, wagɗe buttua Job nug aha, ahilag anen anennu manaknu ofa hattom. Nug, “Nid dahilad ag Kayak uuidna, hipunin heppigtai,” ana dabmeum amunu, nug anam hettom. Job nug hanhan anamib hettom.

Job 42:11

Yawe ehanitte, Job eɗua ena daya, keeke ele daye amu, nug awakkud, amakkud, appinkkud ele, amu laa oh ag nug tatam dooppig ele amu, ag oh uɗin, nug laugppa ee lappig. Ag uɗin, uug oh ⌊ahilag dabmakppa⌋ Kayak he, Job nuhigppa beumnu amu, ag oo mak nai nug mettan, ag anen anen oh silwa men doɗo laippu, eppeg doɗoppanu ring golppa hak laippu ele nug medappig.

Job 42:8

Ag eheɗ anam madippig amunu, ag makau gaiɗ eblaih aɗit ele, sipsip dawai eblaih aɗit ele, ag amu ele aon, dahil maɗi nid Job gumidna gona, ag doɗ amu manaknu ofa daaglagnu manadna meɗeg! Ag amu heppeg, dahil maɗi nid Job nug ahilagnu da unuqilkku. Nug anam unuqilkku, da nuhig unuqittak doyen, diig amunu da ag dahilnu dab-ii-maama hak kobol dim lamidppig amu, da kobol amunu bu madappi aolob ii madapa. ⌊Da ii madapa, amge ag bu aoglagnu daappig.⌋ Aɗinu? Ag dahil maɗi nid Job, Nug dahilnu nai tutukku mattiom bia ii madippig. Ag eheɗ madippig,” awa aum.

Eksodas 18:13

Aria, ag ee anam lawona, wagɗe deɗ amuppa amu, Moses nug dayaya, Israel danab ah ag uɗin, ahilag uug nug amegppa appeg, nug ahilag nai epeɗikkunu dayom. Danab ah kuɗum buttuanu digmena, Moses gumidna uɗiegeg ukka, tueb meum.

Eksodas 2:16

Midian wan amuppa amu, mana mettak danab laa dayom, ⌊nug onig Jetro⌋. Nug am aɗekkud eblaih aɗit ele. Ah amu ag ⌊hanhan⌋ uɗin, ag mamelagnu sipsip, meeme ele le lakkulagnu ⌊le moɗ amuppanu⌋ le itan, doɗ dilag le lanak tappiɗppa gokkaɗeg noum.

Eksodas 2:20

Aeg amu danab amu nug aɗekkud inam awa oɗ mattom. “Nug adeppa daatte? Aɗinu ag nug appa uuidppig? Ag gona, nug appeg uɗieb, nug ig ele ee latu!” awa aum. ⌊Aria ag gona, Moses omalna uɗippig.⌋

Eksodas 20:24

Yawe Nug anam anana amu, Nug Moses amegppa nug Israel amelagppa ab dooglagnu nai tuɗitta aum. “Ag doɗ main meɗaglagnu amu, ag wan akkan, qaɗab hena, ag qaɗab amuppa main meɗaglag! Ag ahilag manaknu ofa, amu laippu dayaknu ofa ahilag ele, ag amu hekkulagnu ag doɗ sipsip, meeme, amu makau ele ahilag qaɗab amuppaib main meɗaglag. Da aben ohppa da onil mekkul ele amu, da amuppa ahilagppa uɗien, da ag itittak ena madakkul.

Eksodas 24:11

Israel dilag ikki amu ag Kayak anam anidppig, amge Kayak Nug he, ag ii padal meppig. Aria, dimppa ag aben amuppa ag ee, le ele lappig.

Eksodas 24:5

Dimppa nug he, Israel dilag nid danab bau laala ag gona, ag makau gaiɗ, manaknu ofa, laippu dayaknu ofa ele daaglagnu manadna, Yawe medappig.

Eksodas 3:1

Haen amu Moses nug tana Jetro, Midian dilag mana mettak danab amu, nug nuhig sipsip, meeme ele gumadttom. Am haen laa Moses nug sipsip, meeme ele amu diia, atu taɗak obata ⌊qinonob oiya oiya⌋ ukka ukka, nug qauko Horep teum. Qauko amuam Kayaknu.

Eksodas 33:7

Amu Moses nug peh lag laa awa, haen tutu dayaknu aab kalak dimittim nakok piɗe bia buuttom. Nug peh lag amunu, “Yawe ele qagmaknu peh lag,” aum. Nug anam heehe, am aun laa nug Yawe keeke laanu oɗ medakkunu heum ele amu, nug peh lag amuppa gottom.

Daniel 10:3

Mettid ewam amuppa da ee miti enanag ele laa ii lami. Da doɗ teppu, wain ele nakok iinab lami. Da le laye dimppa goɗen beɗulppa ele ii laidmi. Da anamib daai ukke, mettid ewam amu male, da eɗuen, ee oh lainne, beɗul ele atognomi.

Namba 10:29

Amu haen Israel ag ahan, Sinai uuglagnu heppig amu, danab laa onig Hobap, nug ag ele oh daanna, oidppig. Hobap nug amu Reuel bekka. Reuel nug am Midian danab, nug amu Moses tana. Amu Moses nug oeb Hobap amegppa aum. “Ig am wan laa Yawe Nug megakkunu, nuhig nai anan qakkom amu, ig ahat, amuppa gokkunig hettem. Yawe Nug ig wan amuppa enanag daagnignu nai ana qakkom amunu, na ig ele oh gotu! Ig geha nahipnu enaib hekkunig,” awa aum.

Luk 14:1

Am Sabat laappa Jesus Nug ɗo gumak danab-Parasia dilag ikki laa laugppa ee lakkunu ukkom. Ukke amu ɗo gumak danab-Parasia amu laikkud ag nug meidna daappig.

Luk 14:15

Nug nai mattia male, ag daappig ele amu ag oolagppanu danab laa nug nai amu doyowa, Jesus amegppa aum. “Danab nug geha Kayaknu ɗo maɗoɗ ooppa ee lakku amu, nug itittak ena awom daatte,” awa aum.

1 Korint 10:18

Israel buɗub, danab amu ag hetteb, ag amu dabmekkulag. Israel ag doɗ main Kayak medatteb amu, ag amunu laih lanana, ag qaɗabppanu laih amu iite aotteb?

1 Korint 10:21

Ag Naɗi, amu ouɗi nau ele ouqak daaglagnu elele iitta. Ge, ag Kristus, amu ouɗi nau ele laippu daaglagnu elele iitta.

1 Korint 10:31

Amge ag ee le ele lakkulag, o keeke laa hekkulag amu ag keeke amu ohppa ag Kayak binag amahlak oppiaawak ele mekkulagnu aakkuib dabmenan heig!

Duteronomi 12:7

Aben amuppa ag, amu ag baelkadppa ele, ag Yawe, ahilag Kayak, ag Nug noobppa hobul naɗi hekkulag. Ag hobul henana, ag Yawe, ahilag Kayak, ag ahilag uɗat heegeg, Nug itittak ena mattom, amunu ag ee, keeke elelenab ele daan oittebnu dabmena, ag gamag ahak okkainab dooglag.

Duteronomi 27:7

Ag amu hena, ag qaɗab amuppa laippu dayaknu ofa ele henana, ag doɗ manadna, Yawe, ahilag Kayak, ag Nug mettanna, ag Nug noobppa teppu amuppan ee hobul hena, gamag ahak ele ee laig!