Eksodas 17:8 - Nobonob Baibel

⁸ Aria, dimppa amu Repidim appa Amalek ag banelag uɗin, Israel aqaglagnu heeg,

Eksodas 17:8 ပူးပေါင်းရင်းမြစ်များ

Genesis 14:7

Aben amuppa batana, ag eɗun, Enmispat, onig laa Kades, ag appa uɗina, ag Amalek danab oh eɗadppig. Eɗadna amu, ag Amo danab, Hasason Tamar daappig amu, ag ag ele eɗadppig.

Genesis 36:16

Kora, Gatam, Amalek ele. Danab amu ag Edom wanppa Elipas buɗub aab ikki mamelkad daappig. Ag am Adah alakkud.

Sam 83:7

Gebal, Amon, Amalek, Pilistia amu Tair danab ah ele. Ag oh amu heppig.

Eksodas 17:1

Israel danab ah oh ag atu taɗak onig Sen uun ukkaegeg, Yawe Nug haknunab a, aria Israel ag ahan, aben laappa gona daaegeg, Yawe Nug haknunab a, ag ahan gona, aben laappa daappig. Anamib aakku henan gona, dimppa ag gona, Repidim tena, appa haen tutu dayaknu aab kalappig, amge aben amuppa le lanaknu laa ii dayeye,

Namba 13:29

Amu Amalek danab ag wan amuppa, wan laih onig Negeb, ag appa daatteb. Hit danab, Jebus danab, amu Amo danab, ag am wan laih qauko qauko eleppa, appa daatteb. Kanan danab, ag amu yu guguittak, amu Jodan le naɗi daugppa daatteb,” aon appig.

Namba 24:20

Aria, Balam nug neekka, nug Amalek danab ah anatta, nug nai meunab ele imu mattiom. “Amalek amu, nug danab laa oh oolagppanu anuqak dayom, amge nug geha nauha, iitta mekku,” awa aum.

Ikki Danab 6:3

Israel ag ahilkad keh keeke maɗ maɗppa eppalatteg, eheɗ hak danab Midiannu, Amaleknu, amu danab kaɗag uɗitteppanu ele ag Israel danab ah banelag uɗippig.

1 Samuel 14:48

Laa ele amu, Amalek danab ag banelag uɗin, Israel eheɗ hattana, ahilkad keeke aon goppig ele amu, Saul, nuhikkud daup ele banppa wagainab mena, ag Amalek eɗadppig amunu, Israel ag baula Amalek waappa ii daappig.

1 Samuel 15:2

Yawe Nukka Ɠagattag Oh Ele, Nug inam atte. ‘Israel danab ah, ag Isip uun uɗiglagnu uɗiegeg, Amalek danab ag eheɗ hadappig amunu, da Amalek heppignu bu madakkul.

1 Samuel 27:8

Dawit nug Pilistia wanppa dayeye, nug nuhikkud danab ele ag deɗ laala ahan ukkaeg, Gesur danab, Girsi danab, am Amalek danab ele ban hedappig. Danab huu ewam amu, ag anukkanu digmena, wan Sur aabppanu ukka, Isip dilag wan tom batak daanna oidppig.

1 Samuel 30:1

Akis Dawit amegppa nug nuhig ban danab huu ele eɗun gokkulagnu a, aakku ag eɗun deɗ aɗit gona, gona, deɗ ewamppa ag aab ag daattebppa teppig. Aab amu onig Siklak. Ag gona, aab ag daatteb ele amuppa teppig, amge haen ag ii daaegeg, Amalek ban danab huu ag uɗin, Juda wan laih ulah yau uɗitteppanu, appa ban henan, uɗin Siklak aabppa ele ban heppig. Ag banelag uɗin, ban hena, aab Siklak manaeg ewom.