Eksodas 17:2 - Nobonob Baibel

² danab ah ag Moses ele aeg ona aeg do, ag appig. “Le mekke! Ig le lakkunig,” aon appig. Aria, Moses nug eɗua amelagppa aum. “Aɗinu ag da ele nai aut ona aut dotte? Aɗinu ag Yawe ma anttak medatteb?” awa aum.

Eksodas 17:2 ပူးပေါင်းရင်းမြစ်များ

Sam 106:13

Amge ag pahanab Nug aɗi heum, ag amunu daulag atiom! Ag ulum nai mattaglagnu Nug ameg ii meppig!

Sam 106:14

Atu taɗakppa amu, ag teppu lanaknu baalag huanaknab ukkom. Ao, ag wan meu waknu nakokib elele, appa ag Kayak ma anttak medappig.

Sam 78:18

Ag doonna, ag eenu oolag huananab heumnu Kayak oɗ mettanna, ag Kayak ma anttak medappig.

Sam 78:41

Haen kuɗum ag Kayak ma anttak medappig. Ao, ag eɗuna heeg, Israel dilag Kayak Oppiaawak Ele, Nug oo nauhom.

Sam 78:56

Kayak Nug amu oh ahilagnu heum, amge ag Nug ma anttak medappig. Ag Kayak Attannab Laa Oh Eɗattak waappa daaglagnu uun, ag nuhig nai tappeg neum. Ao, ag nuhig ɗo dim lamidkkulagnu uuppig.

Sam 95:8

Nai amuam inam. “Ag mamelkad aɗi ag Meriba appa heppig bia gemu ag heppeg, oɗe ii dim lamidmananu dabmak ahilag ɠagattag aib eppom. Ao, ag mamelkad aɗi deɗ laa Masa appa, Masa am atu taɗakppa daatte amu, ag appa heppig bia gemu ag heppeg, oɗe ii dim lamidmananu dabmak ahilag ɠagattag aib eppom.

Sam 95:9

Ag gemu daatteb, ag mamelkad aɗi ag aben amuppa da ma anttak okkai meɗanna, ag da aɗi aɗi hemi anidppig.

Eksodas 15:24

Ag le amu lakkulagnu elele iitta amunu, danab ah ag Mosesnu naittuɗ menan, nug oɗ medappig. “Ig le baanig diitte. Ig aɗi lakkunig?” aon appig.

Eksodas 16:8

Aa anam awoya amu, Moses nug nai tuɗitta aum. “Yawe Nug ag nuhignu nai heegeg doyom amunu, Nug tueb ag teppu matteb lakkulag; buttua Nug ee laa matteb, ag labeppeg, ag oolag elele aokku. Yawe Nug ee anam matteb, ag Nug Isipnu omalatta, ippa uɗiom dooglag. Amge ag i amenihppa nai hena atteb amu attemu? I am keeke hamunab. Ag naittuɗ maknu nai maditteb amu, ag nai amuppa aakku Yawe yaatteb. Ag ihinihppa ii hetteb,” awa aum.

Eksodas 17:7

Israel ag Yawe ma anttak mettan, “Yawe ig ele daattemte?” appig amunu, Moses nug aben amu onig laa, Masa ataɗom. Aria, Israel ag Moses ele nug mehqeppig amunu, Moses nug aben amu onig laa Meriba ele ataɗom.

Eksodas 5:21

Ag uɗalah tena, ag aa amelahppa inam appig. “Yawe Nug ahilah kobol andatta, bu matakkunu oonig daatte. Aɗinu? Aa heeh, Paro nug nuhikkud ehanittak anuqak danab ele ag ihinignu, ig am keeke naunab nau bia dooigtteb. Ib aa hepiɗ amu, ib amuam Paro, nuhikkud ehanittak ele ag ig iqappeg mauhkkunignu ib,” aon appig.

Aisaia 7:12

Aisaia nug anam Ahas amegppa aum, amge Ahas nug aum. “Iitta. Da at laa anidkkulnu ii oɗ medapa. Da Yawe ma anttak ii medapa. Da amu hekkulnu dab-ii-mettem,” awa aum.

Malakai 3:15

Anam amunu, ig inam attem. Beɗuppa tak danab ag itittak ena aon oitteb. Laa ag eheɗ hetteb, ag en okkai aotteb, am laa ag Kayak Nug ahilagnu eheɗ hekkunu, Nug amegppa atteb ele amu, ag uug laa ii anidtteb amunu, ig anam attem. Ag dahilnu anam atteb.” Yawe Nug anam atte.

Namba 14:2

Israel danab ah ag Moses, Aron ele dilah naittuɗ menana, ahilahnu appig. “Ig Isip uppa, o iitta, atu taɗakppa ippa mauhlom am ena.

Namba 14:22

danab ag binag amahlak oppiaawak ele dahil anidna, dahilnu dabmettaknu kobol danab haknu elele iitta, da Isip appa, atu taɗakppa ele hemi, amu ele ag anidna, ag wan imu da ag mamelkad aɗi amelagppa dahil nai ɠagattag qetten madakkulnu ami amu, ag wan amu iinab anidmana. Ag hak dahil, keeke anidppig, amge ag da oɗel ii doona, ag haen kuɗum ma anttak meɗan, ag dahilnu, ‘Keeke hamunab’ dooiɗppig amunu, ag wan amu iinab anidmana.

Namba 21:5

Ag bahilag ye, ag Kayaknu, Mosesnu ele naittuɗ menana, ag Moses amegppa appig. “Ig ee iitta. Le ele iitta. Ee imu ig hanhan aot lattem ele amu, ig ee amunu oonigppa uuaknab doottem amunu, aɗinu na hee, ig Isip wan uut, ig atu taɗak imuppa mauhkkunignu oittem,” aon appig.

Matyu 4:7

Nug anam a amu, Jesus Nug aum. “Kayak naippa, nai laa ele inam daatte. ‘Na Naɗi, nahip Kayak, na Nug ma anttak aib mettame,’ ” awa aum.

Luk 15:12

Amu nid gehanu nug aha, mameg amegppa aum. ‘Mame, keeke oh na geha da awai ele i ihinih aognihnu otikkut amu, otiak dahil aokkulnu na gemu da meɗe!’ awa aum. Aria, mamelah nug nuhig keeke oh bekoɗ aoglahnu otia mate aopiɗ.

Luk 4:12

A amu Jesus Nug Satannu nai nob ma aum. “Kayak naippa yaak inam daatte. ‘Na Naɗi, nahip Kayak, na Nug ma anttak aib mettame,’ ” awa aum.

Aposel 15:10

Ig anam anidttem, amge ag iitta aɗi ag Juda dilag ɗo oh dim lamidkkulagnu atteb, amuppa ag keeke uug ele aon, Kristen qaɗelagppa mena hetteb. Anukka ig mamenkad amu ig ele uug amu mawaknu amu elele iitta. Ag aɗinu Kayak ma anttak anam mettaglagnu hetteb.

Aposel 5:9

Ah nug anam a, Pita nug amegppa aum. “Amu aɗinu aa oh nai laippu mattiya, aa Naɗinu Ouɗi ma anttak mettaglahnu hepiɗ? Doye! Danab ag na gamut boumona, geha iikku eɗun doppig, ag odppa hippaidppig daatteb, geha ag na ele boumidkkulagnu mawidkkulag,” awa aum.

1 Korint 10:9

Ig Kayak ma anttak, Israel oolagppa laa heppig amubia, ig aib hemut. Ag oolagppa laala ag anam heeg, mat ag emalatteg mauhppig.

Duteronomi 6:16

Ag Masa appa, ag Yawe, ahilag Kayak naittuɗ mena, ma anttak medappig bia aib heppig.

Duteronomi 9:22

Ag Tabera, Masa, Kibrot Hatawa ele, appa ele heeg, Yawe oo nauhom.

Hibru 3:9

Aben amuppa ag mamelkad aɗi ag da ma anttak okkai meɗanna, ag da aɗi aɗi hemi maɗ 40 aakku anidppig.

1 Samuel 8:6

Ag anam appig, amge haen Samuel nug ahilag nai, “Na king laa ig gumigkkunu mekke!” nug nai amu doya, nug oo ena iitta daye, nug Yawe amegppa amunu unuqittom.