Eksodas 17:13 - Nobonob Baibel

¹³ Ag anam heppig amunu, Josua, Israel ele ag banppa Amalek eɗadna aqappig.

Eksodas 17:13 ပူးပေါင်းရင်းမြစ်များ

Eksodas 17:12

Anam daye, Moses nug eppeg attan hume te daye ukke, nug eppeg dagta mauhe, Moses nug anam eppeg humak ele baula daakkunu elele iitta, amu Aron, Hur ele aa men laa aoya, wanppa meeh, Moses nug men amuppa heɗep na dayeye, aa Moses heqo laih laih hippaidya daayya, aa nug eppeg laplap, amu oh aɗaya, attan humapiɗ. Aa eppeg anam aɗaya daaeheh ukke, aam noum.

Eksodas 17:14

Moses, Israel ele ag anam heeg, dimppa Yawe Nug Moses amegppa inam aum. “Dabmak imu iitta memanu amu, na nai imu buk itoɗiakppa yaan, na heppe, Josua nug doyaɗ! Aɗinu? Da geha heppi, Amalek ag iitta mena autna aoppeg, hab waappa amu, danab laa nug Amalek dilagnu baula dab-ii-mema.” Yawe Nug anam aum.

Luk 21:24

Geha laala ag qep elabppa mauhkkulag, am laala, ahilkad kekeɗ ag ag diin gona, wan laa ohnu oolagppa maadppeg daaglag. Amu iitta aɗi ag uɗin, Jerusalem aon daana, uug medappeg ukkeb ukkeb, ahilag haen Kayak tituanom ele maleb malakku.

Josua 10:28

Haen amuppaib, Josua nug aab Makeda eɗittom. Nug qep elabppa aab amunu danab ah, ahilag king ele aqom. Nug he, aab amunu danab ah ohnab ag Yawenuib nuhig pelemppa daappig; laippu laa iinab tippalom. Nug Jerikonu kingppa heum bianab, Makeda dilag kingppa heum.

Josua 10:32

Ag ban heeg, Yawe Nug Israel ehanatta, Lakis diia, ag eppelagppa meum. Deɗ ag ban digmeppigppa amu, Nug ii heum. Iitta. Deɗ ebqak aɗitppa Nug ag eppelagppa meum. Yawe Nug ag eppelagppa me, ag qep-ppa danab ah oh aqappig. Josua nug Lipna dilag heum bia, Lakis dilagppa ele anam heum.

Josua 10:37

Deɗ amu ag banelag tena, ag aab okkai aona, ag qep elabppa danab oh aqadna, king ahilag ele qeeg mauhom. Josua, Israel ban danab ele ag amu hewona, ag aab naunau aab Hebron talilittak daappig ele amu, ag amu ohnab dilagppa anamib heppig. Ag danab laippu laa tippaleg, bau ii dayom. Eklon appa ag heppig bia, Hebron appa ele ag heeg, aab amu, danab ah ohnab ele ag Yawenuib nuhig pelemppa daappig.

Josua 10:42

Yawe, Israel dilag Kayak, Nug nuhikkud danab banppa ehanattom amunu, haen tutu laippu amuppaib, Josua nug king appanu eɗattowa, nug wan amu oh awom.

Josua 11:12

Josua nug king amu oh, ahilkad aab okkai ele eɗatta, nug qep elabppa aqom. Nug Yawenu maɗi nid Moses hekkununab aum bia, Josua nug he, king amu oh, ahilkad aab okkai ele, ag Yawenuib nuhig pelemppa daappig.

Josua 8:26

Josua nug eppegppa ban aeg Ai epponom, nug eppeg amuppa ban he ukke, aun aɗi ag Ai daappig ele oh, ag Yawenuib nuhig pelemppa daappig.