Eksodas 16:4 - Nobonob Baibel

⁴ Ag anam aeg, aria Yawe Nug Moses amegppa inam aum. “Da geha heppi, ee habppanu na qeeb, ag aoglag. Deɗ laib laib anen anen danab ah ag gona, deɗ amunu ee aakkuib ag aoglag. Da geha ag ee madakkul, kobol amuppa da ag ma anttak madappi, ag nai dahil dim lamidkkulag, o iitta am, da dookkul.

Eksodas 16:4 ပူးပေါင်းရင်းမြစ်များ

Nehemaia 11:23

Persia dilag king nug ag deɗ anen anen ag aɗi hekkulagnu ɗo meum amunu, ag amuib dim lamidppig.

Nehemaia 9:15

Haen ag enug aqom amu, na habppanu bret me ne lappig. Ag le baalag diie, na hee, le menppanu ne, ag aon lappig. Amu wan laa, na wan amu ag madakkutnu na eppen human, madakkutnu anana, nahip nai am ɠagattag qettan ame amu, na ag gona, wan amu aoglagnu amelagppa ame.

Nehemaia 9:20

Na nahip Ouɗi, Nug Ouɗi enaib, Nug ag ulum madakkunu ag mattame. Ag ee lakkulagnu amu, na maana mattana, ag le baalag diieye, na le ele mattame.

Sam 105:40

Ag teppunu oɗ meeg, Nug ai onig kwel kuɗumnab maatte uɗippig. Nug habnu maana habppanu me ne, ag laeg, oolag aɗom.

Sam 78:23

Nug ee habppanu, ahilagppa nekkununab aum. Ao, Nug he, ee habppanu neum.

Eksodas 15:25

Ag anam heeg, Moses nug Yawe ɠagattag unuqitte, amu Yawe ad laa ippunittom. Ippunitte, Moses nug ad amu awa, leppa mawe no, le amu aakku lanaknu baag elele ba, ena dayom. Amu aben amuppa Yawe Nug Israel aɗi ag ma anttak madatta, Nug ɗo laa ele ag mattom.

Eksodas 16:15

Haen Israel ag keeke amu anidna amu, ag amu ii dooppig amunu, ag akka akka inam nug oɗ medappig, “Keeke imuam aɗi keeke?” aon appig. Ag anam aegeg, Moses nug ag amelagppa aum. “Yawe Nug ag ee laa madakkunu aum amu; imuam ee amu, Yawe Nug ag lakkulagnu mattom,” awa aum.

Prowerb 30:8

Keeke aɗit amuam iikku. Na heppe da nai hambuppuak nakok laa aibnab aib mattimi; amu laa am, na heppe, da aib enub o daɗek danab daami. Da anam ii daakkulnu, da deɗ anen anen bau dayaknu keeke, amuam ee, le keeke, da anamib aokkulnu oɗ medattem.

Matyu 6:11

Ig ee megattem amu, na gemunu ele megakkutnu na oɗ medattem.

Luk 11:3

Ig ee megattem ele amu, gemunu ele megakkutnu na oɗ medattem.

1 Korint 10:3

Ag oh amu Kayak Nug ag bret matte lappig.

Duteronomi 8:16

Atu taɗak amuppa Nug ag maana lakkulagnu mattom. Ee amu, ag mamelkad aɗi ag ii lappig ele. Nug ag onilag qeeb nekkunu, Nug ag ma anttak madakkunu Nug anam heum. Nug anam heeb, ag ena bena daaglagnu heum.

Duteronomi 8:2

Yawe, ahilag Kayak, Nug maɗ 40 oh anuqa omalattette, atu taɗakppa oippig amu daulagppa dayaɗ! Nug ag onilag qeeb nekkunu, ag ma anttak mettak ele aoglagnu, Nug amu heum. Nug ma anttak mettak digdig ag diilag miag atikkunu matta, nug ag genabte haknunab anak nuhig am tutukku dim lamidkkulagtai, o iittatai amu anidkkunu heum.

Josua 24:15

Anam, amge ag Yawe waappa daan, Nug oɗe dim lamidkkulagnu oolag ii daatte dayeb, ag gemu aun dim lamidkkulagnu amu dabmak aweg! Ag mamelkad aɗi Mesopatemia daanna, kayak laala waalagpa daan, oɗe dim lamidppig, amute, o iitta, Amo danab, wan ag amuppa gemu daatteb ele, ahilag kayak waalagppa daan binalag mekkulagtai. Ag amu hekkulagtai, amge da, da baeladppa ele amu, ig Yawe waappa daatta, Nug oɗe dim lamidkkunig,” awa aum.