Eksodas 16:32 - Nobonob Baibel

³² Aria, Moses nug Israel amelagppa inam aum. “Yawe Nug haknunab inam aum. ‘Da Isipnu diiatten, omalatti uɗippig, haen amuppa da ag ee imu atu taɗak imuppa mattami amu, buɗub buɗub doobob, ag alalkad, buɗulkad aɗi ele amu, ag dabmattanna, ag buɗulkad aɗi ag amu anidkkulagnu, ag waa hanak nag laippu laa aon, ag maana kilogram aɗit, aguppa inan meppeg dayaɗ!’ awa aum.” Yawe Nug ɗo anam me, Moses nug Israel danab ah amelagppa anam aum.

Eksodas 16:32 ပူးပေါင်းရင်းမြစ်များ

Sam 105:5

O Abraham buɗub, ag Yawenu maɗi nid daatteb. Ao, O Jakop bekkod, Yawe ag nuhikkud daaglagnu tituanattom. Ag Israel aakku, ag Yawe Nug uɗat ɠagattag danab hekkun elele iitta digdig heum amu, ag amu dabmetteg! Ao, uɗat digdig danab hekkun elele iitta Nug heum; nai doya mala hettoɗia epeɗia elele mettak kobol Nug dim lamittom ele amu, ag dabmetteg!

Eksodas 16:16

Moses nug anam anana, nug nai tuɗitta aum. “Amu Yawe Nug ag inam hekkulagnunab aum. ‘Ag anen anen, ag, amu ag baelkadppa dilagnu ele ee, ahilag lanaknu elele, amuam danab, ah, nid naunau anen anennu lita aɗit, ag anen anennu ee amu aweg!’ Yawe Nug ɗo anam ma aum,” awa aum.

Eksodas 16:31

Am Israel danab ah ag ee amunu, “maana,” aon appig. Maana am keeke hakkab, ad laa onig koriander, nuhig meu bia. Am nug lanaknu ubuhi am bisket teppu iitta, uppuh leppu ele kabolin hetteb bia anam.

Eksodas 16:33

Moses nug anam Israel danab ah amelagppa awowa, nug Aron amegppa aum. “Na waa hanak laa aon, maana inam, kilogram aɗit waa amuppa inana, na Yawe noobppa meppe dayebeb, geha buɗub buɗub doobob, ag alalkad, buɗulkad aɗi amu dimppa bekkulag ag anidkkulag,” awa aum.

Jeremaia 7:23

Iitta. Da haknunab nai imu ele ag matten, ag amelagppa ami. ‘Ag dahil nai amu doon dim lamidppeg, da ahilag Kayak daappi, ag dahilad danab ah daaglag. Ag ena daaglagnu, ag dahil hak oh dim lamitteg!’

Hosea 11:4

Da ahilagnu oo bodoettak doyak kobolppa hein; da ahilagnu oo mauhak ele doomi. Da ag kobol nau waappa daamnanu diiatti, dahilppa uɗippig; danab nug nuhig nid bahi qette bia, da ag ena daaglagnu ehanadmi.

Luk 22:19

Nug anam awowa, Nug bret awa, Mameg amegppa, “Ena heme” awowa, pane ne, pania madatta Nug aum. “Imuam da beɗul, da amuppa ag ehanadkkulnu madattem. Ag dahilnu dabmekkulagnu lanaknu kobol imu heig!” awa aum.

Hibru 2:1

⌊Kristus Nug onig binag okkai ele amu awom daatte, Nug Kayak nai ippunikkom,⌋ diig amunu amu ig Nai Ena dim lamidkkunignu bodoettamtanu, ig nai doomut ele, nai amu ig aɗat dabmeta autanab aot dim lamidtu!

Hibru 9:4

Aben amuppa kalu danab ileb muttuɗig enanag baknu qaɗab golppa hak, amu nug tituana nai qakkak kunup, ag amu adppa hewona, ad amu qaɗeppa ooppa ele gol mewona, ag nug ameg am golppaib heppig amu, keeke aɗit amu aa aguppa daapiɗ. Amu kunup amu ooppa gol id laa, amuppa ag maana inappig, aria Aronnu bu ita beum ele, amu men otala aɗit, amuppa ɗo nai yaalattak ele, keeke amu oh kunup amu ooppa daappig.