Eksodas 16:31 - Nobonob Baibel

³¹ Am Israel danab ah ag ee amunu, “maana,” aon appig. Maana am keeke hakkab, ad laa onig koriander, nuhig meu bia. Am nug lanaknu ubuhi am bisket teppu iitta, uppuh leppu ele kabolin hetteb bia anam.

Eksodas 16:31 ပူးပေါင်းရင်းမြစ်များ

Eksodas 16:14

le baito amu qaɗaiette, Israel ag keeke naunau kuɗum, ais teppu iittanab bia, wanppa dayeye anidppig.

Eksodas 16:15

Haen Israel ag keeke amu anidna amu, ag amu ii dooppig amunu, ag akka akka inam nug oɗ medappig, “Keeke imuam aɗi keeke?” aon appig. Ag anam aegeg, Moses nug ag amelagppa aum. “Yawe Nug ag ee laa madakkunu aum amu; imuam ee amu, Yawe Nug ag lakkulagnu mattom,” awa aum.

Eksodas 16:30

Nug anam a amu, danab ah ag deɗ ebqak eblaih aɗitppa hik aoppig.

Eksodas 16:32

Aria, Moses nug Israel amelagppa inam aum. “Yawe Nug haknunab inam aum. ‘Da Isipnu diiatten, omalatti uɗippig, haen amuppa da ag ee imu atu taɗak imuppa mattami amu, buɗub buɗub doobob, ag alalkad, buɗulkad aɗi ele amu, ag dabmattanna, ag buɗulkad aɗi ag amu anidkkulagnu, ag waa hanak nag laippu laa aon, ag maana kilogram aɗit, aguppa inan meppeg dayaɗ!’ awa aum.” Yawe Nug ɗo anam me, Moses nug Israel danab ah amelagppa anam aum.

Solomonnu Ahi 2:3

Apel adnu dadppa, apel ad laa am apel ad laa oh eɗattak daatte; apel ad laa anam daatte bia amu, laa, nug dahilnu oo mauhtte, nug apel ad amubia nid bau laa oh oolagppa eɗattak daatte. Da apel ad amu waappa, logoppa daakkulnu enanagnab doottem; apel ad meu lakkulnu ele ena doottem. Anamib, da danab dahil ele daagnihnu enanagnab doyeye; keeke aɗi nug da meɗatte amu, da amunu ele da oolppa ena doottem.

Duteronomi 8:16

Atu taɗak amuppa Nug ag maana lakkulagnu mattom. Ee amu, ag mamelkad aɗi ag ii lappig ele. Nug ag onilag qeeb nekkunu, Nug ag ma anttak madakkunu Nug anam heum. Nug anam heeb, ag ena bena daaglagnu heum.

Duteronomi 8:3

Nug he, ag enug daaeg, amu Nug ag maana matte lappig. Ee maana amu, ag anukka amunu ii dooppig, mamelkad aɗi ele ag amunu ii dooppig. Nug ahilagnu anam ha, amuppa Nug ag onilag qe neum. Nug amu heumnu diig am, Nug anam heeb, danab ah eeppaib bau daanna ii oitteb. Iitta. Danab ah ag Yawenu nai ohppa bau daan oitteb ippunadkkunu heum.