Eksodas 16:23 - Nobonob Baibel

²³ Ag amunu aeg, Moses nug ag amelagppa aum. “Yawe Nug buttinu, am inam haknunab aum. Butti am Sabat laa, Sabat amuam Yawenu tituanak daatte; am Yawe binag awaknu. Aria, gemu ag ee otiak laa aabppa maiglagnu oolag dayeb, aria ag maneg! Am otiak laa ag waappa uhiglag dayeb, am waappa uhippeg ewaɗ! Aria, laih ag ii lappeg dayeb amu, ag buttinu meppeg dayaɗ!” awa aum.

Eksodas 16:23 ပူးပေါင်းရင်းမြစ်များ

Nehemaia 9:13

Qauko Sinai appa amu, na hab attannu neme; na hab attan daan, ag amelagppa nai mattime. Appa na ɗo tutukku, elele elele ele mattame. Ao, na ɗo ena, haknunab anak ena ele mattame.

Nehemaia 9:14

Na ig mamenkad aɗi ag nahip deɗ, nahipnu tituanak daatte, am Sabat, na ag nahip deɗ amu ippunatte doon, na nahip haknunab nai, ɗo iɗu iɗu ele, na nahip maɗi nid Moses amegppa ae, nug ag amelagppa a dooppig.

Eksodas 16:19

Aria, Moses nug ag amelagppa aum. “Ag ee imu butti buttuanu laa aib aon meppeg dayom,” awa aum.

Eksodas 23:12

Ahilkad donki, ahilkad makau okkai ebehi ele, ahilkad begbeg maɗi nid, amu wan laihnu danab ele amu, ag oh hik aon, ɠagattag bau aoglagnu, mettid ohppa amu, ag deɗ eblaih laippu ele uɗat hekkulag, amge deɗ eblaih aɗitppa amu, ag uɗat aib heppig!

Eksodas 31:15

Mettid oh ag deɗ eblaih laippu ele uɗat hekkulag, amge deɗ ebqak eblaih aɗit ele amu, amuam Sabat deɗ, am hik awaknu deɗ. Sabat deɗnu amu, da, Yawe da deɗ amunu, dahilnu tituanak daatte anidttem. Danab aun nug Sabat deɗppa uɗat hekku amu, ag nug qeppeg mauhaɗ!

Jeremaia 17:22

Amu ele, ag keeke maon, ag laulagppanu dimittim uɗiglagnu, o uɗat laa Sabat deɗppa hekkulagnu aib heppig. Da ag mamelkad aɗi haknunab nai mattami, ag nai amu atte, amubia heppeg, Sabat deɗnu am dahilnu tituanak dayaɗ!

Lewitikas 23:3

Deɗ eblaih laippu oh amu ag uɗat hekkulagnu daatte, amge deɗ eblaih aɗit ele amuam sabat deɗ, am hik awaknu deɗ. Deɗ amuppa ag Kayak noobppa qagmena dup nona Nug binag mekkulagnu deɗ. Deɗ amu, aben ag adeppa adeppa daatteb amu, deɗ amuam sabat; am Yawe binag awaknu deɗ.

Namba 11:7

Maana amu keh onig koriander, amunu aeg, hakkab, lanlan gamagppa ele bia dayom.

Namba 11:8

Danab ah ag gona, akkan qagmena, amu ganuɗaknu ag eppelagppa men laa, men layag attan daye, maana gamagppa meeg, men attan itoɗieg ganuɗttom, o iitta amu menppa tututtappig. Dimppa ag waappa keeke uhippig; o iitta bret batappatak manappig. Amu lanak baag nuhig am bret goɗenppa manak bia dayom.

Luk 23:56

Ag anttona amu, ag eɗun lakka gona, ag spais, leppu muttuɗig enanag ele Jesus beɗu laaittaknu amu babaittona, ag Sabat amu, ɗo atte bia, ag hik aoppig.

Duteronomi 5:12

Na Sabat deɗnu amu, na deɗ hamu iitta, am deɗ da, Yawe, dahilnu tituanak daatte dabmettanna, da Yawe, ahilag Kayak, da ag hekkulagnunab ami amu, na amubia oiye!

Revelesen 1:10

Mettidppa amu Kayak Ouɗinu ɠagattag dahilppa ambe, da baag okkai laa trampet oqotti bia da dimulppa mattieye doomi.