Eksodas 16:22 - Nobonob Baibel

²² Amu Israel danab ah ag deɗ eblaih laippuppa, deɗ aɗitnu ee elele aonna, ag danab anen anennu kilogram waɗele aoppig. Israel ag anam heeg, ahilkad ikki danab ag uɗin, danab ah ag ee anam, Yawe hekkulagnu aumbia aoppig, ag Moses amegppa amunu appig.

Eksodas 16:22 ပူးပေါင်းရင်းမြစ်များ

Eksodas 16:16

Moses nug anam anana, nug nai tuɗitta aum. “Amu Yawe Nug ag inam hekkulagnunab aum. ‘Ag anen anen, ag, amu ag baelkadppa dilagnu ele ee, ahilag lanaknu elele, amuam danab, ah, nid naunau anen anennu lita aɗit, ag anen anennu ee amu aweg!’ Yawe Nug ɗo anam ma aum,” awa aum.

Eksodas 16:21

Anam beum amunu, deɗ oh buttua Israel ag ee aoppig amu, ag lakkulagnu elele aakkuib aoppig. Aria, ag deɗ oh anam heegeg ukke, aam naɗi me amu, ee amu ag ii aoppig, wanppa anam dayeye, aam qe, ee amu eɗua le ma, iitta mettom.

Eksodas 16:5

Ag deɗ oh anam hekkulag, amge deɗ ebqak eblaih laippuppa amu, ag inam hekkulag. Ag ee deɗ aɗitnu aon bappaidna, meppeg dayebeb, deɗ laippunu ee deɗ ebqak eblaih laippuppa lawona, laih deɗ laanu, am deɗ eblaih aɗitppa laig!” awa aum.

Eksodas 34:31

Ag anam heppig, amge Moses nug ag onilagppa e, Aron nug Israel dilag ikki danab ele ag nug gumidna waeg, Moses nug ag amelagppa nai mattiom.

Lewitikas 25:12

Aɗinu? Maɗ amuam ahilag maɗoɗnu gamag ahak dayaknu maɗ tituanak daatte, am Kayaknu tituanak daatte ag dooglagoitte. Ag dad ooppan ee meu akka otteb ele amu, maɗ amuppa am lakkulag, amge ag aib laih am bakkalenu meppig.

Lewitikas 25:22

Am ag maɗ eblaih ewam ele, ag maɗ amuppa ee tumu eppanna, ag ee alag amu lakkulagib. Am tutukkunab, ag geha, ee alag amu labeppeg ukkeb, ee meu bau maɗ eblaih waɗele amuppa awaknu daakku,’ awa aum.