Eksodas 16:20 - Nobonob Baibel

²⁰ Amge danab ah laala ag Mosesnu nai doon ii dim lamidna, ag ee big buttinu aon, meeg dayom. Ag anam heppig, amge wagɗe buttua amu, ee amu gawat qa, uɗig nau oum. Anam heeg amu, Moses nug ahilagnu oo nauhom.

Eksodas 16:20 ပူးပေါင်းရင်းမြစ်များ

Eksodas 16:19

Aria, Moses nug ag amelagppa aum. “Ag ee imu butti buttuanu laa aib aon meppeg dayom,” awa aum.

Eksodas 16:21

Anam beum amunu, deɗ oh buttua Israel ag ee aoppig amu, ag lakkulagnu elele aakkuib aoppig. Aria, ag deɗ oh anam heegeg ukke, aam naɗi me amu, ee amu ag ii aoppig, wanppa anam dayeye, aam qe, ee amu eɗua le ma, iitta mettom.

Eksodas 16:24

Moses nug anam mattiom amu, nug haknunab aumbia Israel danab ah ag nug oɗe dim lamidna, ag ee laala heppig amu, ag ee hena, biig uueg dayom amu, ag ee amu deɗ laanu meeg dayom. Aria, deɗ amu uue, deɗ laa uɗie, ee big daye, deɗ laanu meeg dayom amu, ee amu ii nauhom; gawat ele ii qeum.

Namba 12:3

Aa anam apiɗ, amge Moses nug nukka nug onig qe nettom. Nug, nukka onig nakok laa ii humattom. Danab ah laala ag onilag qeeg neum, amge Moses nug onig qe na auta autanab awom.

Namba 16:15

Aa nai anam aeh, Moses nug oo huana nauhe, nug Yawe amegppa aum. “Ag nahipnu mana mettak heppeg amu, na aib aome. Da eheɗ ahilagnu laa iinab hemi, ahilagppanu doɗ donki keeke, da amu laa ahilag iinab aomi,” awa aum.

Matyu 6:19

Wan imuppa amu, keeke laala tiig qe, iitta mette, keeke laala dittuɗ laeg, iitta mette, amu yabhoi danab ele ag lag keeke loppaɗna, keeke yab aotteb amunu, ag wan imuppa en okkai ahilagnu aib qagmeppig.

Mak 10:14

Ag nakok alatteg, Jesus Nug anatta, kobol heppig ele amunu nug oo nauhe, amelagppa aum. “Danab ag nid naunau bia daatteb, ag am Kayaknu ɗo maɗoɗ ooppa daatteb amunu, ag nid uuadppeg, dahilppa doig! Ag ib ahilag aib oo neppig.

Mak 3:5

Ag toettan daaegeg, Jesus Nug neekka anatta, Nug oo nauhak doya, ag ahilag dabmak ɠagattag eppom ele antta, Nug amunu oo uugnab doya, Nug danab eppeg mauhak ele amegppa aum. “Na eppen taiette!” awa aum. Jesus Nug anam a amu, danab amu nug eppeg taiette, eɗua laih bia, ena dayom.

Luk 12:15

Anam awona, Nug danab ah oh amelagppa aum. “Ag dabmena, tutukku doyeg! Ag baubau awaknu hik qak kobol oh aib heppig. Aɗinu? Danab nug keeke ohnu elelenab eɗittak daatte amu, nug nuhig keeke amuppa bau dayak ii aotte,” awa aum.

Luk 12:33

Ag ahilag keeke oh maadppeg, danab daden meppeg, men doɗo aona, daɗek danab ehanadna matteg! Ag anam hekkulag amu ag men doɗo inaknu hogot, alag ma nauhkkunu elele iitta ahilkadnu diiglag. Ag aakku ahilag en ii iitta memanu hab aabppa qagmekkulag. Appa amu yab danab laa nug ii daama, dittuɗ ele ag keeke laa ii heppeg nauhma.

Epesus 4:26

Ag oolag nauhkku dayeb amu, ag hipunin hemananu dabmeig! Ag oolag nauhkku dayeb, oo nauhak amu nug dayebeb ukkeb, aam aib noum. Aam ii noak haenppa ag oolag laippu meig!

Hibru 13:5

Ag oolag men doɗonu aib mauhom. Keeke ag aɗatteb ele, ag amunu elele doyeg! Aɗinu? Kayak Nug aum aakku daatte. Amuam, “Da na ii uuidpa, da na ii paɗaidpa,” awa aum.