Eksodas 16:12 - Nobonob Baibel

¹² “Da Israel dilag naittuɗ mak doyen malami amunu, na ag amelagppa inam a! ‘Tuebnab ag geha teppu lakkulag; aria, buttua amu, geha ag bret lappeg, ag oolag didikku. Ag ee amu lanana, geha ag da am Yawe, ahilag Kayak, ag amu dooglag,’ ” awa aum.

Eksodas 16:12 ပူးပေါင်းရင်းမြစ်များ

1 King 20:28

Amu Kayaknu propet laa nug nai awa ukka, King Ahap toppa ukka, nug Ahap amegppa aum. “Yawe Nug inam atte. ‘Aram danab ag da Yawe, dahilnu, “Nug am atu qaukonu Kayak, Nug am atu uɗemnu Kayak iitta,” aon atteb amunu, da geha heppi, ag Israel ag ahan, Aram ban danab ameg naɗi amu eɗattona, geha ag Israel ag dooglag, da am Yawe,’ awa atte,” awa aum.

Sam 105:40

Ag teppunu oɗ meeg, Nug ai onig kwel kuɗumnab maatte uɗippig. Nug habnu maana habppanu me ne, ag laeg, oolag aɗom.

Eksodas 12:6

Ag doɗ amu deɗ 10ppa tituanadna, ag ena atognoadppeppeg, kalam amunu deɗ 14ppa tuebnab amu, ag Israel oh baelkadppa anen anen, ag doɗ ahilkad baalag otaɗkkulag.

Eksodas 16:11

Am Yawe Nug Moses amegppa aum.

Eksodas 4:5

Yawe Nug anam a, Moses nug anam he, Yawe Nug aum. “Na Israel gumadna gona, na heme imu bia ele hekkut. Amu na anam hekkutnu diig am, Israel danab ah ag anidna, ag da Yawe, da genab na gumitte nemi oolagppa genab dooglagnu hekkut. Da am Yawe, da ag mamelkad aɗi dilag Kayak, amuam da am Abrahamnu Kayak, am Aisaknu Kayak, amu Jakopnu Kayak ele,” awa aum.

Eksodas 6:7

Da geha heppi, ag am dahilad danab ah daappeg, da ahilag Kayak daakkul. Haen amuppa amu, ag da am Yawe, da ag Isip appa maɗi nid maɗi ah ele daappig, da amuppanu uhuqatti, ag hamu, ena daatteb dooglag.

Eksodas 7:17

amunu, gemu Yawe Nug atte. “Kobol laa bekku amu, kobol amuppa na, da genab Yawe daattem, na amu dookkut,” ’ ” awa atte. Amu kobol amuam, geha da dudqak hokkat imuppa Nil le oppi, le eɗua tiig daakku.

Jeremaia 31:24

Amu haen amuppa danab ah ag Juda wanppa, wan amunu aab laalappa ele laippu daanna oiglag. Dad gumak danab, sipsip gumak danab ele ag anam daan oiglag.

Esekiel 34:30

Da amu oh heppi, ag dooglag, da Yawe, ahilag Kayak, da ag ele daattem, amu ag, ag Israel danab ah, ag dahilad danab ah daatteb.” Naɗi Yawe Nug anam akku atte.

Esekiel 35:13

Ag dada danab daan, dada danab nug layagnu nai nau maditte, amubia ag wan da Israel, Juda ele mattami aoglagnu mattinna, dahilnu nai nau huanak appig, amge da nai amu oh ele doomi,” awa atte.

Esekiel 39:22

Da anam heppi, Israel danab ah ag dooglag, da am Yawe, ahilag Kayak. Haen amuppa ag amu doon, haen amu dimppa ele amuib hanhan dooglag.

Joel 3:17

Yawe Nug atte. “Da anam heppi, ag Israel, ag da am Yawe, ahilag Kayak, da Sion appa daattem dooglag. Sion am qauko dahilnu tituanak daatte. Da appa daappi, Jerusalem am ele dahilnu tituanak daakku. Wan laihnu danab ag baula banelag iinab uɗimna. Iitta.

Lewitikas 11:44

Aɗinu? ⌊Yawe Nug inam aum daatte.⌋ ‘Da am Yawe, ahilag Kayak. Da oppiaawak daattem amunu, ag dahilnu tituana meɗak daaglagnu hena, ag dahilnu, ag oppiaawak ele dayeg! Ag doɗ laa ag oolag wan qeeqe oitteb ele, ag amu aɗualadkkulag dayeb, ag da ele ouqa dayaknu elele iitta amunu, ag aib aɗualadppig.

Sekaraia 13:9

Am Yawe Nug imu ele atte. “Danab nug silwa o gol babaitta epeɗia awak daakkunu uɗat hette, amubia laa bau daaglag amu, da heppi, ag oolag dubuttid iitta daaglag. Ag da onilppa eppeg, da ahilag unuqittak dookkul. Da ahilagnu, imuam dahilad danab ah, appi, ag, Yawe, Nug am ihinig Kayak, akkulag.” Yawe Nug anam awa atte.

Namba 11:4

Hib guitta danab laala Israel danab ah oolagppa daappig, ag ee laa, Yawe hanhan mattom amu iitta, ee laanu oolag huanaknab dayom amunu, ag mattina, Israel danab ah ag oh naittuɗ mena appig. “Amu doɗ teppu lakkunignu daalo, ig elele doolom.

Namba 14:27

“Danab ah nau imu ag da hettemnu haen kuɗum naittuɗ meegeg uɗie, gemu ele hetteb; amu haen gane laa ele ukkeb, ag amu hak uuglag. Israel danab ah imu, ag am naittuɗ mak danab ah, da ahilag naittuɗ mak amu doomi.