Eksodas 15:20 - Nobonob Baibel

²⁰ amu dimppa, propet ah Miriam, Aron appinag, nug ahi ettaknu keeke onig tambarin, nug amu awa uɗalele, ah laala oh ahan, Miriam dim lamidna ukkaeg, Miriam ag ele oh tambarin uɗalnan, ahi ettanna goɗappig.

Eksodas 15:20 ပူးပေါင်းရင်းမြစ်များ

Genesis 31:27

Aɗinu na hambuppuak kobol hena, da amel qakkana, lokkumna da amelppa ii anana uɗime? Na da amelppa alom amu, da tambarin, harp ele dilah musik hakppa, ahiettakppa ele oo gamag ahak ele uuidppi uɗilom.

2 Samuel 1:20

Pilistia aɗelkad oolag gamag ahamanu amu, laa nug nai amu Gat appa aib mattieb dooppig. Ao, Pilistia danab, ag iitta aɗi amu, ag aɗelkad oolag gamag ahamanu amu, laa nug nai amu Askelon appa aib mattieb dooppig.

2 Samuel 6:14

Amu Dawit nug lamen enanag-epod linenppa hak takka, nug anam dayaya, nug Yawe noobppa nuhig ɠagattag ohppa ahi goɗom.

2 Samuel 6:16

Ag Yawenu Tituanak Nainu Kunup anam aon uɗinna, ag Dawitnu Aab, ag appa bena, aab ooppa nonana, Dawit nug gamag ahak okkai ele doyaya, nug oola taata, oola naana, ahi huana goɗeɗe, nug wau, Saul aɗeg Mikal, nug lag ooppa dayaya, gililppa ulah ibuppa daya, haen nug neekke ukke, King Dawit anam he antta amu, nuhignu nug ooppa ena iinab doyom.

2 Samuel 6:5

Ag anam nonana, Dawit, Israel laa oh ele daappig amu, ag oolag gamag huana ahehe, ag Yawe noobppa ahi huana ettanna, ag harp, laia, tambarin, sistrum amu simbal ele aɗan, musik ele huana heppig.

2 King 22:14

King Josaia nug amelagppa haknunab nai amu mattie, mana mettak danab Hilkaia, Ahikam, Akbor, Sapan, Asaia ele oh gokkulagnu aum ele ag oh ahan, propet ah Hulda oɗ mettaglagnu goppig. Hulda nug Tikwa bekka Salum wau. Tikwa mameg am Harhas. Hulda gamu Salum nug kingnu lamen gumak danab dayom. Hulda nug Jerusalem appa, obatak ebqak aɗitppa dayom.

1 Stori 15:16

Amu Dawit nug Lewi buɗub dilag okkai ag lailkad Lewi buɗub laa, ag oolagppan laa ag musik haknu danab, am laa ag ahiettak danab, nug ag ag tituanadppeg, musik hak danab ag laia, harp, amu simbal ele hebeppeg, laa ag ahi gamag ahak ele ettaglagnu aum.

1 Stori 6:3

Amram bekoɗ am Aron, Moses ele. Nug aɗeg am Miriam. Aron bekkod am Nadap, Abihu, Eleasar, Itamar ele.

Nehemaia 6:14

Da anam doomi amunu, da Kayak inam unuqidmi. “O Kayak dahil, Tobia, Sanbalat ele dilah eheɗ hak, amu propet ah Noadiah, propet laala ele ag heppeg, da baɗak dookkulnu henan daappig amu, da na ahilag hak nau amu ele dabmenana, nob madakkutnu unuqidttem,” unuqidmi.

Sam 149:3

Ag ahi goɗanna, Nug binag meig! Ao, ag tambarin, harp ele henana, binag meig!

Sam 150:4

Ag tambarin qenana, ahi ele goɗanna, amuppa Nug binag meig! Ao, ag gita qenana, dumuttum iwalnana, amuppa Nug binag meig!

Sam 30:11

O Yawe, na hee, da mahiak okkai hein daami amu, da mahiak amu uuen, da gamag ahak naɗi doyeye, ahi goɗattem. Na lamen heɗiag ele dahil uɗilon, lamen gamag ahaknu ippunigtte ele meɗame.

Sam 68:11

Naɗi Nug keeke bekkunu aum, am danab ah kuɗumnab ag nai Kayak Nug heeb bekku, ag nai aumnu oo gamag ahak eleppa eppig.

Sam 68:25

Danab ah ag ahi edatteb ele, ag anuqakppa daatteb. Laa ag musik haknu keeke aɗan, keeke amu iwaltteb, o qetteb ele, ag laa oh dimulagppa daatteb. Aria, ah makkun ag tambarin qetteb ele, ag amu gamagppa daatteb.

Sam 68:26

Israel danab ah, ag oh Kayak humitteg! Yo, ag Israel buɗuppud, ag Yawe binag meig!

Sam 81:2

Ahi etteg! Tambarin hetteg! Ao, ag laia qenana, harp, baag enanag ele amu, ag amu ele qeig!

Eksodas 2:4

Nug mewowa ⌊he⌋, nid amu apag, nug piɗe hibaitta dayaya, keeke laa attem beeb anidkkunu dabmetta dayom.

Eklisiastis 3:4

Danab ag gaanna daaglagnu haen daatte; danab ag imanna daaglagnu haen ele daatte. Danab ag mahiglagnu haen daatte; danab ag ahi goɗaglagnu haen ele daatte.

Jeremaia 31:4

Da ag Israel danab ah ehanadppi, ag eɗun, ɠagattag daaglag. Ag am ah makkun laa padal mekkunu haaha, eɗua ena daya aha, tambarin eppegppa aɗa, musik haaha, oo gamag ahak okkai ele ahi goɗatte, ag amubia hekkulag.

Maika 6:4

Aɗinu? Da Isipnu omalatti uɗippig. Ao, da Isip wanppanu, ag appa begbeg maɗi nid daappig amu, da appanu begbeg maɗi nid dayaknu qagaiettakppanu eɗua uhuqak hemi. Da amu heinne, da Moses ag noolag awa gokkunu mattami; Aron, Miriam ele.

Namba 12:1

Miriam, Aron ele aa digmeya Mosesnu nai nau madipiɗ. Aɗinu? Moses nug ah laa Kus buɗubppanu, nug wau daakkunu awom.

Namba 12:2

Miriam, Aron ele aa ⌊anen anen aa laanu, dahilppa anam daalo dooya, aa oo aeg bak dooya,⌋ aa nai inam iikku apiɗ. “Moses nug aakkuibte, Yawe Nug, nug amegppa nai mattieye, nug nai amu danab ah amelagppa maditte? Nug i amenihppa ele iite nai mattieye, i danab ah amelagppa attep?” aoya apiɗ. Aa anam apiɗ amu, Yawe Nug doyom.

Namba 20:1

Amu kalam digmakppa Israel oh ag atu taɗak onig Sin, ag appa wana, ag aab onig Kades guguittak daappig. Ag appa daaegeg, Miriam mauhe, appa amu ag nug boumppig.

Namba 26:59

Amram wau am Jokebet, Lewi buɗubppan ah, Lewi danab laa Isip appa nug menuom. Amram am nug gamu, amu nug Aron, Moses am aa apalah Miriam ele menuattom.

Luk 2:36

Aria, propet ah laa ele dayom am onig Ana. Nug kaino ma malom. Nug Aser buɗub, Panuel aɗeg. Anukka nug danab awe, gamu ele maɗ eblaih aɗitib daapiɗ.

Aposel 21:9

Nug am aɗekkud waɗele, ag danab ii diippig. Aɗekkud ag propet nai mehuqttappig.

1 Korint 11:5

Am ah laa nug unuqidkkunu, o propet nai mehuqkkunu haaha, ikki ii haut-tte amu, nug ele aakku laa nug ikki daatte, nug nuhigppa elele ii hette. Nug ikki ii haut-tte dayeb, ah nug ikki uɗug oh hoitte bia hette. Am uɗa nak ele.

1 Korint 14:34

ah ag oɗelag qamutna daaglagoitte. Ag nai mattiglagnu ii daatte. Iitta. Ag ɗo atte bia ag ⌊gamulkad⌋ waappa daaglag.

Ikki Danab 11:34

Jepta aɗi ag Amon anam eɗadna, Jepta nug appag diig Mispa eɗua ukke amu, antte! Nug aɗeg nug anidkkunu, tambarin qaaqa, gamag ahakppa goɗaɗa anuqa, nug uɗa teum. Nug aakkuib am nuhig nid. Nug nid danab, o nid ah laa iitta.

Ikki Danab 21:21

haen Silo nid ahin bau ag goɗaglagnu dobeppeg amu, ag grep dad ooppan tulan wana, anen anen aɗualadna, waalkad daaglagnu laulkadppa diin ukkeg!

Ikki Danab 4:4

Aria, Deborah, Lapidot wau, nug propet ah laa daya, amu nug haen amuppa Israel dilagppa epeɗiak uɗat haaha dayom.

1 Samuel 10:5

Keeke amu beeb, dimppa amu na gona, Kayaknu aab Gibea, Pilistia danab ag appa daup dayaknu aben bappaidppig daatteb amu, na gona, aab amu gukkuidppeppe, propet danab laala ag aabnu mettid lag nakokppanu nebeppeg, huu laa ag propet noolag aon, musik haknu keeke digdig onig laia, tambarin, dumuttum, harp ele hebeppeg amu, propet ag propet nai mattiglag.

1 Samuel 18:6

Dawit nug Pilistia danab qe mauhe, dimppa Saul nug nuhikkud ban danab ele ag Pilistia danab lamadna malona, ag bannu keeke oh hena malona, aria gemu ag eɗun appalkad anen anen ukkaegeg amu, Israel aab ohppanu ah ag ahan, aab uun gona, ibppa King Saul aɗi uɗalag tena, ag gamag ahak ahi ettanna, ag tambarin henana, musik haknu keeke laappa ele henana, ahi goɗappig.