Eksodas 15:2 - Nobonob Baibel

² Yawe Nug nukka da ɠagattag iukkunu dootte; Nugib da ehaniɗtte amunu, da gamag ahak doye, ahi edattem. Nugib da ehaniɗe, da padal ii mettem. Nug am dahil Kayak, da Nug onig humakkul. Nug am da mamelnu Kayak, da Nug binag okkai humakkul.

Eksodas 15:2 ပူးပေါင်းရင်းမြစ်များ

Genesis 17:7

Da na, na buɗunad ele dilag Kayak daakkulnu, da heppi, nug tituana nai qakkak nai dahil, nai amu nahip-ppa, na buɗunad gemunu, dimppanu ele dilag haen oh daakku.

Genesis 49:18

O Yawe, na da ehaniɗkkutnu, da na amen mettem.

2 Samuel 22:3

Kayak dahil Nug kekeɗ niɗamanu ehanittak dahil dayeye, da nuhigppa ukken, padal mak eɗitten, ena daattem. Kayak Nug am dahil guppiɗ, da nuhig ɠagattagppa da kekeɗ eppelagppa ii daattem; Nug am ban haknu aben ɠagattag dahil bia daya, Nug dahil padal mak eɗitteb ena dayaknu ehanittak daatte. Nug Padal ii maknu ehanittak dahil daatte; Nug danab laa ag laa guittak nau mauhnoak mettaknu tiigppa daatte amu, nug danab amu eppelagppanu awiɗtte.

2 Samuel 22:47

Yawe Nug bau daatte! Nug am kekeɗ niɗamnanu ehanittak dahil daatte! Heppeg, danab ah ag Nug binag meig! Ao, Kayak, kekeɗ nikkamanu ehanittak ihinig daatte, Nug da padal ii mepanu ehanittak dahil daatte. Heppeg danab ah ag Nug binag meig!

2 Samuel 22:51

Yawe Nug nuhig king ehanitte, nug nuhikkud kekeɗ eɗadtte. Ao, Nug laa nug king daakkunu goɗen gokkaɗakppa tituanom ele, Nug nuhignu oo mauhaknab dootte. Ge, Nug da, Dawit, amu da buɗulad dilagppa hanhanib anam hekku.” Dawit nug anam aum.

2 Samuel 7:24

Na Israel danab ah tituanatte, ag nahipadnab danab ah aakku daatteb; hanhan anam daaglag. Na, O Yawe, na ahilag Kayak bena daattem.

2 Samuel 7:5

“Na gona, dahil maɗi nid Dawit amegppa dahil nai imu appe doyaɗ! ‘Yawe Nug inam atte. Laa nug lag dahil, da lag amuppa daakkul amu, laa nug lag amu hekku. Na iitta.

1 King 8:13

Solomon nug danab ah amelagppa anam awowa amu, nug nai tuɗitta, Yawe amegppa inam unuqittom. “O Yawe, gemu amu, da genab mettid lag enanag nahip, na haen oh imuppa daakkutnu iikku hemi,” awa unuqittom.

1 King 8:27

Solomon nug anam unuqitta mala, nug tuɗitta inam ele unuqittom. “Amge, O Kayak, na am genab nena, wan imuppa daakkut-te? Hab, hab waappa, hab attan ukke ukke, adekku batatte, aben amu ohppa aben laa, na amuppaib daakkutnu elele laa iinab daatte amunu, nahip mettid lag da hemi imu am, nahipnu elelete? Am iittanab iitta.

1 Stori 16:14

Nug am Yawe, ihinig Kayak; nuhig nai doya mala hettoɗia epeɗia elele mettak kobol am wan oh tualom daatte.

Sam 109:1

O Kayak, nau hak danab, danab ag hambuppuak henan daatteb ele, ag dahilnu nai nau atteb. Ao, ag dahilnu hambuppuak nai maditteb Am anam amunu, na oɗen qamutna daamnanu oɗ medattem. ⌊Na heppe, hambuppuak nai ahilag miag atiak daakkunu na oɗ medattem.⌋ O Kayak naib da na binan mettem.

Sam 118:14

Yawe Nug dahil ɠagattag dayaya, oo gamag ahak dahil diig ele daatte. Nug am dahil Padal ii maknu ehanittak daatte.

Sam 118:21

O Yawe, na dahil unuqittak doon, kobol ena dahilnu hena meɗame amunu, da na amenppa, “Ena hen meɗame,” awe attem. Yo, na am dahil Padal ii maknu ehanittak daattem.

Sam 118:28

O Kayak, na dahil Kayak, da na amenppa, “Ena hen mekkame,” akkul! Yo, na am dahil Kayak, da na binan mekkul.

Sam 132:5

Da anam ii heppi ukkeb ukkeb, da aben laa, da appa Yawenu mettid lag hekkulnu anttoya, da eɗuen lakka ukken niikkul. Ao, da Laa Ɠagattag Okkai Ele, Jakop Nug binag meum ele amu, da nuhig lag daakkunu aben anttoya, da eɗuen lakka ukken niikkul.” Dawit nug anam aum.

Sam 140:7

O Naɗi Yawe, na qagaiettakppa daapanu ehanittak ɠagattag dahil daattem. Banppa amu, na dahil guppiɗ daye, da ii mauhmi.

Sam 145:1

O Yawe, na am dahil Kayak, na king. Da geha na binan okkai, attannab humakkul. Yo, da geha hanhan na onin attan humakkul.

Sam 18:46

Yawe Nug bau daatte! Nug am kekeɗ niɗamnanu ehanittak dahil daatte! Heppeg, danab ah ag Nug binag meig! Ge, Kayak Nug da padal ii mepanu ehanittak dahil daatte. Heppeg danab ah ag Nug binag meig!

Sam 22:10

Da domi haenppanu uɗie, gemu ele na da atognoiɗkkutnu aakku daame. Laa amu hekkunu elele iitta. Yo, anai da menuiɗom, haen amu digma uɗiak, na dahil Kayak daattem.

Sam 22:3

O Kayak, na sia king nahip-ppa oppiaawak daattem. Na king dayeye, Israel danab ah ag na tuɗid ele binan metteb.

Sam 27:1

Yawe Nug dahil amahlak, dahil Padal ii maknu ehanittak ele daatte amunu, da aun laa baɗidkkul? Ao, Yawe Nug ban haknu aben ɠagattag dahil bia daatte, da amuppa ukken daakkul amunu, da auntai laanu ii baɗapa.

Sam 28:8

Yawe Nug danab ah nuhikkud ɠagattag madatte. Yo, Yawe danab king daakkunu goɗen gokkaɗakppa tituanom daatte amu, Nug nug ehanitteb padal ii memanu, Nug nuhig aab aɗ ɠagattagnab elenu ehanittak daatte.

Sam 30:1

O Yawe, na da ehaniɗe, da qagaiettakppa ii daattem amunu, da na humidkkul. Ao, na dahil kekeɗ uuatte da ii eɗilppig.

Sam 34:3

Ahappeg, ig Yawe, nuhig ɠagattagnu maditu! Ao, ig oh Nug onig okkai medatu!

Sam 48:14

Aɗinu? Kayak Nug ⌊he, keeke amu anam⌋ aakku daatte amunu, ag buɗulkad amelagppa appeg dooglagnu, ag anam antteg! Kayak, Nug am ihinig Kayak hanhannu daatte. Nug omaikkebeb ukkeb, ihinig mauhak batakku.

Sam 59:17

O Kayak, na amu aab aɗ ɠagattagnab dahil bia daattem. Na dahilnu oo mauhaknab doottem amunu, da na, na am dahil ɠagattag amu, da nahipnu humittak ahi edakkul.

Sam 68:20

Kayak ihinig, Nug am Kayak, ig padal makppanu eɗua awigtte ele! Ao, Naɗi Yawe Nug ig ehanikke, ig ii mauhttem.

Sam 99:5

Yawe Nug oppiaawak daatte ⌊amunu,⌋ ag Yawe, ihinig Kayak, ag Nug humitteg! Ag Nug baeg gukkuidna gona, ag Nug noobppa dup nona Nug binag meig!

Sam 99:9

Ag Yawe, ihinig Kayak, ag Nug humidna, nuhig qauko, qauko amuam nuhignu tituanak daatte amu, ag amuppa Nug noobppa dup nona binag meig! Aɗinu? Yawe, ihinig Kayak, Nug am oppiaawak!

Eksodas 14:13

Aria, Moses nug danab ah ag anam aeg doya, nug inam ag amelagppa aum. “Ag aib baɗappig. Ag ɠagattag daanna, gemu ag geha Yawe Nug ag ehanadkkunu ɠagattag heeb anidkkulag. Aɗinu? Ag gemu Isip anadtteb umu, ag geha dimppa baula ii anadmana.

Eksodas 3:6

Kayak Nug anam anana, Nug nai tuɗitta aum. “Da am na mamenad aɗi anukkanu dilag Kayak. Da Abrahamnu Kayak, da Aisaknu Kayak, amu da Jakopnu Kayak ele,” awa aum. Moses nug amu doya, nug iɗu happutom. Aɗinu? Nug Kayak iɗuppa neekka, mauhmanu baɗom.

Eksodas 4:22

⌊Na uɗat danab haknu elele iitta amu oh hena malappe, Paro nug danab ah ii uuatteb, amu dimppa na Paro amegppa inam appe doyaɗ!⌋ ‘Yawe Nug inam atte. “Israel ag am dahil nid danab tatamnu,

Eksodas 40:34

Moses nug mettid haknu peh lag amu anam ha male amu, lombig na, mettid haknu peh lag tone, Yawenu binag amahlak oppiaawak ele mettid haknu peh lag amu ohppa amba dayom.

Eksodas 6:7

Da geha heppi, ag am dahilad danab ah daappeg, da ahilag Kayak daakkul. Haen amuppa amu, ag da am Yawe, da ag Isip appa maɗi nid maɗi ah ele daappig, da amuppanu uhuqatti, ag hamu, ena daatteb dooglag.

Aisaia 12:2

Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.

Aisaia 25:1

O Yawe, na dahil Kayak! Da na binan mein, na onin attan humakkul. Aɗinu? Na keeke oh hekkutnu anukka maittak aome amu, na maittak amunu oo metta ii uuak kobol dim lamidnana, aakku heme. Amu, na keeke heme amu, keeke amuam keeke okkainab, danab andatta ottaitte.

Aisaia 45:17

Amge Yawe Nug Israel ehanatteb, ag padal iinab memana. Ehanitteb, padal ii mak amuam hanhannu; iitta ii mema. Ao, ag Israel, ag uɗa nak ii aomna; laa noolagppa uɗa nak nau guittak ele ii daamna. Ag hanhan anamib daaglag.

Aisaia 49:6

Amu gemu Yawe Nug inam atte. “Na dahil maɗi nid daanna, na Israel diippe, ag eɗun, dahilppa uɗiglag, amuam uɗat nakokib. Ao, na huu imu da gumatte, ehanatti ii padal meppig ele diippe, ag eɗun, dahilppa uɗiglag, amuam uɗat nakokib. Anam amu, da na uɗat okkai laa ele hekkutnu, da uɗat amu nahipnu uumi daatte. ‘Da na iitta aɗi, ag gatatuppa daatteb, na ag ele ehanadppe, ag ib anidkkulagnu amahlak madakkutnu otidmi. Ao, na iitta aɗi ehanadppe, ag oolag eɗueb Kayak danab ah wan atu ohppanu amu eɗua diiadkku,’ ” awa atte.

Aisaia 66:1

Yawe Nug atte. “Hab aab am sia king dahil, wan am da bael maknu balal nakok daatte. Anam daatte amunu, ag lag laa, da aguppa daakkulnu hekkulagnu elelete? Ag aben laa da aguppa hik awe daakkulnu hekkulagnu elelete? Iitta.

Jeremaia 3:23

Anukka ig qauko nakok igippa kayak hambuppuak noolagppa dup nota binalag metata, muttub ele qemut, amge amu oh am ii ehanikkom. Yawe, Nug ig Israel, ihinig Kayak, Nugib ehanikkeb, ig padal ii memata.

Jeremaia 31:33

Amu Yawe Nug imu ele atte. “Anam amunu, nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Da ahilag Kayak daakkul, ag am dahilad danab ah daaglag.

Jeremaia 32:38

Ag dahilad danab ah daaglag, da ahilag Kayak daakkul.

Habakuk 3:13

Na amu hemenu diig am, na nahipad danab ah ehanadppe, qagaiettak ii daamnanu heme. Ao, na laa na nug okkai daakkunu goɗen gokkaɗakppa tituanme amu, na nug padal memanu ehanidme. Na danab ag wan laa, appan danab ah ag nau hak danab ah ele amu, na amu dilag okkai maduduɗme. Ao, na nuhig lamen ikki ukka baegppa batak amu, na amu oh uɗadme. Sila.

Sekaraia 13:9

Am Yawe Nug imu ele atte. “Danab nug silwa o gol babaitta epeɗia awak daakkunu uɗat hette, amubia laa bau daaglag amu, da heppi, ag oolag dubuttid iitta daaglag. Ag da onilppa eppeg, da ahilag unuqittak dookkul. Da ahilagnu, imuam dahilad danab ah, appi, ag, Yawe, Nug am ihinig Kayak, akkulag.” Yawe Nug anam awa atte.

Jon 4:22

Ag Samaria, ag Kayak noobppa dup nona binag metteb, amge ag nuhig diig pehettak ii dootteb. Amge Kayak Nug he, eɗua diiaknu uɗat amu ig Juda ihinigppa bette amunu, Nug nuhig diig ig ippunikke, ig nuhig diig tutukku dootta, ig Nug noobppa dup nota binag mettem.

Aposel 4:12

Wan imuppan danab aun nug ig eɗua awikkeb, ig hipunin waappa ii daamta? Laa iitta! Jesus Nug nukkaib elele. Wan imu ohppa ig laa onigppa ehanitta padal ii mak aognignu iitta, Jesus nukka,” awa aum.

2 Korint 5:19

Amu nai ihinig amu iikku. Kayak Nug Kristusnu uɗatppa danab ah oh ele oolag laippu daaglagnu ib babaitta, Nug ag ahilag hipuninnu nob madakkunu ii dabmeum. Aria Nug he, danab ah ag Nug ele oolag laippu bekkulagnu ib babaittak daatte, Nug nai amu mehuqaknu uɗat amu ig mekke hettem.

Epesus 2:22

Kristusnu uɗat okkaippaib ameg aɗit amu ag ouaqe, laippu bena, ag Kayak Ouɗippa, Kayak Nug daakkunu laug aakku betteb.

Duteronomi 10:21

Nug am ahilag Kayak, Nug ahilag binag mak aokkunu elelenab daatte. Nug aakkuib he, hak ɠagattag, danab hekkunu elele iitta, danab ah anidna, ebehilag oh bodoetta le mette ele amu, Nug aakkuib amu he, ag anidppig.

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.

Kolosi 2:9

Ag Kristen, ag amu dabmettaglagnu diig amu, Kayak Nug attemnab daatte, nuhigppa aɗi kobol keeke ambak daatte ele amu, amu oh Jesus Kristus nuhigppa aakku dayeye, Nug ele am danab daatte.

Revelesen 15:3

Ag anam daanna, ag Moses, Kayaknu maɗi nid, amu Sipsip Nag, Nug ele edapiɗ amu, ag amu ettanna inam appig. “O Naɗi Kayak Nakka Ɠagattag Oh Ele, nahip hak am onig, ɠagattag ele, danab antta nug enanag doya dabmak kuɗum aotte. Nahip ib am ib tutukku, genab ele. Na wannu king hanhannu.

Revelesen 19:1

Keeke amu oh dimppa da danab ah ameg naɗi baalag okkaippa hab aabppa eegeg doomi. Ag inam eppig. “Ig Kayak binag metu! Padal ii maknu ehanittak, binag amahlak oppiaawak ele, amu ɠagattag ele ihinig Kayak, nuhigppa dayaɗ!

Ikki Danab 5:21

Kison le nug kekeɗ ⌊ag mattadna wakkulagnu heegeg,⌋ diia ukkom. Ao, Kison le, le amu nug appa haen elabnab daatte, le amu ag diia ukkom. Ge, ⌊Yawe Nug he, keeke amu oh ehanigppig amunu,⌋ da aib bahil yom. Iitta! Da ɠagattag doyen, ahe, ban hei!