Eksodas 15:17 - Nobonob Baibel

¹⁷ Aria, geha na ig omaigna gona heppe, ig ɠagattag daagnig. Ao, ig qauko na aut daatteb, ig amuppa ena daagnig. O Yawe, na nahip dayaknu aben aguppa daakkunu tituanme. Ao, Naɗi, na nahip mettid lag aguppa daakkunu tituanme.

Eksodas 15:17 ပူးပေါင်းရင်းမြစ်များ

2 Samuel 7:10

Da danab keeke eppe, ena bette, amubia da Israel danab ah ag wan ele daaglagnu, ag amuppa maɗoɗ ele daaglagnu ehanatten, aben madappi daaglag. Danab nau ag anukka da Israel dilag ikki danab digmein tituanadmi, haen amuppa danab nau amu ag digmena, dahilad danab ah eheɗ hattaegeg uɗie, gemu ele hetteb, amge da heppi, ag amu tuɗidna ii hemana. Amu ele, da heppi, nahipad kekeɗ ag ɠagattag ii daamna. Amu da Yawe, da heppi, na buɗunad oolagppanu laala ele, ag anen anen ahilag haenppa, ag Israel dilag king hanhan bena daaglag.

1 King 8:13

Solomon nug danab ah amelagppa anam awowa amu, nug nai tuɗitta, Yawe amegppa inam unuqittom. “O Yawe, gemu amu, da genab mettid lag enanag nahip, na haen oh imuppa daakkutnu iikku hemi,” awa unuqittom.

Sam 2:6

Nug amelagppa mattiaya, Nug atte. “Da hei, laa da tituanmi ele, nug Sion appa, king daatte. Ao, qauko Sionnu amu, qauko amu dahilnu tituanak daatte.” Yawe Nug anam awa atte.

Sam 44:2

Ig mamenkad aɗi ii uɗippig dayeye, danab ah Kanan daappig ele ag na ii dim lamitteg ukke, haen na ig mamenkad omaladna uɗin, haen amuppa na laa ag wan anen anenppa wan imuppa daappig, na he, Israel ag danab amu lamatteg, na wan imu ig mamenkad aɗi mattame. Yo, na danab ah, ig mamenkad aɗi dilag kekeɗ, ag Kanan daappig ele amu, na hee nauheg, na hee ig mamenkad aɗi ag elele daappig.

Sam 68:16

Kayak Nug qauko Sion appa daakkunu tituana, appa ana daatte amunu, danab ah Basan qauko hume takppanab daatteb ele, aɗinu ag danab ah Sion qaukoppa daatteb dilagnu amelag qe oolag elele ii daatte? Yawe Nug Sion qaukoppa hanhan daakku.

Sam 76:2

Jerusalem amu, Nug appa daatte. Yo, qauko Sion am Nug appag.

Sam 80:15

Nanab, na ig wan imuppa daagnignu, danab grep muɗi ebatte bia wan imuppa meigme. Ao, ig na begapad daagnignu, nahipnu danab ah daagnignu hee bemut.

Sam 80:8

Anukka na grep muɗi laa Isipnu aon uɗin, na danab laa wan imuppanu lamadna, grep amu wan imuppa eppame.

Eksodas 15:13

Na nahip oo mauhaknab kobol dim lamidnana, na ig Israel, ig Isip dilag begbeg maɗi nidnu qagaiettakppanu eɗua uhuqak hen mekkana, na ig eleleib omaigkkut. Ao, na nahip ɠagattag, na amuppa na ig omaigppe, ig aben nahip, aben amu nahipnu tituanak daatte, ig amuppa gokkunig.

Eksodas 23:20

Doyeg! Engel laa nug ag dabmadakkunu, nug geha ag omalatteb gona, wan da ahilagnu bappaidmi ele, ag amuppa tekkulagnu, da engel amu mei, nug ibppa anuqa, ag noolag awa gotte.

Eksodas 25:8

Aria laa amu, na danab ah amelagppa appe, ag ⌊oolagppan danab ag uɗat amu haknu doon autna aotteb ele, ag⌋ dahil mettid haknu peh lag heppeg, am geha da ag oolagppa daakkul.

Eksodas 32:34

Amu na gona, na danab ah diin, aben da na amenppa ami amu, na amuppa gokkut! Doye! Engel dahil nug geha ibppa ag noolag awa, anuqa omaladkku, amge dimppa bu mattak haen tutukkuppa beeb amu, da geha uɗie, da danab ah ag hipunin heppig ele am bu madakkul,” awa aum.

Jeremaia 2:21

Israel danab ah, ag am muɗi grep danab eppom, amubia. Muɗi grep amuam enanag, meu okkunu elelenab, oɗe keeke iitta. Nug muɗi grep elele anam eppom, meu enanag aokkun dabmeum, amge muɗi grep ba, okkai ma, meu oum, me meu amuam ena iitta; am meu nau. Muɗi grep amuam eɗua, muɗi grep dakkuɗ, meu ena iitta ele beum. Amu ag Israel danab ah, ag dahilppanu anam bia aakku.

Jeremaia 31:23

Yawe Nukka Ɠagattag Oh Ele, Israel dilag Kayak, Nug inam atte. “Da heppi, Juda danab ah ag eɗun, ahilag wanppa uɗiona, ag Juda wanppa, aab laala eleppa daanna, ag Yawenu mettid lag Jerusalem ooppa qaukoppa daattenu amu, ag inam akkulag. ‘Yawe Nug qauko nuhignu tituanak daatte, Nug laug genab tutukku hak kobol inak ele qauko amuppa daatte, Nug qauko, lag amu ele itatteb, anam dayeɗ!’ aon akkulag.

Jeremaia 32:41

Da ena hadakkulnu ool gamag ahebeb, da genabnab meul ohppa ena hadappi, ag wan amuppa ee laa datta enanag bette, ag amubia wan imuppa enanag bekkulag.” Yawe Nug anam awa atte.

Esekiel 37:26

Amu da Israel danab ah ag hanhan maɗoɗ ele daaglagnu, da heppi, da ag ele nug tituanta nai qakkagnig. Nai qakkak amuam hanhan daakku. Amu da heppi, ag ɠagattag ena daan, huan appatna, kuɗumnab daappeg, da dahil mettid lag ag oolagppa hanhan daakkun mekkul.

Esekiel 37:28

Da heppi, dahil mettid lag ag oolagppa hanhan daakkunu aguppa dayeb, wanppan wan ohppan danab ah ag da Yawe, da hei, Israel ag danab ah, ag dahilnu, oppiaawak ele aakku daatteb dooglag.’ ” Yawe Nug anam aum.

Duteronomi 33:19

Ag danab ah onilagppa eppeg gona, ahilag qaukoppa mana mettak genab tutukkuib appa hekkulag. Ag ee yuppanu aon, hobul okkai hena lakkulag. Ao, keeke yu ihippa lokkumak daatte, ag amu aon, hobul hena lakkulag,” awa aum.

Josua 22:19

Anam amu, wan ag aoppig ele, wan amuam Kayaknu neekkakppa dubuttid tak ele daatte dayeb, ag uɗippeg, ig ele le imu heqo laih, Yawenu wanppa, appa daatu! Yawenu mettid haknu peh lag amu ihinigppa appa ana daatte. Doppeg ig ihinig wan otit, ag laa mattagnig, amge ag qaɗab ahilagnu laa imu henana, Yawenu nai tabappeg neeb, Nug ele kekeɗ daan, ig ele kekeɗ daat, laippu ii daagnignu aib heppig. Yawe, ihinig Kayak, nukka nuhig qaɗab genab laippu aakkuib daatte.