Eksodas 15:16 - Nobonob Baibel

¹⁶ Ao, baɗak eheɗ nau okkainab ag tonatta daakku. O Yawe, ag nahip ɠagattag anidna, ag toettan daaglag. Ge, ag keeke laa hekkulagnu elele iitta. Ag anam daappeg, nahipad danab ah ig, ig ag qe-eɗadta gokkunignu gottemppa gokkunig. Ao, ag anam daappeg, ig danab ah na Isipnu eɗun awigme amu, ag anam daabppeg, ig qe-eɗadta gokkunig.

Eksodas 15:16 ပူးပေါင်းရင်းမြစ်များ

Genesis 35:5

Jakop anam he, ag ahan Betel ukkaegeg, Kayak Nug he, appan danab ag baɗak eheɗ nau doon, ag Jakop aɗi ele ban ii heppig.

2 Samuel 7:23

Laa amu, aun aɗi laa ag nahipad danab ah, Israel, ag ag bia daatteb? Laa iitta. O Kayak, na huu laa ag begbeg maɗi nid daaegeg, na ag nahipad daaglagnu na ag begbeg dayaknu qagaiettakppanu eɗua uhuqak hemete? Iitta. Na nahipad danab ah Isip wanppanu dayaknu qagaiettakppanu eɗua uhuqak heme, amuppa na he, danab ah oh ag na onin dootteb. Na kobol okkai naɗi, danab hekkunu elele iitta, danab antta nug ebehi oh bodoetta le mette amu, na amu henana, amuppa na hee, nahipad danab Israel, ag Kanan wan imuppan danab, ahilkad kayak hambuppuak ele lamadppig.

Sam 105:38

Isip danab ah ag Israel danab ah dilagnu baɗak okkai dooppig amunu, ag ukkaeg, Isip ag enaib dooppig.

Sam 74:2

Ig nahipadnab danab ah daagnignu anukkanab na tituanigme amu, na ig dabmegakkutnu oɗ medattem. Ao, na ig tituanigme, ig huu okkai laa nahipad danab ahnab daagnignu, na ig qagaiettakppanu eɗua uhuqak hena mekkame amu, na ig dabmegakkutnu unuqidttem! Ge, na wan imuppa Sion qauko appa daame amu, na qauko amu dabmekkutnu oɗ medattem.

Sam 89:14

Nahip ɗo maɗoɗppa danab ah ag genab tutukkuib hak kobol waappa daan, nahip nai doya mala hettoɗia epeɗia elele mettak kobol waappa ele daan oitteb. Ao, na aɗi aɗi hettem amu, amuppa danab ah ag nahip oo mauhaknab kobol, oo metta ii uuak kobol nahip ele miagib anidtteb.

Eksodas 11:7

Amge geha, haen amuppa Israel danab ah daattebppa, aɗitai keeke nau laa Israel danab ah dilagppa, ahilkad doɗ dilagppa ele iinab bema. Oqotti wak, qai gamɗu qak keeke, keeke amuam nakok laa appa iinab daama,’ awa atte. Keeke anam bekku amunu, na amuppa dookkut, Yawe Nug ag Isip, ahilagnu ena ii doyaya, Nug Israel dilagppa ena dootte.

Eksodas 15:13

Na nahip oo mauhaknab kobol dim lamidnana, na ig Israel, ig Isip dilag begbeg maɗi nidnu qagaiettakppanu eɗua uhuqak hen mekkana, na ig eleleib omaigkkut. Ao, na nahip ɠagattag, na amuppa na ig omaigppe, ig aben nahip, aben amu nahipnu tituanak daatte, ig amuppa gokkunig.

Eksodas 15:5

Le naɗi ag tonatta malom. Ao, ag am men bia nona, unuqagnab nona, diig batakppanab noppig.

Eksodas 15:6

O Yawe, na eppen naɗiap am ɠagattag okkai huanaknab, amuppa na kobol okkai heme. Yo, O Yawe, na eppen naɗiap-ppa, na kekeɗ aqadna, oɗoɗadna autna aome.

Eksodas 18:8

Noya, Moses nug Yawe, Israel danab ah dilagnu dabmak anuqak awawa he, uug digdig Paro, nuhigppa, Isip danab ah oh ele dilagppa beppig amu, Moses nug amu ohnu nug tana Jetro amegppa mattiom. Nug amunu mattie doye, nug Israel danab ah dilagppa, uug digdig ibppa be, Yawe Nug ag ehanatte, ag ena daappignu ele mattie doyom.

Eksodas 20:2

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Eksodas 23:20

Doyeg! Engel laa nug ag dabmadakkunu, nug geha ag omalatteb gona, wan da ahilagnu bappaidmi ele, ag amuppa tekkulagnu, da engel amu mei, nug ibppa anuqa, ag noolag awa gotte.

Eksodas 23:22

Amge ag nai nuhig pehettaknab doon dim lamidna, keeke oh da ⌊nug oɗeppa⌋ akkul bia hekkulag dayeb amu, aria da geha kekeɗ ahilagnu kekeɗ daappi, laa ag ahilag ib oo nekkulagnu hetteb ele amu, da ahilag ib oo nekkul.

Eksodas 23:27

Da ag noolagppa anuqe ukke heppi, ahilag kekeɗ, ag ag ele ban hekkulag amu, ag eheɗ nau baɗappeg, ootot aqeb, ag eɗun, oolna gokkulag.

Eksodas 6:7

Da geha heppi, ag am dahilad danab ah daappeg, da ahilag Kayak daakkul. Haen amuppa amu, ag da am Yawe, da ag Isip appa maɗi nid maɗi ah ele daappig, da amuppanu uhuqatti, ag hamu, ena daatteb dooglag.

Aisaia 51:10

Na hee ⌊ib daakkunu⌋, yu okkai, umanab noa ukkak ele, yu ⌊aben amuppa⌋ iite qaɗaiettom. Na amu hena, na danab ah nahipad ag qagaiettakppanu eɗua uhuqak hena mattame ele, na ag laih gokkulagnu na ib laa, yu amu gamagppa iite bappaidme?

Aisaia 63:12

Laa nug ɠagattag okkai okkainab nuhigppa Moses ehanittom amu, Nug gemu adeppa daatte? Laa Nug danab ah oh nuhig ɠagattag anidna, daulag ii atimanu Nug he, ig memetankad noolagppa yu obata, laih laih gilil bia dayeye, Nug danab ah nuhikkud ib amuppa yu gamagppa omalatta laih ukkom amu, Nug gemu adeppa daatte?” aon oɗ medappig. ⌊Yawe Nug amu oh heum amu,⌋ Nug nuhikkud danab ah omalatta, le gamagppa ib amuppa ugekke, hos nug uɗem gikkiɗahib daatteppa ugakka, na ii qette, amubia ig memetankad ag ib amuppa oippig.

Jeremaia 31:11

Aɗinu? Yawe Nug Israel danab ah qagaiettakppa daamnanu uhuqadkku. Ao, Nug nuhikkud danab ah kekeɗ ɠagattag eppelagppa dayaknu qagaiettakppanu eɗua uhuqak hekku.

Esekiel 16:8

Na anam ena mena dayeye, dimppa da baula laih gokkulnu na daameppa uɗie, da neekki ukke, na anitten, na elele ena mena, na danab aokkutnu elele daame anidmi. Da anam anitte, da na dahil ah daakkutnu tituanitten, bam iitta daamnanu lamen mette, da nahip danab daakkulnu dahil nai ɠagattagnab qetten mattii, na da ele ewau daagnihnu i nug tituanɗa nai qakkaɗa, na dahil aakku daame.’ ” Naɗi Yawe, Nug anam awa atte.

Aposel 20:28

Amunu ag akka ahilagnu dabmenan daanna, amu Kayaknu danab ah, Kayak Ouɗi Nug ag gumak ikki danab ahilag daaglagnu otiattom ele amu, ag amu dilag ele oh dabmenan dayeg! Ag Kristen tamaniak, Kayak Nug nukka Nug tiigppa nuhig tamaniak amu daden meum ele amu, ag nuhig tamaniak amu tutukku gumatteg!

Duteronomi 11:25

Ag Nug oɗe dim lamidkkulag dayeb amu, ahilkad kekeɗ ag ag ii eɗadmana; kekeɗ ag geha oolna gokkulag. Ele amu Yawe, ahilag Kayak, Nug ahilkad kekeɗ dilagppa heeb, kekeɗ ag ahilagnu baɗak eheɗ nau dooglag. Nug amu hekkunu nai anan qakkom, amu aakku hekkunab. Nug ag wan madatte, ag wan amuppa adeppa adeppa oiglag amu, Nug amuppa anamnab aakku hekku.

Duteronomi 2:25

Gemu digmak da heppi, wan ohppan danab ag digmena, baɗak eheɗ nau ele ahilagnu dooglag. Ag aɗi hettebnu doona amu, ag naunab doon, ag baɗak okkai dooglag,” awa aum.

Duteronomi 2:4

Amge na danab ah haknunab nai imu appe doyeg! ‘Ag geha ag Edom dilag wan oppatna gokkulag. Esau buɗub, ag Edom, onig laa Seir, appa daatteb. Edom ag, ag Israel ele, ag nakok tiig laippu daatteb. Ag gobeppeg amu, Edom ag geha ahilagnu baɗaglag, amge ag dabmeig!

Duteronomi 32:6

O Israel danab ah, Yawe Nug ahilagnu ena heum. Ag anamppate eɗun noob mekkulagte? Ag am danab ah dabmak tutukku iittappa keeke henan oitteb. Ag doyak dabmak ena ele iitta. Yawe, Nug am ag Mamelag iittate? Nug ag iite hattom? Nug iite ag laippu tamaniattom?

Duteronomi 32:9

Aɗinu? Israel danab ah, ag am Yawenu. Yo, Jakop buɗub, ag am nuhikkudnab daaglagnu epeɗiattom.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Josua 4:24

Yawe Nug wan ohppan danab ah oh ag Nug ɠagattag okkai ele dooglagnu amu, ag Israel, ag hanhan Yawe, ahilag Kayak, ag nuhignu ebehilag oh bodoetta le mekkuoitte dooglagnu, Nug anam heum,” awa aum.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

2 Pita 2:1

Propet hambuppuak ag anukka danab oolagppa oidppig amubianab ippunittak danab hambuppuak ag geha ag gemu daatteb, ag oolagppa bena oiglag. Amu ag geha lokkumakppa hambuppualadppeg, kobol adekku dim lamidkkulagnu amu dabmekkulag. Hambuppuak kobol amu ag keeke heeg nauhtte. Amu ele, danab amu ag Naɗi Yawe, Nug ag hipuninnu qagaiettakppanu eɗua uhuqattom ele amu, ag Nug guhuɗidkkulag amunu, danab amu ag aakku akka padal mekkulagnu hetteb.

1 Samuel 2:9

Yawe Nug nuhikkud danab ah ag nuhignu oo metta ii uuak kobol dim lamidtteb ele am atognoadtte. Ao, Nug he, nau hak danab ag gatatu ooppa daanna mauhtteb. Aɗinu? Danab ag akka, ag ahilag ɠagattagppa ena ii daatteb.

1 Samuel 25:37

Abigel nug Nabal amegppa nai ii mattiom ukke, wagɗe buttua Nabal nug eɗua dabmak awe, haen amuppa Abigel nug keeke beum amu, nug amu oh Nabal amegppa aum. Nug Nabal amegppa amu mattie, Nabal gamagppan uttu taub aakku nauha, uɗat ena ii he, amuppa Nabal nug aakku men laa bia dayom.