Eksodas 15:10 - Nobonob Baibel

¹⁰ Ag anam appig, amge Yawe, na haen laippuib ouɗi iwale, yu nug Isip tonom. Ao, ag am yu naɗi ooppa unuqagnab men bia noppig.

Eksodas 15:10 ပူးပေါင်းရင်းမြစ်များ

Genesis 8:1

Le hiɗ naɗi anam ba daye ukke, Kayak Nug Noa, nug baekkudppa ele, doɗ dakkuɗ, doɗ aabppanu ele, ag Noa ele uubppa daappig amu, Nug amu oh dilag dabmak awa he, ulah uɗia le iwale, digma hiɗa noum.

2 Samuel 18:8

Amu ag ban heegeg ukke, ban tuɗitta, atu amu ohppa dayom. Amu ad kuɗum ele ban atu amuppa daye, ⌊atu amuam atu ena iitta, Dawitnu daup ag atu amubiappa ban hak dooppig amunu,⌋ Dawitnu daup ag Israel laa huanaknab aqappig.

Nehemaia 9:11

Na hee, yu obata, laih laih dayom amunu, ig mamenkad aɗi ag wan qaɗaiettakppa le amu mataɗna goppig, amge na hee, Isip dilag daup lamadppig ele ag waeg, yu eɗua abenppa ukka, tonatta auta autanab awom. Ag men yu unuqagnab notte bia nona, yu ooppa daappig.

Sam 135:7

Nug he, lombig wan tona daatte. Nug gu, amemɗi ele maate uɗittep. Nug he, ulah uɗitte.

Sam 147:18

Nug nai a, ais doɗo eɗua le mette. Yo, Nug he, ulah uɗie, ais le ma gotte.

Eksodas 14:21

Anam daye, Moses nug eppeg attan huma, yu epponitte, tuqan amuppa Yawe Nug he, laih aam bedeppanu ulah ɠagattag uɗia, ulah nug heehe ukke, wagɗom. Ulah amu yu duttune, yu gamagppa oppata, aɗit laih laih ɠagattag gilil bia dayeye, wanppa ib qaɗaiettak dayom.

Eksodas 15:5

Le naɗi ag tonatta malom. Ao, ag am men bia nona, unuqagnab nona, diig batakppanab noppig.

Prowerb 30:4

Aun nug hab aabppa tewowa, eɗua neum ele? Aun nug ulah awa, eppegppa aɗom? Aun nug yu, lamen nuhigppa hautom? Aun nug wan imu oh heum? Laa amu heum am onig aun? Nug bekka ele am onig aun? Na doottem amunu, ⌊da ele dookkulnu,⌋ na appe doyei!

Aisaia 11:15

⌊Amge haen Israel, Juda ele ag eɗun ii uɗippeg, haen amuppa⌋ Yawe Nug heeb, le kokoɗ uttug laih qaɗaietteb, Nug heeb, ulah gakkaɗak naunab ele uɗia, le Yupretis heeb, oppata, le naunau eblaih aɗit ele beeb, danab nug le mataɗkkunu uug iitta doya mataɗkku.

Jeremaia 10:13

Kayak Nug a, lombig hinqaknab ahaeg, hakkaɗ qette. Nug he, lombig amu wan atu ohppa ahatteb. Nug he, amemɗi awewe, gu ele ne, ulah ele Kayak meumppanu uɗitte.

Jeremaia 46:17

Ag gona, appa tena, ag akkulag. “Isip dilag king Paro, nug oɗeppaib mattiak danab; keeke laa ii hette. Nug keeke hekkunu haen dayom, amge nug ii heum,” ’ aon akkulag.” Yawe Nug Jeremaia amegppa anam aum.

Amos 4:13

Yawe Nug anam attenu diig am, Nugib am laa qauko heum, Nugib am laa Nug he, ulah iwala oitte, Nugib am laa Nug dabmak nuhig danab ah ippunadtte, Nugib am laa Nug he, aam bette haenppa gatatu nette, Nugib am laa Nug qauko attan igippa ele oitte; Nugib am laa Nug keeke amu oh hette. Nug am Yawe Kayak Nukka Ɠagattag Oh Ele. Nug onig am aakku.

Matyu 8:27

Nug anam he amu, nuhikkud ippunittak awak danab ag dabmak kuɗum aonna, akka akka appig. “Danab imu am danab attemu? Ulah, le ele aa ele nuhig nai dim lamidttep!” aon appig.

Duteronomi 11:4

Isip dilag ban danab ag, ag Israel lamadna uɗiegeg, Yawe Nug he, Isip ag, ahilkad hos ele Le Kokoɗppa yu lana mauhppig, am ahilkad bannu karis ele nauhppig, amge nid ahilkad ag amu ii anidppig. Yawe amu he, Isip nug baula ɠagattag ele ii daatte.