Eksodas 14:8 - Nobonob Baibel

⁸ Yawe Nug he, Isip dilag king Paronu dabmak ɠagattag eppe, Israel ag baɗak iitta ele ukkaegeg, Paro nug nuhikkud daup ele ag dim lamadna goppig.

Eksodas 14:8 ပူးပေါင်းရင်းမြစ်များ

Sam 105:43

Nug amu dabma, Nug nuhig danab ah Isipnu diia laih ukke, ag gamalag huana ahom. Ao, Nug nuhikkud tituanattom ele amu, Nug Isipnu diia laih ukke, ag gamalag huana ahe eppig.

Sam 86:13

Aɗinu? Na dahilnu oo mauhaknab okkai doon dim lamidttem amunu, na da atognoiɗna, mauhak abenppanu eɗun awiɗe, da ii mauhmi.

Eksodas 10:27

Anam aum, amge Yawe Nug he, Paronu dabmak ɠagattag eppa dayom amunu, Paro he, ag ii goppig.

Eksodas 13:16

Aria, kobol amuam geha danab nug aɗi keeke dabmekkunu oo hette ele amu, nug amu dabmekkunu nug eppeg gomeppa nai ye daatte, o nug uɗappa keeke laa aiha daatte amu, kobol imuam amubia, Yawe Nug uɗat naɗi ihinignu he, ig Isip uut uɗimutnu at daatte. Aɗinu? Yawe Nug nuhig ɠagattag naɗippa ig awikka omaikke, ig Isip uut uɗimut.’ ” Moses nug danab ah amelagppa anam mattiom.

Eksodas 13:18

Amunu Kayak Nug Israel omalatte, ag talilin, atu taɗakppa ukkaknu ibppa gona, Le Kokoɗppa noppig. Ag Isip uun gonana, ag ban haknu keeke ele maon oippig.

Eksodas 13:9

Aria, Bret Yis Iitta Lanaknu Hobul Nakok, amuam geha danab nug aɗi keeke dabmekkunu oo hette ele, nug amu dabmekkunu nug eppeg gomeppa nai ye daatte, o nug uɗappa keeke laa aiha daatte amu, hobul amuam, ag Yawe Nug ahilagnu uɗat naɗi heum dabmekkulagnu, nuhig ɗo nai ele dabmena mattiglagnu at amubia daakku. Aɗinu ag Yawenu ɗo dabmena, amunu mattiglag? Yawe Nug uɗat naɗinab ha, Isipnu diia omalatte uɗippig.

Eksodas 14:17

Amu da Isip ag dim lamadna, le gamagppa gokkulagnu, da ag dabib madette dahil uɗat heppi geha Isip ag ahilag dabmak ɠagattag eppeb, ag nai tappe nak naunab hena, ag Israel dim lamadna wabeppeg, am geha da Paro, aria nuhikkud daup ag baelagppa oinna, ban hetteb, daup ag bannu karis attan daan, ban hetteb, daup ag hos attan daan, ban hetteb ele, da ag oh eɗattoya, am geha da keeke hettem amuppa, da binag amahlak oppiaawak ele aokkul.

Eksodas 14:4

Nug anam ab, geha da heppi Paronu dabmak aakku ɠagattag eppeb, nug geha eɗua, ag diikkunu dim lamadkku. Amge geha da nug, nuhikkud daup ele eɗatten, geha da amuppa, da binag amahlak oppiaawak ele aokkul. Da amu heppi, Isip ag geha dooglag; da dakkaib, da am Yawe,” awa aum. Aria, Israel ag Yawe aum, ag amu dim lamidna, ag eɗun goppig.

Eksodas 14:7

Nug laa ele oh goppig oolagppan laa am, nuhikkud ban daup ikki ag bannu karis enanag 600 gumappig, amu ban daup ikki laa ag Isipnu bannu karis laa oh gumappig amu, ag oh, bannu karis ahilkadppa daaegeg, Paro ele goppig.

Eksodas 15:9

Kekeɗ ag akka ag onilag human, ag ihinignu appig. ‘Geha ig ag baelag mattat gota aɗualadta, geha ig ahilag keeke ena ena amu aot, ig ihinig huuppa panignig. Aria, keeke oh ig aognignu oonig daatte ele amu, geha ig aognig. Geha ig ag ele qep elabppa heta, ihinig ɠagattagppaib ig ag hepput nauhkkulag.’

Eksodas 4:21

Am Yawe Nug Moses amegppa aum. “Dimppa na gona, Isip tewona amu, na kobol danab haknu elele iitta, da na kobol amu na hekkutnu ɠagattag mettami amu, na amu oh Paro noobppa hekkut. Na anam hekkut amge da heppi, Paronu dabmak aakku ɠagattag ebakku. Nuhig dabmak am ɠagattag eppa dayebeb, Paro nug danab ah uuatteb ii gomana.

Eksodas 6:1

Moses nug anam aum, amge Yawe Nug Moses amegppa aum. “Gemu amu, da Paro, nuhigppa keeke hekkul amu, na anidkkut. Da dahil ɠagattagppa ⌊eheɗ hedappi,⌋ diig amunu nug geha ag Israel uuatteb gokkulag. Ao, geha da dahil ɠagattagppa ⌊nug eheɗ naunab hedappi,⌋ diig amunu nug ag wan nuhigppanu lamatteb gokkulag,” awa aum.

Eksodas 9:12

amge Yawe Nug he, Paronu dabmak ɠagattag eppa dayeye, nug Moses, Aron ele dilah nai, Yawe aumbia, nug nai amunu dab-ii-meum.

Gayak Nai 3:65

Ao, na heppe, ag uug okkainab laa doon, ag eheɗ laa awaknu anak waappa daaglagnu oɗ medattem.

Lewitikas 26:13

Da am Yawe, ahilag Kayak. Am ag tuɗidna, Isip dilag begbeg maɗi nid daamnanu, da ag Isipnu diie, omalatti uɗippig. Da hei, ag Isip dilag maɗi nid maɗi ah ele baula ii daatteb; ag gemu hamu, danab laa waappa ii daan, uɗa nak iitta ele oitteb.

Namba 33:3

Israel danab ah ag Isip uun ahappig, maɗ amu, kalam digmakppa, deɗ 15, amuppa ag ahan, aab okkai onig Rameses uuppig. Deɗ amuam Pasowa digmak dimugppa. Yawe Nug ag atognoatta dabmadette, ag Ramesesnu ahan, baɗak iitta ele Isip danab uuadppig.

Aposel 13:17

Ig Israel buɗub daattem amu, ihinig Kayak, Nug ig mamenkad aɗi tituanatta he, ag appateg, dimppa Nug nuhig ɠagattagppa Isipnu eɗua diia uɗiom.

Duteronomi 26:8

Yawe Nug anam antta, Nug nuhig ɠagattagppa, Nug ebehippa, Nug he, baɗak eheɗ nau dayom, amuppa, Nug nuhignu dabmettaknu kobol danab haknu elele iitta, amu uɗat ɠagattagnab ele heumppa, keeke amu ohppa Nug ig Isipnu awikka, omaikka uɗiom.

Duteronomi 32:27

Amge da anam heppi, ahilkad kekeɗ ag da kalemlem iuglag amu da doomi. Ao, da amu heppi amu, ahilkad kekeɗ ag inam akkulag. ‘Ig ag eɗadmut. Yawe Nug ii heum!’ ” Yawe Nug anam aum.

Josua 11:20

⌊Ag oh am kayak hambuppuak uuattaknu uuppig⌋ amunu, Yawe Nug he, Amo aɗi danab amu, ag ahilag dabmak aakku ɠagattag eppe, ag Yawenu nai tappaeg ne, Israel ele ban heppig. Ag anam heppig amunu, Yawe Nug Israel ehanatte, ag hattaeg, ag oh Yawenuib nuhig pelemppa daappig. Israel dilag ban daup ag oo gai-iitta doya oo metta ehanittak laa ii epponadppig, oh aqaeg mauhppig. Yawe Nug anam aakku Moses amegppa hakknunab aum amunu, nug aum bia, hak amu aakku beum.

Ikki Danab 4:7

Da geha Sisera, Jabinnu ban daup ikki, amu nuhig bannu karis, ban danab ele Kison leppa appa eeɗadppi uɗiglag. Uɗippeg amu, da na ehanidppi, appa nug, nuhikkud daup ele eɗadkkut,’ awa atte,” awa aum.