Eksodas 14:7 - Nobonob Baibel

⁷ Nug laa ele oh goppig oolagppan laa am, nuhikkud ban daup ikki ag bannu karis enanag 600 gumappig, amu ban daup ikki laa ag Isipnu bannu karis laa oh gumappig amu, ag oh, bannu karis ahilkadppa daaegeg, Paro ele goppig.

Eksodas 14:7 ပူးပေါင်းရင်းမြစ်များ

Genesis 50:9

Josep nug mameg gaɗa awa ugekke, Isip dilag daup ag bannu karis attan daan, ban hetteb, daup ag hos attan daan, ban hetteb ele, ag nug ele oh goppig. Danab huanak ag goppig.

Sam 20:7

Aabaab laa ag ena ɠagattag daaglagnu ag ahilkad ban daup, amu bannu keeke elenu oolagppa genab dootteb, amge ig amu, ig Yawe, ihinig Kayak, ig nuhignu oonigppa genab doottem.

Sam 68:17

Kayak Nug bannu karis huanaknab ele; bannu karis amuam ebqaknu elele iitta. Naɗi Nug bannu karis amu oh Sinai qaukoppanu diie, ele uɗin, Nug nuhig mettid lag ooppa noum.

Eksodas 14:23

Amu Israel ag yu mataɗna waeg, Isip dilag ban daup ag Israel dim lamadna nona gona, ag ele yu mataɗna gona gamagppa goppig; daup ag bannu karis attan ban heppig, amu daup ag hos attan daan, ban heppig ele, ag oh goppig.

Eksodas 14:6

Ag anam mattiona amu, Paro nug aha he, ag nuhig bannu karis babaitteg he, nuhikkud ban daup ele ag oh goppig.

Eksodas 14:8

Yawe Nug he, Isip dilag king Paronu dabmak ɠagattag eppe, Israel ag baɗak iitta ele ukkaegeg, Paro nug nuhikkud daup ele ag dim lamadna goppig.

Eksodas 15:4

Nug Isip ban daup eɗatta, buɗiatte, ag bannu karis oh ele yuppa noppig. Ge! Le Kokoɗppa, appa ban daup ikki anuqak ag ele le lana mauhppig.

Aisaia 37:24

Na he, nai awa ukkak danab nahipad ag da, da Naɗi, ag da aon aon naunab iuppig. Na amu hena amu, na inam ame. ‘Da bannu karis kuɗumnab dahilppa da wan oh eɗadmi; danab nug Lebanon qauko okkai okkai igippa ta, ad sida elab elab, laa oh eɗattak, amu ad pain enanag, nug ad amu okkula aotte, da amubia hemi. Da danab nug qauko attannab, laa oh eɗattak, danab laa appa ii oitte bia, appa ad enanagnab daatteb, nug aguppa ta, ad okkula aotte, da amubia hemi.

Ikki Danab 4:15

Barak nug Sisera, nuhikkud daup ele banelag te amu, Yawe Nug he, Sisera, nuhikkud bannu karis lamittak danab, ban danab laa ele oh ag Barak aɗi qep elabppa ban ɠagattagnab heeg anadna, ag eheɗ baɗappig. Anam daye, Sisera nug bannu karis nuhig attannu oola, honap na, baegppaib oola ukkom.

Ikki Danab 4:3

Am Jabin nug bannu karis 900 aenppa hak ele, amu nug maɗ 20 Israel danab ah eheɗ hadatta, guittak mattom amunu, Israel ag Yawe ehanadkkunu gaappig.