Eksodas 14:3 - Nobonob Baibel

³ Ag anam hekkulag, aria Paro nug geha amu doya, nug geha inam akku. ‘Israel ag atu taɗak eɗidna, laih gokkulagnu ib laa ii anidtteb amunu, ag wan imuppa hamu talilin oitteb.’ Nug anam dabmekku.

Eksodas 14:3 ပူးပေါင်းရင်းမြစ်များ

Sam 139:2

Da daattem, o hibaitte daattem, haen amuppa na doottem. Na da keeke laanu dab-ii-memi, butti haen adekku dabmekkul amu, na gemu dabmak dahil amu aakku doon malame.

Sam 139:4

Aɗinu am anam daatte? O Yawe, da aɗi akkulnu hettem amu, da ii ami daaiyi, na doon malame.

Sam 3:2

Kuɗumnab ag dahilnu, “Kayak Nug ii ehanidma!” aon atteb. Sila.

Sam 71:11

Ag atteb. “Kayak uuittom daatte, laa ehanitteb, ig eppenigppa ii daakkunu laa ii daatte amunu, doppeg ig nug dim lamidta gota, nug ⌊aɗat qetu⌋!” aon atteb.

Eksodas 14:2

“Na Israel amelagppa appe, ag eɗun gona, yu ihippa Pihahirot guguittak, appa ag haen tutu dayaknu aab kaleg! Aab amuam Mikdol, Le Kokoɗ ele gamalahppa, Balsepon guguittak, appa daatte.

Eksodas 14:4

Nug anam ab, geha da heppi Paronu dabmak aakku ɠagattag eppeb, nug geha eɗua, ag diikkunu dim lamadkku. Amge geha da nug, nuhikkud daup ele eɗatten, geha da amuppa, da binag amahlak oppiaawak ele aokkul. Da amu heppi, Isip ag geha dooglag; da dakkaib, da am Yawe,” awa aum. Aria, Israel ag Yawe aum, ag amu dim lamidna, ag eɗun goppig.

Esekiel 38:17

Amu Naɗi Yawe Nug inam atte. “Anukka da propet dahilad, ag am dahil maɗi nid amu, da ag oɗelagppa laanu mattimi amu, amuam na iittate? Haen amuppa propet dahilad ag dimppa aɗi bekkunu nai anan, ag da heppi, Gog na, nahipad ele ag uɗippeg, Israel ele ban hekkulagnu appig,” awa atte.

Aposel 4:28

Ag anam hekkulagnu qagmena anam heppig amu, Kayak na nahip ɠagattagppa, nahip doyak dabmak ena eleppa keeke oh anam bekkunu anukka ib amunu ame amu, ag amuib heppig.

Duteronomi 31:21

Anam heppeg amu, geha uug naunab, amu uug digdig laa ele bekkulag. Ahi da ippunadkkul ele, ahi amuam laa aɗi heehe anttomnu mattiak danab, am danab amubia dayaya, Israel danab ah ag nau heppignu ippunadkku. Aɗinu? Ag buɗulkad ag ahi amu daulag ii atima. Danab ah imu ag diilag attemunab amu da doyadttem, amu wan da ag mamelkad aɗi madakkulnu dahil nai ɠagattag qetta anak ii hemi dayeye, da ag iikku doyadttem. Ge, gemu ele, da ag aɗi hekkulag, da doottem.” Yawe Nug anam Moses amegppa aum.

Ikki Danab 16:2

Nug appa ukka dayeye amu, Gasa danab ag Samson appa daatte aeg doon, ag tuqan amuppa aab okkainu aɗnu od guguittak, laih laih ohppa daan, appa ag nug meidna daappig. Ag tuqan amu toettan daanna, ag akka akka nug amegppa mattin appig. “Haɗaetta uɗiebeb amu, ig nug qepput mauhkku,” aon appig. ⌊Amge aabnu aɗ od lok qakkan malappig doon, “Buttua od matulppeg dimittim dokku,” anana, aakku meidna elele ii daappig.⌋

1 Samuel 23:23

Amu ag gona, nug lokkumtte, aben amu oh italna anidna, eɗun uɗin, amelppa aig! Appeg, da nug genab appa daatte doye amu, da geha ag ele gota, da geha nug antte aɗakkul. Genab, nug Juda wanppa daatte dayeb amu, da nug aɗakkulnu, da Juda danab ohppa da nug mattie mattie antten aɗakkul,” awa aum.

1 Samuel 23:7

Dawit nug nuhikkud daup ele ag Keila appa anam hena, ag Keila appa daappig. Appa daaegeg amu, danab laa ag Saul amegppa, Dawit nug Keila daattenu appig. Aeg, Saul nug aum. “⌊Amu ena!⌋ Dawit nug aab laa, aab amuam aɗ ele, amu aɗ amuppa od oɗeppa od, manak qaknu keeke ele daye, nug amuppa daatte amunu, Dawit nug nukka maniguittom. Kayak Nug Dawit da eppelppa meum,” awa aum.