Eksodas 14:20 - Nobonob Baibel

²⁰ Amu lombig amu tuqan amuppa Isip, Israel ele gamalahppa dayom. Lombig anam dayaya he, laih Isip daappigppa gatatu dayom, amge laih Israel daappigppa, lombig he, ag amahlakppa daappig. Anam aakku dayom amunu, tuqan amuppa Isip, Israel ele ag nug gumidna wakkulagnu elele iitta.

Eksodas 14:20 ပူးပေါင်းရင်းမြစ်များ

Sam 18:11

Nug he, gatatu amu nuhig peh bia dayom. Ao, lombig gatatu ele aa peh amunu gilil bia daapiɗ.

Sam 78:53

Kayak Nug danab ah nuhikkud elele ena omalatta atognoattom amunu, ag ii baɗappig, amge yu kekeɗ ahilkad tonattom.

Eksodas 14:19

Kayak Nug anam a amu, engel nuhig nug Israel daup noolagppa anuqa ukkom ele, nug eɗua uɗia, dimulagppa dayom. Am lombig attan tak, am ele noolagppa anuqa dayom amu, amu ele eɗua ukka, dimulagppa dayom.

Eksodas 14:21

Anam daye, Moses nug eppeg attan huma, yu epponitte, tuqan amuppa Yawe Nug he, laih aam bedeppanu ulah ɠagattag uɗia, ulah nug heehe ukke, wagɗom. Ulah amu yu duttune, yu gamagppa oppata, aɗit laih laih ɠagattag gilil bia dayeye, wanppa ib qaɗaiettak dayom.

Aisaia 52:12

Aɗinu ⌊ag anam hekkulagnu elele daaglag⌋? Yawe Nug ag noolag awa, anuqa gokku. Ao, Israel dilag Kayak, Nug ag dimulagppa oiyaya uɗikku. Anam amunu, ag laa dilag baɗan, oolna ii gomana. Ao, ag oolna ii gomana.

Aisaia 8:14

Yawe Nug danab ah ⌊ag anambia hetteb ele amu, Nug amu⌋ dilag lokkumak aben ɠagattag bia daakku, amge Israel, Juda ele dilagppa amu, Nug am men laa danab ippulagppa dayeye, danab ag men amuppa baelag qena, nena qetteb bia daakku. Ao, Nug am men laa he, danab ag nena qetteb, amubia daakku. Amu Jerusalem danab ah dilagnu amu, Nug ahilagnu pelem, o uhui bia ag aɗualadkkulnu daakku.

Josua 24:7

Israel ag da, Yawe, dahilnu huana gaaeg amu, da ag Isip ele gamalagppa gatatu eppami. Amu, ag Le Kokoɗ mataɗana waeg, da hei, yu nug eɗua abenppa wana, Isip oh diie, yu lana mauhadppig. Ag Israel, ag akka amelagppanab da aɗi keeke haen amuppa Isip dilagppa hemi amu, ag aakku anidppig. Amu dimppa amu, ag atu taɗakppa haen elabnab daappig.