Eksodas 14:16 - Nobonob Baibel

¹⁶ Israel ag geha nona, ena gona, wan qaɗaiettakppa laih tekkulagnu amu, na dudqak hokkat nahip human, yu epponppe, geha yu nug oppata, aɗit laih laih ukka, ɠagattag gilil bia daakku.

Eksodas 14:16 ပူးပေါင်းရင်းမြစ်များ

2 King 4:29

Elisa nug nai amu doya malowa, aria nug Gehasi amegppa inam aum. “Ahan bappaidna, dahil dudqak hokkat amu aon, eppenppa aɗan, na paha Sunem gokkut. Amu na gonana, ibppa danab laa anidna, aib na nug humidme. Am danab laa nug na humitteb amu, na nai nuhig aib nob meme. Na ah imu laugppa tutukku gona, na dahil dudqak hokkat amu nid nakok iɗuppa me!” awa aum.

Eksodas 14:15

Aria, Yawe Nug Moses amegppa aum. “Na diig aɗinu da onilppa ettem? Appe, Israel ag ahan ukkeg!

Eksodas 14:26

Ag anam aeg, aria Yawe Nug Moses amegppa inam aum. “Yu eɗua uɗia, Isip dilag daup baelagppa oin, ban hetteb, daup ag bannu karis attan daan, ban hetteb, amu daup ag hos attan daan, ban hetteb ele tonadkkunu amu, na eppen taiettan, yu eppone!” awa aum.

Eksodas 17:5

Moses nug anam a, aria Yawe Nug Moses amegppa aum. “Na Israel dilag ikki danab laala diippe, ag danab ah noolagppa anuqna gonana, na dudqak hokkat, na anukka Nil le dudqak hokkat amuppa ome amu, na dudqak hokkat amu ele aon ukke!

Eksodas 17:6

Na gobeppe, da geha men laa Horep guguittak daatte amu, da men amu attan daappi, na da gukkuiɗna doppe, da na noomppa daappi, na dudqak hokkat amuppa men amu oppe, geha men amuppanu le beeb, danab ah ag lakkulag,” awa aum. Aria, Israel dilag ikki danab ag Moses anam he, menppanu le be anidppig.

Eksodas 4:17

Aria, na gonana, na dudqak hokkat nahip imu ele aon ukke! Dimppa na geha dahilnu dabmettaknu kobol danab haknu elele iitta, amuppa hekkut,” awa aum.

Eksodas 4:2

Moses nug anam a amu, Yawe nug oɗ mettom. “Na aɗi aɗattem?” A amu, Moses nug aum. “Da dudqak hokkat aɗattem,” awa aum.

Eksodas 4:20

Yawe anam a amu, Moses nug wau, bekoɗ aɗit ele diia, donki laa attan maatta, nug dudqak hokkat nuhig, Kayak nug awa gokkunu aum amu, nug amu awa aɗe, ag Isip gokkulagnu goppig.

Eksodas 7:19

Amu geha Yawe Nug Moses amegppa inam aum. “Na ⌊Paro amegppa anam awona, na⌋ Aron amegppa appe, nug dudqak hokkat nuhig amu awa, Isip le okkai oh, le nag oh, le ameg oh ele, amu epponattaɗ! Nug anam heeb, le amu oh eɗun, tiig daaglag. Le amu tiig eɗuglag amu, haen amuppa Isip oh dilagppa le tappiɗ, adppa hoippigppa daatte, am nippud menppa heppigppa daatte ele, le amu oh ele eɗun, tiigib daaglag.” Yawe Nug Moses amegppa anam aum.

Eksodas 7:9

“Am haen aa Paro noobppa daayya, aa nug amegppa nai madipeɗ, Paro nug ⌊da aa maati gopiɗ dookkunu⌋ nug aa kobol danab haknu elele iitta laa hepeɗ anidkkunu aa amelahppa akku amunu, Moses na Aron amegppa appe, nug dudqak hokkat awa buɗieb, Paro noobppa wanppa noaɗ! Nob amu, geha dudqak hokkat amuam eɗua mat bekku.” Yawe Nug Moses, Aron ele amelahppa anam aum.

Aisaia 10:26

Amu Yawe Nukka Ɠagattag Oh Ele, Nug inam hekku. Nug Asiria geha buppa makkuɗadkku. Nug men laa Orep daatte, Nug amu guguittak Midian makkuɗattom amu, Nug amubia makkuɗadkku. Geha Nug eppeg huma dayaya, Asiria makkuɗadkku; anukka Isip dilagppa he, ag Le Kokoɗppa padal meppig, amubia ahilagppa hekku.

Habakuk 3:8

O Yawe, na lenu oot nauhomte? Ao, na lenagnu oppoɗin beumte? Na yunu oppoɗin huan beumte amunu, na ban danab, bannu karis, hos eeɗtteb eleppa ban hette bia hena, kekeɗ ihinkad eɗadme?

Namba 20:11

Aria, Moses nug anam awowa, nug eppeg huma, nuhig dudqak hokkatppa men o, haen aɗit batom. Nug anam he, le naɗi tula do, danab ah, amu ahilkad doɗ ele ag le lappig.

Josua 8:18

Anam daye, Yawe Nug Josua amegppa aum. “Da geha na aab okkai umu medakkul amunu, na nahip ban aeg Ai eppone!” awa aum. Nug anam a, Josua nug Yawe hekkununab aum bia heum.