Eksodas 13:5 - Nobonob Baibel

⁵ Yawe Nug Kanan wan, wan amuppa Kanan danab, Hit danab, Amo danab, Hiwi danab, amu Jebus danab ag daatteb, Yawe Nug ag Israel ag wan amu madakkunu, ag mamelkad aɗi amelagppa nai ɠagattag qetta aum ele, wan amuam wan enanag, wan ittag ele, amuppa ee meu huana otte amu, Nug wan amuppa omalatteb tekkulag amunu, ag maɗ ohppa kalam imu doobob, ag deɗ imu dabmekkulagoitte.

Eksodas 13:5 ပူးပေါင်းရင်းမြစ်များ

Genesis 26:3

Na wan imuppa nakok daye! Anam amu, da na ele daaɗa, da na itidkkul. Da Abraham amegppa dahil nai ɠagattag qetten ami, amubia, da na, amu na buɗunad ele wan imu oh madakkul.

Genesis 50:24

Aria, dimppa Josep nug awakkud amag ele amelagppa aum. “Da mauhkkul hettem, amge Kayak Nug ehanatteb, ag eɗun, Kanan wanppa gokkulag. Kayak Nug Abraham, Aisak amu Jakop ele wan amu madakkunu nuhig nai ɠagattag qa, ag amelagppa mattiom,” awa aum.

1 Stori 1:15

Hiwi danab, Ark danab, Sin danab,

Eksodas 12:24

Ag, amu ag bekkalkadppa ele ag hanhan, maɗ oh ag ɗo Yawe mekkom imu amu, ag hekkulag.

Eksodas 13:10

Anam amunu, hanhan maɗ ohppa ag hobul imu, ag nuhig haenppa anam hekkulagoitte!

Eksodas 13:11

Aria, Yawe Nug Kanan wan ag madakkunu, ag, amu ag mamelkad aɗi ele amelagppa nai ɠagattag qetta aum. Anam amu, Nug geha ag diia omalatteb, ag Kanan danab, ag ahilag wanppa goppeg, Nug wan amu ag madakku amunu,

Eksodas 3:17

Da kobol nau ag ahilagppa hetteb amu, da amu anidttem amunu, da imu genab hekkulnu nai ain qagattem. Da geha ag Israel, da ag Isip eppelagppanu diiatten, da ag omaladppi, ag gona, Kanan wan aon, ag appa daaglag. Gemu amu danab laala, ag am Kanan, Hit, Amo, Peres, Hiwi, amu Jebus danab ele amu, ag wan amuppa daatteb. Wan amuam enanag, wan ittag ele, amuppa ee meu huana otte,” ’ ” awa aum.

Eksodas 3:8

da dahilad danab ah ehanatten, ag Isip danab eppelagppa qagaiettak daamnanu, da omalatten goppi, wan okkai laappa gona, aon daaglagnu nemi. Wan amuam enanag, wan ittag ele, amuppa ee meu huan otte. Wan amuppa amu, gemu Kanan danab, Hit danab, Amo danab, Peres danab, Hiwi danab, amu Jebus danab ele daatteb.

Eksodas 32:13

Na nahipad maɗi nid, am Abraham, Aisak, Jakop ele, na amu dilag dabmenana, na amu dilagnu keeke hekkutnu na oninppa, nahip nai ɠagattag qena ame amu, na nai amu dabmekkutnu oɗ medattem. Na nai ɠagattagnab qakkan, ag amelagppa ame am inam. ‘Da dakka da onilppa nai imu ɠagattag qetten, inam attem. Da geha heppi, ag buɗulkad ag kuɗumnab, hoɗopai daatteb bia bekkulag. Anam amu, da geha ag wan imuppa daatteb ele amu, da wan imu oh ag buɗulkadppa madappi, ag aulag hanhan daakku.’ Na anam ag amelagppa ame,” awa aum.

Eksodas 33:1

Amu Yawe Nug Moses amegppa inam aum. “Na danab ah na Isipnu omalatte uɗippig ele amu, ag aben imu uun, wan laa, da Abraham, Aisak, Jakop ele wan amunu amelagppa, ‘Wan laih umu, geha da ag buɗulkad madakkul’ mattien, nai ɠagattag qettami amu, ag wan amuppa gokkulagnu omaladna ukke!

Eksodas 34:11

⌊Nug tituana nai qakkak amuppa amu, da anam hekkul. Ag Israel amu, ag⌋ haknunab nai oh da gemu ag madakkulnu hettem amu, ag dimib lamitteg! Ag dim lamidppeg, da heppi, ag Israel ag Amo danab, Kanan danab, Hit danab, Peres danab, Hiwi danab, amu Jebus danab ele lamadkkulag.

Eksodas 6:4

⌊Ag da dooiɗkkulagnu amu, da onil Kayak Nukka Ɠagattag Oh Ele ippuanatten,⌋ da hei, da ag ele nug tituanta nai qakkamut. Nug tituana nai qakkak nai dahil amuppa amu, geha da Kanan wan ag madakkulnu ami. Haen ag appa daappig amu, ag wan amuppa aab aon daappig, amge wan amu ahilag iitta. Ag am wan laihnu danab ah.

Eksodas 6:8

Da geha ag omalatte ukke, wan da Abraham, Aisak, am Jakop ele madakkulnu eppel humen, nai ain qakkami amu, da wan amu geha da ag madappi, geha wan amu ahilagnab daakku. Da am Yawe,’ ” awa aum.

Jeremaia 11:5

Ag da anam dim lamiɗkkulag dayeb, da ag mamelkad aɗi amelagppa dahil nai ɠagattag qetten, da ag wan laa, wan amuam enanag, wan ittag ele, amuppa ee meu huana otte, da wan amu madakkulnu ami amu, da anamnab hein, wan amu madakkul,” ami. Wan amuam wan ag amuppa gemu aakku daatteb.’ ” Yawe Nug anam aakku a doyen, da ami. “Genab, anam dayaɗ!” awe ami.

Jeremaia 32:22

Na Israel omaladna, diin uɗin, wan Israel mamelkad aɗi madakkutnu nahip nai ɠagattag qettan mattime amu, na Israel mattame. Wan memetalkad madakkutnu ame amu, wan amuam wan enanag, wan ittag ele, amuppa ee meu huana otte.

Esekiel 20:6

Haen amuppa da ag ehanatten omaladppi, ag Isip wan uun, wan laappa gokkulagnu nai ɠagattag qetten mattimi. Ag wan amuppa gokkulag amu, wan amuam wan enanag, wan ittag ele, amuppa ee meu huana otte, neekkak nuhig ele enanag, wan laa oh eɗattak. Da wan amu ag aguppa daaglagnu tituanmi.

Lewitikas 20:24

Amge, wan ahilag, wan amuam enanag, wan ittag ele, amuppa ee meu huana otte amu, da wan amu madappi, ag aoglagnu nai ain qakkami, wan amuam ag aulag daakku. Da am Yawe, ahilag Kayak. Da aakku, ag danab laa oh oolagppanu ag danab ah laa daaglagnu tituanadmi.

Namba 11:12

Na, na onin aon, amuppa nahip nai ɠagattag qettan, danab ah imu mamelkad aɗi Kanan wan madakkutnu ame. Amge danab ah imu oh da ii hattami; da ii menuadmi. Da amu ii hemi amunu, na da ag dabmatte, atognoatte aute awewe, wan na amenu, appa omalatten gokkulnu ame amu, da amunu diig ii doottem.

Namba 13:27

Ag Moses amegppa inam appig. “Wan na ig appa gokkunignu meigme amu, ig appa gomut. Wan amuam wan enanag, am wan ittag ele, amuppa ee meu huana otte. Antte! Ee meu laala wan amuppanu iikku akkat ele uɗimut.

Namba 14:16

‘Yawe Nug Israel omalatta ukka heeb, ag wan laappan danab ah aqappeg mauhppeg, Israel ag aguppa daaglagnu amelagppa nai ɠagattag qetta aum, amge Nug amu hekkunu ɠagattag elele iitta amunu, Nug aqe, ag ohnab atu taɗakppa mauhadna malappig,’ aon akkulag. Na ag oh aqappe mauhppeg amu, ag geha anam aakku akkulag.

Namba 14:30

Da eppel humen, ag wan imu madappi, ag amuppa daaglagnu dahil nai ɠagattag qetten mattimi, amge ⌊ag da dimeɗan, dahil nai tappaeg ne, ag eɗun Isip gokkulagnu appig amunu,⌋ laippu laa wan amuppa iinab noma; Kalep, Jepune bekka amu Nan bekka Josua ele, aa aakkuib nokkulah.

Namba 32:11

Danab ah imu ag meulkad ohppa ele, ag da dim ii lamiɗppig amunu, danab oh ag maɗ 20, o iitta maɗ 20 eɗittak, ag Isipnu uɗippig ele, amu oolagppanu aɗit aakkuib, wan da ag madakkulnu ami ele, amuppa wakkulah. Danab amuam Jepune bekka Kalep, Kenis buɗubppan danab, amu Nan bekka Josua ele; aa aakkuib wan amuppa wakkulah. Auntai laa da wan amunu dahil nai ɠagattag qette, Abraham, Aisak, amu Jakop ele ag, am ag buɗulkad ele madakkulnu ami amu, ag oolagppan laa ag wan amu iinab anidmana. Kalep, Josua ele aa aakkuib wan amuppa tekkulah. Aa wan amuppa tekkulahnu diig am, aa da Yawe, aa da meulah ohppa ele dim lamiɗpiɗ.

Duteronomi 12:29

Ag Kanan wanppa nona, appan danab ah lamadkkulagnu aakku daatteb. Amu Yawe, ahilag Kayak, Nug geha appan wan anen anennu danab appa ana daatteb, Nug heeb, ag danab ɠagattag iitta daan nauhkkulag. Amge ag lamadna malan, ag ahilag wanppa daappeg,

Duteronomi 19:1

Yawe, ahilag Kayak, Nug geha danab ah oh, wan Nug ag madatteppa daatteb amu heeb nauhkkulag. Nug ag ehanatta heeb, ag lamadna malona amu, ag danab amu dilag aab, laulkad ele diiglag.

Duteronomi 26:1

Haen ag wan, Yawe, ahilag Kayak, Nug ag aulag daakkunu madatteppa nona, aon daanna, amu dimppa,

Duteronomi 7:1

Haen Yawe, ahilag Kayak, Nug ag wan nona aon daaglagnu daatte, Nug amuppa omalatta noa, Nug geha heeb, ag Israel, ag wanppan wan laalanu danab ah appa daatteb ele, ag ag lamadkkulag. Danab amu ag am; Hit danab, Girgas danab, Amo danab, Kanan danab, Peres danab, Hiwi danab, Jebus danab ele. Danab ameg eblaih aɗit ele amu, ag am danab ɠagattag ele, ag eɗattak daatteb.

Josua 24:11

Da anam hei, ag Jodan le mataɗna, Jeriko waeg, Jeriko danab ahaeg, ag ele ban heppig. Danab ameg kuɗum laala ele, ag ele ban heppig. Danab amu ag am, Amo danab, Peres danab, Kanan danab, Hit danab, Girgas danab, Hiwi danab, amu Jebus danab ele. Amge da hei, laa amu ag eɗadkkulagnu elele iitta daaeg, da ag eppelagppa maadmi.