Eksodas 13:19 - Nobonob Baibel

¹⁹ Ag gonana, ag Josep ebehi ele maon goppig. Aɗinu? Anukka Josep nug Israel bekkod laa amelagppa aum. “Geha dimppa Kayak Nug ag Israel, ag Isipnu eɗua diia gokku amunu, haen amuppa ag da ebehil ippanu aon ele ukkeg!” awa aum. Josep anam awa ana, nug he, ag amu hekkulagnu nai mattin, ɠagattag qedappig. Ag anam appig amunu, Moses he, ag Josep ebehi ele maon goppig.

Eksodas 13:19 ပူးပေါင်းရင်းမြစ်များ

Genesis 48:21

Israel nug itittak ena nai mattia malowa, nug Josep amegppa aum. “Mauhak dahil am miag, amu da mauhppi, dimppa dimppa Kayak Nug ag buɗulkad aɗi omalatteb, na mamenad dilag wan Kanan, ag appa gokkulag

Eksodas 4:31

Nug anam he, ag oolagppa genab dooppig. Amu haen ag Yawe Nug ahilagnu dabmak awawa dayom doon, Nug ele Isip ag kobol eheɗ iɗu iɗu ahilagppa heppig anttom ele doon amu, ag dup nona, Yawe binag meppig.

Luk 1:58

Menue amunu Elisabet mudippanu amu nuhikkudppa ele ag Naɗi nuhignu oo gai-iitta doya oo metta ehanittom doona, ag nug ele maɗoɗppan gamag ahak dooppig.

Luk 7:16

Danab ah oh ag amu anidna, ag Kayaknu ebehilkad oh bodoetta le me, ag Kayak binag mena appig. “Propet naɗi laa ig oonigppa uɗiom. Kayak Nug ig ehanigkkunu uɗiom,” aon appig.

Aposel 7:15

Aria Jakop nug noa, Isip dayeye, amu dimppa nug amu nug bekkod ele ag oh mauhadppig.

Aposel 7:16

Ag mauhatteg, gaɗalag amu ag eɗun akkan gona, Sekem matmatppa boumadppig. Anukka Abraham nug silwa men doɗoppa wan amu Hamor buɗub, danab amu ag eppelagppanu awom.

Hibru 11:22

Josep nug Kayaknu ooppa genab doyom amunu, haen nug mauhkkunu haaha amu, nug Israel ag dimppa Isip uun ahan gokkulagnu ana, nug beɗu attem boumkkulagnu ele aum.

Josua 24:32

Amu Israel ag Isip uun beppig, haen amuppa ag Josep ebehi ele maon uɗippig. Ag maon uɗin, Kanan wanppa Sekem guguittak, appa boumppig. Ag memetalag anukkanu Jakop, nug wan amu aokkunu, nug Hamor bekkod silwa men doɗo 100 matta awom. Nug wan amu awom amu, ag aguppa Josep ebehi boumppig. Anam amu, wan amuam Josep buɗubnu wan, ag aulag aakku dayom. Hamor am Sekem mameg.