Eksodas 13:18 - Nobonob Baibel

¹⁸ Amunu Kayak Nug Israel omalatte, ag talilin, atu taɗakppa ukkaknu ibppa gona, Le Kokoɗppa noppig. Ag Isip uun gonana, ag ban haknu keeke ele maon oippig.

Eksodas 13:18 ပူးပေါင်းရင်းမြစ်များ

Genesis 50:25

Josep nug anam awowa amu, nug tuɗitta, Israel bekkod laa, amuam nug awakkud amag ele amu, nug ag amelagppa aum. “Kayak Nug ag ehanatteb, ag wan imu uun gokkulag amunu, dimppa ag gokkulagnu haen amu, ag gonana, ag da gaɗal ele maon gona, Kanan wanppa boumkkulagnab daatte,” awa aum. Nug anam ana, nug ag amu hekkulagnu ahilag nai ɠagattag qena amegppa akkulagnunab he appig.

Sam 107:7

Ag anam unuqitteg, Nug ib tutukku laappa anuqa ugakka omalatte, ag aab okkai laa, ag amuppa daaglagnu elele amu, ag amuppa teppig.

Sam 136:16

⌊Ig Yawe,⌋ Nug danab ah nuhig omalatte, atu taɗakppa wana goppig amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Sam 68:8

Na, na Kayak Sinai appa nahipad danab ah gumadna neme amu, na anam hee, na noomppa wan uɗalom. Ao, na, Israel dilag Kayak, na anam hee, na noomppa gu neum.

Eksodas 12:51

Deɗ amuppaib Yawe Nug Israel buɗub huu anen anen oh diia omalatte, ag Isip uun goppig.

Eksodas 14:2

“Na Israel amelagppa appe, ag eɗun gona, yu ihippa Pihahirot guguittak, appa ag haen tutu dayaknu aab kaleg! Aab amuam Mikdol, Le Kokoɗ ele gamalahppa, Balsepon guguittak, appa daatte.

Eksodas 14:9

Ge! Isipnu ban daup am oh, laa baelagppa oin, ban heppig, laa ag bannu karis attan daan, ban heppig, laa ag hos attan daan, ban heppig amu, ag oh ahan, Israel dim lamadna goppig. Ag gona, Israel ag Le Kokoɗ ihippa, Pihahirot, Balsepon ele guguittak daaegeg amu, Isip ag gona gukkuadna, appa haen tutu dayaknu aab kalappig.

Duteronomi 17:16

Am king nug nukka nuhig hos kuɗum ele daakkunu ii hema. Nug danab nuhikkud maatteb, Isip gona, hos daden ii mekkulagoitte. Aɗinu? Yawe Nug ag amelagppa aum. “Ag eɗun, Isip ii gokkulagoitte.”

Duteronomi 32:10

Nug ag atu taɗakppa mattialatta anattom. Yo, wan haɗaettak, amuppa ulah ɠagattag iwaltte amu, Nug appa mattialatta, anattom. Nug ag diia, ahilag guppiɗ dayaya atognoattom. Yo, Nug ag am nuhikkudnab amunu, Nug ha, ag dabmattom.

Josua 1:14

Moses anam ag amelagppa aum amunu, ag waalkad, ahilkad nid naunau, ahilkad doɗ keeke, ag Jodan le laih ippa Moses wan mattom imuppa daaglag, amge ag ahilag ban danab, ag bappaidna, bannu keeke oh aɗan, Israel danab ah laa noolag aon, anuqna bannu ehanadkkulagnu gokkulagoitte. Ahilkad ban danab ag Israel laa ehanadppeg ukkeb,

Josua 4:12

Israel dilag huu okkai Ruben, Gad, amu Israel dilag huu okkai Manase mahaib ele, amu dilag ban danab, ag Israel danab ah laa noolagppa, Moses amelagppa aum bia, ag hena, Jodan le mataɗna goppig. Ag bannu bappaidna goppig.

Josua 4:13

Ebqak 40,000 anam, ag Israel dilag huu okkai Rubennu, Gadnu, aria Manase mahaib ele, ag bannu bapaidna goppig. Ag ban hekkulagnu Yawe noobppa Jodan le mataɗna, uɗem aab okkai Jeriko guguittak dayom, amuppa teppig.