Eksodas 13:14 - Nobonob Baibel

¹⁴ Moses nug anam ana, Nug tuɗitta aum. “Dimppa ag bekkalkad ag, ‘Kobol imuam diig aɗi?’ aon oɗ mattaglag amunu, ag inam amelagppa akkulag! ‘Ig Isip wanppa begbeg maɗi nid daautut, Yawe Nug uɗat ɠagattagnab ha, ig Isipnu awikka, omaikka uɗiom.

Eksodas 13:14 ပူးပေါင်းရင်းမြစ်များ

Genesis 30:33

Aria, anam dayeb, dimppa haen na dahil nob anidkkutnu uɗikkut amu na anidkkut. Aɗinu? Haen amuppa na meeme beɗu otultul iitta, o beɗu geɗaɗa iitta, o sipsip nag laa beɗu qamuhak iitta dahil doɗ ameg ooppa anidna amu, na dookkut, da yab aomi,” awa aum.

1 Stori 16:12

O Israel buɗub, ag Yawenu maɗi nid daatteb. Ao, O Jakop bekkod, Yawe ag nuhikkud daaglagnu tituanattom. Ag Israel aakku, ag Yawe Nug uɗat ɠagattag danab hekkun elele iitta digdig heum amu, ag amu dabmetteg! Ao, uɗat digdig danab hekkun elele iitta Nug heum; nai doya mala hettoɗia epeɗia elele mettak kobol Nug dim lamittom ele amu, ag dabmetteg!

Nehemaia 1:10

O Yawe, Israel danab ah ag am nahipad maɗi nid maɗi ah ele. Na eppen bahin, na nahip ɠagattag okkaippa na ag laa eppelkadppan qagaiettakppanu eɗua uhuqak daakkunu heme.

Sam 136:11

⌊Ig Yawe,⌋ Nug Israel danab ah Isipnu diiom amu, ⌊ig Nug amegppa, “Ena heme,” atu!⌋. Aɗinu? Nuhig oo mauhaknab kobol hanhan alet daatte.

Sam 145:4

⌊O Yawe,⌋ haen oh nid anilkad mamelkad ag nahip uɗat enanu nid ahilkad amelagppa mattiglag. Yo, ag geha na uɗat okkai, ɠagattag heme, ag amunu amelagppa mattiglag.

Sam 78:4

Ig nai genab amu ig nid ihinkad doomnanu ii lokkumadmata. Ao, menuattak huu laippu bia bau dotteb ele amu, ig apput dooglag. Ig Yawe keeke okkai okkai heumnu apput dooglag. Ao, ig nuhig ɠagattagnu, amu kobol danab hekkunu elele iitta nug heumnu ele mattignig.

Eksodas 10:2

Da amu heminu diig laa am, geha ag Israel danab ah, ag da dahilnu dabmettaknu kobol danab haknu elele iitta Isip danab ah ahilagppa hemi, da Isip danab ah ɠagattag hattami ele amu, ag Israel ag kaya amu, ag bekkalkad, alalkad ele amelagppa madippeg dooglagnu hemi. Laa ele amu, ag Israel, ag dahil hak amuppa, geha ag oh da am Yawe dooglagnu hemi,” awa aum.

Eksodas 12:41

Ag maɗ 430 Isip daaegeg, deɗ maɗ 430 amu iitta meum, deɗ amuppanab amu, Yawenu danab ah, Israel, ag Isip uuppig.

Eksodas 13:3

Yawe Nug anam a amu, Moses nug Israel danab ah amelagppa inam aum. “Ag Isip daanna, appa begbeg maɗi nid daaegeg, haen amuppa Yawe Nug nuhig ɠagattag amuppa ag Isipnu diia, omalatte uɗippig amunu, haen oh Yawe Nug deɗ imuppa ahilagnu keeke okkainab amu heum, keeke amu ag daulagppa doaɗ! Ag amu daulagppa doobob, ag bret yis ele hak amu, ag aib lappig.

Eksodas 13:8

Am deɗ naɗi amu haen beeb, ag bekkalkad amelagppa inam akkulag! ‘Yawe Nug keeke oh ha, ig Isip wanppanu aikka omaikka uɗiom amunu, kobol ig hettem imu amu, ig Yawe keeke naɗi heum, ig amu dabmekkunignu hettem.’

Eksodas 13:9

Aria, Bret Yis Iitta Lanaknu Hobul Nakok, amuam geha danab nug aɗi keeke dabmekkunu oo hette ele, nug amu dabmekkunu nug eppeg gomeppa nai ye daatte, o nug uɗappa keeke laa aiha daatte amu, hobul amuam, ag Yawe Nug ahilagnu uɗat naɗi heum dabmekkulagnu, nuhig ɗo nai ele dabmena mattiglagnu at amubia daakku. Aɗinu ag Yawenu ɗo dabmena, amunu mattiglag? Yawe Nug uɗat naɗinab ha, Isipnu diia omalatte uɗippig.

Eksodas 20:2

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Eksodas 6:1

Moses nug anam aum, amge Yawe Nug Moses amegppa aum. “Gemu amu, da Paro, nuhigppa keeke hekkul amu, na anidkkut. Da dahil ɠagattagppa ⌊eheɗ hedappi,⌋ diig amunu nug geha ag Israel uuatteb gokkulag. Ao, geha da dahil ɠagattagppa ⌊nug eheɗ naunab hedappi,⌋ diig amunu nug ag wan nuhigppanu lamatteb gokkulag,” awa aum.

Eksodas 6:6

Anam amunu, na da oɗel imu aon, Israel amelagppa inam appe doyeg! ‘Da am Yawe. Da geha heppi, ag Isip dilag begbeg maɗi nid maɗi ah ele baula ii daamna. Ao, ag Isip waalagppa baula ii daamna. Da dahil ɠagattag naɗippa, dahil bu mettak okkai eleppa ag Isip dilag begbeg maɗi nidnu qagaiettakppanu eɗua uhuqak hein madakkul.

Eksodas 6:7

Da geha heppi, ag am dahilad danab ah daappeg, da ahilag Kayak daakkul. Haen amuppa amu, ag da am Yawe, da ag Isip appa maɗi nid maɗi ah ele daappig, da amuppanu uhuqatti, ag hamu, ena daatteb dooglag.

Jeremaia 34:13

“Da, Yawe, da Israel dilag Kayak, da inam attem. ‘Anukka ag mamelkad aɗi ag Isip wanppa begbeg maɗi nid daan oiyegeg, da ag Isipnu diien, omalatti uɗippig, haen amuppa da hei, da ag ele ig nug tituanta nai qakkamut. Nug tituana nai qakkak amuppa da ami.

Daniel 9:15

Amunu, O Naɗi, ihinig Kayak, na nahipad danab ah Isipnu nahip kobol ɠagattagppa omalatte, Isip uun ukkaeg, amuppa na onin okkai awe, gemu ⌊nai imu yaak haenppa⌋ ele, na onin okkai daatte, amu ig na noomppa ig hipunin hemut; ge ig nau hemut am na amenppa attem.

Aposel 13:17

Ig Israel buɗub daattem amu, ihinig Kayak, Nug ig mamenkad aɗi tituanatta he, ag appateg, dimppa Nug nuhig ɠagattagppa Isipnu eɗua diia uɗiom.

Duteronomi 5:15

Ag anukka Isip appa begbeg maɗi nid daaegeg, da Yawe, ahilag Kayak, da ag Isipnu diie, omalatti uɗippig, amu ag daulagppa dayaɗ! Da ag Isipnu diie uɗikkul hein, da dahil ɠagattag okkaippa, keeke okkai kuɗumnab hemi, diig amunu da Yawe, ahilag Kayak, da ag Sabat deɗ dabmettan autnanab aoglagnunab ami.

Duteronomi 5:6

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Duteronomi 6:12

ag Yawe daulag atimanu dabmeig! Nug ag Isip, ag appa begbeg maɗi nid daaegeg, Nug appanu diia, omalatte uɗippig.

Josua 22:24

Ig qaɗab imu qemutnu diig am, butti aɗi ag alalkad ag ig alankad dilag inam amananu baɗat hemut. ‘Ag Yawe, Israel dilag Kayak, ag aɗinu Nug noobppa dup nona binag metteb? Nug am ahilag Kayak iitta.

Josua 24:17

Aɗinu? Am kayak auntai laa iitta, Yawe, ihinig Kayak, Nugnab ig mamenkad, amu ig ele begbeg maɗi nid daautut, Isipnu awikkom. Amu Nug nuhignu dabmettaknu kobol danab haknu elele iitta okkainab hatte, ig anidmut. Nug ig aben ohppa gomut amu dabmekka auta awewe, wan laala ig nakok gamag oppatadtata uɗimut.

Josua 4:6

Men amuam ag oolagppa at daaglagnu daaglag. Aɗinu? Dimppa, nid naunau ahilkad ag oɗ mattaglag. ‘Men amuam aɗi diignu?’ ana oɗ mattaglag.

Ikki Danab 2:12

Ag Yawe, Nug ag mamelkad aɗi dilag Kayak, Nug Israel Isipnu diia, omalatte uɗippig amu, ag Nug uuidppig. Ag kayak laala, danab ag taliliattak daappig, ag amu dilag kayak dim lamadnana, ag amu noolagppa dup nona binalag meppig. Amuppa ag heeg, Yawe Nug oppoɗi beum.

Ikki Danab 6:8

Yawe Nug propet laa Israel dilagppa me ukka, nug aum. “Yawe, Israel dilag Kayak, Nug inam atte. ‘Da ag begbeg maɗi nid daaegeg, Isipnu diie, omalatti uuppig.