Eksodas 12:7 - Nobonob Baibel

⁷ Ag aqadna amu, aria ag anen anen, ag doɗ tiig amu aon, lag ag daanna, doɗ lakkulagnu hetteb ele amu, ag lag amunu odnu ad ukku aɗit laih laih daattep, aria ukku attan emaitak daatte, amuppa ele ag doɗ tiig amu aon laaidkkulag.

Eksodas 12:7 ပူးပေါင်းရင်းမြစ်များ

1 King 6:31

Amu Oo Gunnab Ele, amunu od am nug ad olipnu plangppa od aɗit laih laih doya manataknu, matulataknu ele haata, od oɗeppa aihatom. Od aɗit amunu ukku anen anen am guhig tanig ele.

Eksodas 12:13

Ag laulag od uguppa doɗ tiig laittak amu, tiig amuam ag Israel laa, ag lag amuppa daattebnu at daakku. Haen da tiig amu anttena amu, geha da ag tippaladkkul amunu, haen da Isip dilag nid ⌊danab⌋ tatamnu, doɗ ⌊dawai⌋ tatamnu ele aqadkkul amu, ahilagppa am eheɗ laa ii bema,” awa aum.

Esekiel 9:4

“Na ahan, Jerusalem ooppa oinna, danab ah aun aɗi ag kobol, da kobol amunu oolppa uuaknab doottem, ag kobol amu laa ag heegeg anadna, ag kobol amu oh haknu oolagppa guittak doon mahiak ele hetteb amu, na ag uɗalagppa at laa me!” awa aum.

Epesus 1:7

Kayak Nug nuhig doyak dabmak ena ele oh, nuhig diignu doyak tutukku oh eleppa Nug dabmekka, Nug nuhig ehanittak okkai hamu mettak naɗinab megakka, Nug Jesus Kristus tiigppa Nug ig hipuninnu qagaiettakppanu eɗua uhuqak ha mekka, ⌊amuppanu laih amu⌋ ig hipuninnu uhuqak aomut.

Duteronomi 11:20

Ag laulkad odnu ad ukku aɗit laih laih daattep, amu aɗ odppa ele yaappeg daaglag.

Hibru 10:14

Anam amunu, Nug mana mettak laippuib heum amuppa Nug he, danab ag Kayak he ag oppiaawak danab benan daatteb ele, ag elelenab daatteb. Amu hanhan ele anamib daaglag.

Hibru 10:29

Aria, anukka danab nug ɗo tippalom amu, ag nug qeppeg mauhkkunu dayom amunu, gemu danab laa nug Kayak Bekka dimedatte ele, nuhignu attemnab? Danab amu nug geha qagaiettak naɗinab anidkkunu elele. Aɗinu? Nug Kristusnu, Nug am keeke hamu doya, Nug tiignu ele, amuppa Kayak Nug nug ele nug tituanya nai qagapiɗ, amuppa Kayak he, danab amu oppiaawak beum, amge danab amu nug tiig amunu keeke oppiaawak iitta doyom. Laa ele amu, nug Kayak Ouɗi, Nug ehanittak okkai hamu mettaknu diig amu, nug nuhigppa ele kobol eheɗnab heum.

Hibru 11:28

Moses nug Kayaknu ooppa genab doyom amunu, aqaknu engel nug Israel dilag nid danab tatamnu menuattak gukkuatta ii wamanu, nug Israel ele ag Pasowanu Hobul hena, ag sipsip tiilkad laulkad od uguppa tauɗ qedappig.

Hibru 9:22

Aria ɗo kobolppa, tiigppaib keeke oh bia oppiak daakkunu daatte. Amu tiig ii ne amu, Kayak Nug hipunin ii uhuqtte.

1 Pita 1:2

Ag Jesus Kristus oɗe dim lamidkkulagnu, Jesus tiigppa oppiak bena daaglagnu amu, Kayak, ig Mamenig, Nug anukka ag doyattom, amu amuppa Nug, ag nuhikkud danab ah daaglagnu tituanatte, nuhig Ouɗi he, ag oppiaawak daatteb. Ag amu, Kayaknu ehanittak okkai hamu mettak, amu nuhig maɗoɗ ele ahilagppa naɗi daaglahnu ool daatte.