Eksodas 12:6 - Nobonob Baibel

⁶ Ag doɗ amu deɗ 10ppa tituanadna, ag ena atognoadppeppeg, kalam amunu deɗ 14ppa tuebnab amu, ag Israel oh baelkadppa anen anen, ag doɗ ahilkad baalag otaɗkkulag.

Eksodas 12:6 ပူးပေါင်းရင်းမြစ်များ

2 Stori 35:1

Amu Josaia ⌊Israel danab ele, ag⌋ Yawe binag mekkulagnu Pasowanu Hobul Jerusalem appa gamag ahak ele hena daappig. Ag amu hena, ag Pasowanu sipsip nag anen anen kalam digmakppa, deɗ 14ppa baalag otaɗadppig.

Esra 6:19

Aria, ag Kayaknu mettid lag hena malaeg, maɗ amu iitta me, maɗ bauppa, maɗ amunu kalam anuqaknu deɗ 14ppa Juda danab ah ag diia ukka laih me dayaknu eɗun uɗippig ele, ag Pasowanu Hobul heppig.

Eksodas 12:14

Yawe Nug anam anana amu, Nug nai tuɗitta aum. “Gemu kobol ahilagppa bekku ele amu, ag amu dabmekkulagnu ag kalam imunu deɗ imu tituankkulag. Am ag buɗub buɗub doobob, ag buɗulkad, ag ele amu dabmekkulagnu, da gemu ag aɗi hekkulagnu attem amu, ag ele deɗ imuppa anamib hekkulag. Ag oh hanhan maɗ anen anenppa deɗ imuppa da, Yawe, ag kobol da hekkul imu daulagppa dokkunu, ag deɗ imu da dabmeɗanna qagmak gamag ahak ele henan daaglagnu dabmekkulag. Am ɗo laa ag dim lamidkkulagnu laa aakku.

Eksodas 12:17

Da gemu, deɗ imuppanab ag omaladppi, ag wan imu uun gokkulag amunu, ag amu dabmekkulagnu ag Bret Yis Iitta Lanaknu Hobul Nakok imu gamag ahak ele hekkulag. Ag haen oh, buɗub buɗub doobob, maɗ anen anenppa hekkulag; ag aib tippalppig!

Eksodas 12:18

Ag hobul imu hekkulagnu amu, ag inam heig! Ag kalam digmakppa, kalam amunu deɗ 14ppa, ag tueb amu digmena, bret yis iitta lakkulag. Lappeg ukkeb, kalam anuqak amunu deɗ 21ppa, tueb meeb bataglag.

Eksodas 12:47

Israel danab ah oh, ag Pasowanu Hobul gamag ahak ele amu heig!

Eksodas 16:1

Amu Israel ag Isip uun gona, ag Elim tena daaegeg ukke, ahan gonana, kalam ag Isip uun goppig, kalam amu mauhe, dimppa kalam laa amunu, deɗ ebqak 15ppa Israel danab ah oh ag atu taɗak onig Sen, ag amuppa teppig. Aben amuam Elim, Sinai ele gamalahppa daatte.

Eksodas 16:12

“Da Israel dilag naittuɗ mak doyen malami amunu, na ag amelagppa inam a! ‘Tuebnab ag geha teppu lakkulag; aria, buttua amu, geha ag bret lappeg, ag oolag didikku. Ag ee amu lanana, geha ag da am Yawe, ahilag Kayak, ag amu dooglag,’ ” awa aum.

Eksodas 19:1

Israel ag Repidimnu ahan, oin oin gona, Sinainu atu taɗakppa tena, Sinai qauko diigppa, ag haen tutu dayaknu aab kalan daappig. Ag Isip uun, kalam aɗit oin, kalam ewam, deɗ digmakppa ag qauko Sinai diigppa teppig.

Eksodas 29:39

Sipsip laa amu, ag buttua main, da meɗona, laa am tuebnab ag main, da meɗaglag.

Eksodas 29:41

Aria, tuebnab ag sipsip laa main meɗaglag, amu ag haen amuppa ee aegnu ofa, wain gokkaɗaknu ofa ele buttua heppig bia heig! Mana mettak amuam da, Yawe, da meɗaknu aab aɗunu ofa. Mana mettak amunu muttuɗignu amu, da, Yawe, da oolppa ena doottem.

Aisaia 53:6

Ig danab ah oh ig sipsip matatun gona, padal metteb, ig amubia ib apiɗidta, matatut gomut. Ao, ig anen anen oh ig ihinig dabmak dim lamidkkunignu hemut. Ge, ig anam hemut, amu Yawe Nug ig danab ah oh, ihinig hipunin amu, Nug nuhig maɗi nid, nug amu maokkunu nuhigppa meum.

Esekiel 45:21

Amu maɗnu kalam digmakppa, deɗ 14ppa amu, ag Israel, ag Pasowanu Hobul hekkulag. Hobul amuam deɗ eblaih aɗit ele daatte, amu deɗ amu ohppa ag bret yis iitta lakkulag.

Lewitikas 23:5

Hobul dayak haen tatam amu Yawenu Pasowa deɗ. Hobul dayak amuam kalam anuqaknu deɗ 14ppa, tuebnab, haen amuppa digmette.

Namba 28:16

Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Maɗ ooppa kalam digmakppa, deɗ 14ppa ag Yawenu Pasowanu deɗ gamag ahak ele hekkulagoitte.

Namba 28:18

Hobul amunu deɗ digmakppa amu, danab ah ag ahilag uɗat ag hanhan hetteb ele uuna, ag Yawe noobppa qagmena dup nona Nug binag mekkulagoitte.

Namba 9:11

Aun aɗi ag mauhak laate aɗappig, iitta laihte gona, eɗun ii uɗippig dayeb amu, ag Pasowanu Hobul daan hekkulagnu amu dimppa, kalam tatamnu uueb, kalam amu dim lamidtte ele, kalam amunu deɗ 14ppa tuebnab hekkulag. Ag sipsip lanana, bret yis iitta, amu keh mua ele amu lakkulag.

Matyu 27:20

Aria, Pailat nug nai amu doyeye, mana mettak danab okkai, amu Juda dilag ikki danab ele ag Pailat nug Barabas uhuqa madatta, Jesus qeeb mauhkkunu danab ah oolag yaan heppig.

Matyu 27:25

Nug anam a amu, ag appig. “Am ena. Nuhig mauhaknu aab am ig, ihinkad nid naunau ele, ig oh ihinigppa dayaɗ!” aon appig.

Mak 15:1

Aria, wagɗe buttuanab amu, mana mettak danab okkai, Juda dilag ikki danab, ɗo mehuqak danab amu Juda dilag hettoɗiak okkai onig Sanhidren, amunu danab ele ag oh qagmena, Jesus mauhkkunu nai qakkona, Jesus eppeg muɗippa qakkana, aon gona, Pailat eppegppa meppig.

Mak 15:11

Pailat nug anam oɗ mattom, amge mana mettak danab okkai ag ahan, wagai mena, danab ah kuɗum daappig ele gaɗa gaɗa mattaeg, ag Jesus ii uhuqma, nug Barabas uhuqkkunu appig.

Mak 15:25

Ag buttua aam ameg eblaih waɗeleppa ad emaitakppa atulppig.

Mak 15:8

Nug maniguittakppa dayeye, Jesus Nug Pailat eppegppa dayeye amu, Juda danab kuɗum ag ahan, Pailat toppa gona, ag nug hanhan maniguittak danab laa uhuqttom bia hekkunu oɗ medappig.

Luk 23:1

Ag Jesus aum amu doona, ag oh ahan, omalna Pailat toppa gona, nug eppegppa meppig.

Aposel 2:23

Kayak Nug anukka nuhig doyakppa anam hekkunu nai mattiom, amu Nug Jesus awa, ag eppelagppa me, ag danab nau, ahilag ehanittakppa, ag ad emaitakppa atulna, qeeg mauhom.

Aposel 3:14

Ag danab amu, Nug am genab tutukku hak danab, Nug oppiaawak ele, ag Nug dimettan, ag Pailat amegppa, nug danab laa, danab aqe mauhppig ele, ag nug danab amu uhuqa awa, ag matta, heeb gokkunu eppig.

Aposel 4:27

Dawit nug aum bia amu ag genab anam heppig. Herot Antipas, Pontius Pailat ele am iitta aɗi danab amu ag Israel ele, ag oh aab okkai imuppa qagmena, ag Jesus geɗidppig, Nug am maɗi nid nahip, oppiaawak ele. Na Nug anukka goɗen gokkaɗakppa tituanme.

Josua 5:10

Israel ag Gilgal appa Jerikonu uɗem okkaippa haen tutu dayaknu aab kalan daappigppa daanna, kalam amuppa, deɗ 14ppa amu, deɗ amu tueb ag Pasowanu Hobul gamag ahak ele heppig.