Eksodas 12:12 - Nobonob Baibel

¹² Tuqan amuppa amu, da geha Isip wanppa oiyeye, Isip danab ah dilag nid ⌊danab⌋ tatamnu oh, amu doɗ nalkad ⌊dawai⌋ tatamnu oh ele aqakkul. Amuppa amu, da kayak hambuppuak oh Isip dilag amu, da ag bu okkai madakkul. Da am Yawe.

Eksodas 12:12 ပူးပေါင်းရင်းမြစ်များ

1 Stori 14:12

Dawit aɗi ag Pilistia eɗatteg, ag kayak hambuppuak dottolkad ahilkad uuadna ooleg, Dawit aɗi ag uɗin manatteg eoppig.

Sam 135:8

Nug he, nid ⌊danab⌋ tatamnu oh, doɗ nalkad ⌊dawai⌋ tatamnu ele Isip appa mauhppig.

Sam 82:1

Kayak Nug Israel dilag tamaniakppa dayaya, Nug qagmeppig ele dilag okkai daatte. Ao, Nug epeɗiak danab dilagnu nai doya mala hettoɗia epeɗia elele mettak kobol dim lamitta, Nug ag daulag batata, ag amelagppa inam atte.

Sam 82:6

Da ami. ‘Ag am Kayak ganiappud. Ao, ag am oh Kayak Attannab Laa Oh Eɗattak bekkod daatteb.

Sam 91:7

Oɗe amu digmekku dayeb, danab ah 1,000 ag na guguittak daatteb, am aqeb mauhlobtai, amge na oɗe ii aomna. Ge, 10,000 ag na eppen naɗiap-ppan, na guguittak daatteb mauhlobtai, amge na oɗe ii aomna.

Sam 95:3

Aɗinu? Yawe Nug am Kayak onig, ɠagattag ele. Ao, Nug king. Nug kayak laa oh eɗattak, attannab daatte.

Eksodas 12:23

Ag amu heppeg, haen Yawe Nug ukka, laih Isip dilagppa ahilkad nid danab matunu amu oh aqakkunu oiyaya amu, Nug ag Israel, ag laulkad anen anennu od ukku tiig laittak antta, Nug od amu tippala, nug engel, danab aqatte ele amu, Nug nug amegppa aib ab, nug ahilkad nid aqakkunu, ag laulkad anen anenppa ii noma.

Eksodas 18:11

Gemu da doottem, Yawe Nug kayak laa oh eɗattak. Aɗinu? Haen Isip ag beɗuppa tak kobol nau dim lamidnana, ag Israel eheɗ nau hattegeg, Nug Israel ena ehanatta, Isip danab eppelagppanu eɗua diiom,” awa aum.

Eksodas 21:6

aria, gumak danab nuhig nug danab amu awa, Kayaknu mettid lagppa, nug amuppa ukka heeb, nid nug od ukku, ad amuppa hibaitta dayebeb, gumak danab nuhig nug tutuippa nug daug bami otuleb, amu geha nid amu nug danab amu, nuhig maɗi nidib dayeb ukkeb, nuhig mauhak batakku.

Eksodas 22:28

Da am Kayak, ag dahilnu dabittak nai aib appig. Amu ag ahilag huuppan ikki danabnu, nug eheɗ laa awaknu anak waappa daakkunu aib appig.

Eksodas 6:2

Amu Kayak Nug tuɗitta, Moses amegppa inam aum. “Da am Yawe.

Eksodas 9:6

Aria, Yawe Nug keeke amu hekkunu aum amu, wagɗe deɗ amuppa Nug aakku heum. Nug he, Isip danab dilag doɗ oh ⌊bia⌋ mauhppig, amge Israel dilag doɗ oh amu, ag ena daappig; laippu laa ii mauhom.

Aisaia 19:1

Nai meunab ele Isip wanppanu Yawe he, Aisaia doyom ele am iikku. Antteg! Yawe Nug lombigppa dayebeb, lombig nug pahanab Isip wanppa uɗikku. Yawe Nug uɗiebeb, Isip dilag kayak hambuppuak dottolkad ag baɗan hahaɗkkulag. Ao, Isip danab ah ele ag huan ottaina, baɗan, oolagppa gai-iitta dooglag.

Jeremaia 43:12

Nebukatnesar nug uɗia, Isip dilag kayak hambuppuak dilag mettid lag maneb eoglag; ahilag kayak hambuppuak dottolkad amu, nug aɗualatta, diia gokku. Sipsip gumak danab nug ulahnu lamen nuhig mekkunu uɗat okkai ii hette, keeke hamu bia dootte, amubia Nebukatnesar nug Isip eɗidkkunu uug ii dooma. Nug eɗitta, nug maɗoɗ ele eɗua laih gokku.

Jeremaia 43:13

Isip wanppa amu, nug ukka, aamnu mettid lag, amuppa nug heeb, biidod, danab ah ag biidod amunu, ‘Am ihinig kayaknu keeke,’ anan ottaitteb ele amu, nug biidod amu heeb nauhppeg, Isip dilag kayak hambuppuak dilag mettid lag manatteb eoglag.” ’ ” Yawe Nug nai anam awa, Jeremaia mettom.

Jeremaia 46:25

Amu Yawe Nukka Ɠagattag Oh Ele, Israel dilag Kayak, Nug atte. “Isip dilag kayak hambuppuak laa onig Amon, aben nuhig am Tebes amu, da nug, Isip dilag kayak hambuppuak laa, aria Paro, Isip danab okkai, Isip danab ah, amu laa Paronu ehanittak aoglagnu dabmetteb ele amu, da haen elab iitta, da amu oh bu madakkul.

Esekiel 12:16

Israel danab ah kuɗum mauhkkulag, amge da heppi, kekeɗ ag qep-ppa laib laib ii aqamna; da heppi, ag laib laib am enug aqeb ii mauhmana; da heppi, ag laib laib am oɗe nau danab kuɗum aqe mauhtteb aqeb, ii mauhmana. Da amu hekkulnu diig am, ag ii mauhkkulag ele ag wan laalappa gona daanna, ag kobol dubuttid nau ele digdig, da kobol amunu oolppa uuaknab doottem amu, ag kobol amu heppig amu, ag appan danab ah amelagppa ag kobol amu ii helobnu akkulagnu daan akkulag. Ag amu daan, ag dooglag, da am Yawe,’ ” awa aum.

Amos 5:17

Da ag bu madakkulnu uɗien, ag oolagppa oikkul amunu, ahilag grep dad ohppa mahiak okkai daakku.” Yawe Nug anam awa atte.

Sepanaia 2:11

Yawe Nug heeb, Moap, Amon ele dilag kayak hambuppuak oh ag padal mekkulag amunu, Moap danab ah, Amon danab ah ele ag Yawenu ebehilag oh bodoetta le mekku. Yawe Nug anam ha maleb, wanppan wan ohppan danab ah ag ahilag wanppa Yawe noobppa dup nona Nug binag mekkulag.

Namba 33:4

Ag Ramesesnu ahan ukkaegeg amu, Isip ag Yawe he, nid ⌊danab⌋ tatamnu ag ahilkad nid amu mauhegeg boumadnana daappig. Yawe he, nid ⌊danab⌋ tatamnu oh mauhadppig, amuppa Nug he, Nug Isip dilag kayak, amuam hambuppuak kayak Isip danab ah ippuanattom.

1 Samuel 5:3

Ag meeg dayeye, wagɗe buttuanab Pilistia danab ag ahan, mettid lag ahilagppa gona, Dagon dottog Yawenu Tituanak Nainu Kunup noobppa na qa, iɗu wanppa noa dayeye anidppig. Ag amu anidna, ag Dagon dottog eɗun aon, nuhig abenppa meeg dayom.

1 Samuel 6:5

Ag anam mattiona, ag tuɗidna appig. “Mamattin, amu tog ele ag wan imu heeg nauha auta aotte amunu, ag mamattin dottog, amu tog dottog ele hattona, ag Israel dilag Kayak mettaglag. Ag mettanna, amuppa ag Nug binag mekkulag. Ag anam binag meppeg amu, Nug heeb, ag, ahilkad kayak, amu wan ahilag ele, ag oh ena daaglagtai.