Eksodas 12:11 - Nobonob Baibel

¹¹ Haen ag doɗ amu lakkulagnu henana, ag inam hekkulag. Ag lamen imualgppa qakkan, baelag gaɗa mena, dudqak hokkat aon aɗaglag. Ag ee amu paha lakkulag. Ee amuam da Yawe, da ag tippalatte gomi, deɗ amu ippunadkkunu daatte.

Eksodas 12:11 ပူးပေါင်းရင်းမြစ်များ

2 King 23:21

Dimppa King Josaia nug nai inam me, danab ah dilagppa ukkom. “Nug tituana nai qakkaknu bukppa nai daatte amu, amubia ag Yawe, ahilag Kayak, ag Nug binag mekkulagnu Pasowanu Hobul gamag ahak ele heig!” ⌊Nug nai amu me ukke, danab ah doon, aria ag king aumbia heppig.⌋

Eksodas 12:13

Ag laulag od uguppa doɗ tiig laittak amu, tiig amuam ag Israel laa, ag lag amuppa daattebnu at daakku. Haen da tiig amu anttena amu, geha da ag tippaladkkul amunu, haen da Isip dilag nid ⌊danab⌋ tatamnu, doɗ ⌊dawai⌋ tatamnu ele aqadkkul amu, ahilagppa am eheɗ laa ii bema,” awa aum.

Eksodas 12:21

Aria, Yawe Nug anam a, Moses nug doya, nug Israel dilag ikki danab oh onilagppa e uɗieg, nug ⌊ag gona, Israel danab ah ag aɗi aɗi hekkulag ag amelagppa akkulagnu,⌋ nug ag amelagppa inam aum. “Ag anen anen ag gona, Pasowanu sipsip nag, o meeme nag, ag, amu ag baelkadppa ele, ag oh ahilagnu tituanadna baalag otaɗeg!

Eksodas 12:27

amu, aria ag inam akkulag! ‘Anukka, haen Yawe Nug Isip danab ah dilag nid ⌊danab⌋ tatamnu aqe mauhppig amu, gemu ig Israel, ig hettem imu am, alai aɗi bekkalkad tatamnu mauhmananu ag sipsip, o meeme aqaeg, doɗ amu tiilag ag lag ahilkad od uguppa laitteg, Yawe Nug tiig amu antta, laulkad amu tippalatta he, engel nug ag ii aqom amu, ig hettem imu am, keeke amu daunigppa dokkunu daatte. Doɗ imu ig aqaut mauhtteb ele amu, doɗ amuam alai aɗi doɗ aqaeg mauhna, ag bekkalkad tatamnu abenlag aoeg, ii mauhppig, amubia daanna, ippunigtteb.’ ” Moses nug ag amelagppa anam aum. Moses nug anam a amu, danab ah ag nai amu doona, ag Yawe noobppa dup nona Nug binag meppig.

Eksodas 12:43

Yawe Nug Moses, Aron ele amelahppa inam aum. “Pasowanu ɗo imu aa doyatteɗ! Wan laihnu danab nug ee amu ii lama!

Aisaia 52:12

Aɗinu ⌊ag anam hekkulagnu elele daaglag⌋? Yawe Nug ag noolag awa, anuqa gokku. Ao, Israel dilag Kayak, Nug ag dimulagppa oiyaya uɗikku. Anam amunu, ag laa dilag baɗan, oolna ii gomana. Ao, ag oolna ii gomana.

Esekiel 45:21

Amu maɗnu kalam digmakppa, deɗ 14ppa amu, ag Israel, ag Pasowanu Hobul hekkulag. Hobul amuam deɗ eblaih aɗit ele daatte, amu deɗ amu ohppa ag bret yis iitta lakkulag.

Lewitikas 23:5

Hobul dayak haen tatam amu Yawenu Pasowa deɗ. Hobul dayak amuam kalam anuqaknu deɗ 14ppa, tuebnab, haen amuppa digmette.

Namba 28:16

Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Maɗ ooppa kalam digmakppa, deɗ 14ppa ag Yawenu Pasowanu deɗ gamag ahak ele hekkulagoitte.

Namba 9:1

Aria, Israel ag Isip uun ahan uɗieg, maɗ laippu uue, maɗ laappa, maɗ amunu kalam digmakppa, Israel ag Sinai atu taɗakppa daappig. Ag appa daaegeg, Yawe Nug Moses amegppa aum.

Luk 12:35

Jesus Nug nai amu ana, Nug nai imu ele mattiom. “Ag lamen matagiɗ ele takkan, lam amotna, uɗat hekkulagnu bappaidna,

Luk 15:22

Nug digma anam aum, amge nug mameg nug maɗi nid nuhikkud onilagppa e doeg amelagppa aum. ‘Lamen elab enanag paha aon dona tagittona, ring laa aon dona, eppeg doɗoppa aɗappeg nob, baeg gaɗa ele aona, baegppa aɗappeg taɗ!

Luk 2:41

Amu Jesus anig mameg ele aa haen oh maɗ ohppa Pasowanu Hobul hekkulahnu Jerusalem tedapiɗ.

Luk 7:38

Jesus baegppa, guguitta dimugppa hibaitta gayaya dayom. Ameg leb gokkaɗa, Jesus baegppa ne amu, ikki uɗugppa oppiaya, Jesus baeg ootuqittowa, leppu muttuɗig enanag ele Jesus baeg gokkaɗ qettom.

1 Korint 5:7

Ag yis amu buɗippeg ukkaɗ! Ag anam heppeg iitta meeb, ag bret yis iitta, ag daaglagnu daatteb bia, ag anam bia dayeg! Aɗinu? Kristus Nug Pasowa Hobulnu sipsip nag ihinig, Nug nuhig mauhakppa aakku ihinig hipuninnu nob nau awa malom.

Epesus 6:15

Ag maɗoɗ, Nai Enanu dotte amu, ag amu baelag gaɗa bia aɗappeg noaɗ!

Duteronomi 16:1

Amu kalam Abibppa, Yawe, ahilag Kayak, Nug tuqanppa ag Isipnu diia, omalatte uɗippig amunu, ag Israel danab ah, ag kalam amu dabmena, ag kalam amuppa Yawe binag mekkulagnu Pasowanu Hobul gamag ahak ele hekkulagoitte.

Josua 5:10

Israel ag Gilgal appa Jerikonu uɗem okkaippa haen tutu dayaknu aab kalan daappigppa daanna, kalam amuppa, deɗ 14ppa amu, deɗ amu tueb ag Pasowanu Hobul gamag ahak ele heppig.

1 Pita 1:13

Amunu ag ɠagattag daaglagnu ag dabmak ahilag bappaidna daanna, ag akka ahilag oiyak pehettak atognoig! Ag Kayaknu ehanittak okkai hamu mettak, Jesus Kristus eɗua uɗieb aoglag, ag amunab dabmenan dayeg!